علاج البرد القديم فالجسم
وصفة فعالة لعلاج البرد فجميع اماكن الجسم
هاد الوصفة خديتها من عند عشاب كبير حيت كنت امريضة دخلنى البرد ملى اجهضت و ما درنى الحال حتي دازت واحد ثلاثة ثهور ابدالى الالم افرجلي اليسري و ظهري و ملى قتلو رانى عايشة برا لبلاد قالى اتبعى هاد الصفة و خاتبقي عندك فالدار ابحال الخبز راة داويك و عمر البرد ما باقى يعرف ليك اطريق انا استخدمت الوصفة غى شهرين و الله الا عطات اروع النتائج و لكين كانت عندي شي ظروف مرضية و اقطعتها و لكين حاليا ملى ابريت امعولة انبداها يلة على بركة الله اولا غتشرى كيلو تمر رابعة حلبة رابعة حب الرشاد و ثمن ١٦٠ اديال السانوج و ثلاثة اديال الكيسان اكبار زيت العود الحرة و ثلاثة اديال الكيسان العسل الحر ما شي لمزور الحر و دابة غنكوليكم الكيفية و اخا بها اشوية الشرح و الخدمة اولا كتقبضى الثمر و اتحيديلو العلفة و تاخدى السانوج و الحلبة و حب الرشاد و اتخلطيهم و من بعد اتعمري بيهم التمر و حتي الا شاط لك الخليط تاع الحلبة و السانوج و حب الرشاد غى خلية غنكولك اشديرى لية المهم كتاخدى ثوب اديال حياتي و افرشية و سط الكسكاس و اتحطى به التمر و داكشى لشاطلك من لعمارة تاع التمر دردريها فوق التمر و ديرى فالكدرة لتر و نص من الماء و تغطى الكسكاس من الفوق ابميكة و اتزيرى مزيان حيت هداك البخار لى غيتلع مخصوش اضيع فالهوا و اتخليهم اتفورو اشوية من بعد اتحيدى الخليط و اتحطية فشى كصعة و لكين متكونش حديد و اتخوى على الخليط زيت العود و اتعجنية مزيان و اترجعى الخليط عاوتلنى لوسط الكسكاس اتفور اتفويرة الاخرى و انفس الكيفية الاولي و من بعد ما يتفور اتحطية عوتانى فالكصعة و اتخوى اعليه العسل الحر و اتعجنية مزيان و اترجعية عاوتانى يتفور بنفس الكيفية الاولي و الاخرى و فالاخير ملى اتفور اتحطية افشى ابلاستيكة و يبقي ديما فالثلاجة تاكلى منو يوميا فالصباح على الريق و فالعشا اقبل النعاس مقدار جوج ملعقات فكل مرة و قبل ما انسي المراة الحاملة ما تصلحش ليها هاد الوصفة و معلومة اخيرة ديما قبل ما تكال هاد الوصفة خصنا انبدوها من الثلا`جة قبل باش اتسخن اشوية و فالاخير كنتمني اتجربوها و راة مغديش اتندموا و فامان الله
- البرد القديم
- علاج البرد القديم
- علاج البرد القديم بالاعشاب
- ثةور
- دواء البرد القديم
- دواء لعلاج البرد القديم
- العسل والسانوج
- البرد في الجسم
- وصفة لازالة البرد القديم
- اخراج البرد من القضيب