كيفية عمل كيك التورتة
المقادير بالكوب :
6 بيضات مفصول الصفار عن البياض
كوب دقيق الا ملعقتين كبار
كوب سكر الا ملعقتين كبار(سكر مطحون او ابيض ناعم )
معلقتين ما ية دافية مش سخنه
كيس بيكنج بودر او 3 ملاعق كبار
معلقتينكبيرة نشا
ذرة ملح يا دوب رشة خفيفة جدا جدا جدا عشان متبانش فالكيك
****************
المقادير بالجرام:
120 جرام دقيق
120 جرام سكر مطحون او سكر ناعم ابيض
20 جرام نشا
6 بيضات مفصول الصفار عن البياض
كيس بيكنج بودر او 3 ملاعق كبار
فانليا
معلقتينكبيرة ما يه
ذرة ملح
********
اولا لازم نعرف يا فتيات شوية اشياء بيعتمد عليهم نجاح الكيك الاسفنجي
1- الاوانى ) الي هنضرب بها البياض لازم تكون ناشفة تماما مفيهاش نقطة ما ية و نظيفه.
2- (فصل البياض عن الصفار ) خلو بالكو ان ما فيش نقطة صفار واحدة تيجى على بياض البيض لان لو دة حصل يبقا بياض البيض مش هيبقا هش خالص و بالتاكيد كدة يبقا الكيكا مش هترتفع و تبقا اسفنجية زي ما احنا عاوزين و عشان نضمن و احنا بنفصل الصفار عن البياض اننا منكسرش الصفار غصب عننا و ييجى على البياض ،
يفضل انك تفصلى الصفار و البياض اول ما تطلعى البيض من التلاجة و هو ساقع لانة بيقا متماسك شوية من جوا و تقدرى تتحكمى فيه.
3-(المكونات فدرجة حرارة الغرفة )لازم يا فتيات جميع المكونات تبقا فدرجة حرارة الغرفة و متكونش لسة خارجة من التلاجة يعني البيض اول ما تطلعية من التلاجة افصلية عن بعض و حطى الصفار و البياض جميع واحد فطبق لوحدة و سيبية حوالى ساعة عشان يوصل لدرجة حرارة الغرفة قبل ما تبداى فالكيك و لازم تغطو الطبق عشان البيض بيتجلط لما يتعرض للهوا.
4-(الفرن) افتحى الفرن اول ما تبداى فضرب البيض عشان يوصل للدرجة المطلوبة على بال ما تكوني انتهيتى من عمل خليط الكيك.
5- (نخل الدقيق ) لازم تنخلى الدقيق 3 مرات بمنخل او مصفاة سلك مرتين قبل ما تبداى عمل الكيك و المرة الثالثة و انتي بتضيفى الدقيق على الصفار تنخلية و انتي بتضيفية .
6-(السكر )مهم جدا جدا ان السكر يبقا ابيض و ناعم جدا جدا شبة سكر الاسرة كدة او مطحون و لو السكر مطحون يبقا لازم يتنخل زي الدقيق برضو.
7-(الصينية ) مهم جدا جدا الصينية تكون جوانبها مرتفع قوي يعني اقل كدة من ارتفاع الحلة بشوية صغننة و لو مش متوفر عندك يبقا يمكن تحطى جواها ورق زبدة توقفية من جوا حوالين الجوانب بحيث تعملى بية جوانب عالية للصينية زي دى كده
.ويفضل بالتاكيد تفرشى الارضة ورق زبدة بس لو مش متوفر خلاص يمكن ورق فويل و لو مفيش خلاص ادهنيها زبدة و ذقيق .
كمان كمية الكيك المفروض تبقا تلت او نص ارتفاع الصينية بالكتير لان لو اكتر من كدة هترتفع جدا جدا و تفور او هتهبط تانى .
8-(مضرب البيض ) لازم بعد ما نضرب الصفار نغسلة و ننشفة كويس جدا جدا عشان لو به ما ية او رطوبة البياض مش هينفش كويس و الاروع نشفية بمناديل عشان تضمنى ان مفيش به نقطة ما ية .
يلا نبدا بقا اجمل ابتسامة
الطريقه-
****
افتحى الفرن على درجة حرارة 200 سليزية او 375 فهرنهايت.
*هنضيف البيكنج بودر و النشا للدقيق و ننخلة مرتين و نسيبة على جمب .
السكر لو مطحون هننخلة برضو مرة واحدة و نسيبة على جمب و لو ناعم خلاص متنخليهوش.
اضربى صفار البيض لحد ما تحسى ان لونة بقا فاتح قوي زي البيج او الاصفر الباهت قالب على ابيض كدة هو تقريبا بياخد خمس دقايق ضرب بالمضرب الكهربائى و اطول الضعف تقريبا لو بالمضرب اليدوي.
ابداى الضرب بالسرعة البطيئة دقائق و ثم على السرعة خالص.
لما لونة يفتح خفضى سرعة المضرب و ابداى ضيفى نصف كمية السكر للصفار ملعقة ملعقة و لما تخلصى نصف كمية السكر زودى السرعة تانى و اضربى و ضيفى 3 ملاعق ما ية و الفانليا و اضربى دقائق و وقفى .
اغسلى المضرب و نشفية كويس جدا جدا و اضربى البياض مع ذرة الملح (ابدائى بالسرعة المنخفضة دقائق و زودى بعدين السرعة و لما يبقا البياض عامل زي رغاوى الصابون كدة خفضى السرعة و ضيفى باقى كمية السكر ملعقة ملعقة و متضيفيش ملعقة سكر الا لما الي قبلها تختلط كويس بالبياض .
لما تخلصى كمية السكر كلها زودى السرعة للاخر و كملى ضرب لحد ما تحسى ان المضرب بيعمل علامات فالبياض و انتي بتضربى (علامات شبة التموجات البارزة كدة ) عشان تعرفى ان البياض كدة جاهز اقلبي بشويش الطبق لو لقيتى ان البياض مبيتحركش منه و مش بيقع يبقا كدة تمام .
ابداى ضيفى بقا الدقيق للصفار ملعقة و قلبي ملعقة و قلبي (تضيفى الدقيق عن طريق المنخل او المصفاة مش تحدفية كدة علطول عشان ميهبطش الصفار .
تحطى ملعقة دقيق فالمنخل و تنخلية على الصفار و تقلبي من تحت لفوق فاتجاة واحد نصف دايرة فقط و بالراحة عشان الهوا ميجرجش
.
لو حسيتى ان الدقيق و الصفار تقيل و مش عارفة تقلبي كويس ضيفى ملعقة او اتنين من البياض عليهم و قلبي دة هيساعدك على التقليب .
،كل ما تحتاجى اعملى كدة بس خلى بالك مش عاوزين ناخد من كمية البياض كتير عشان نحتفظ بالهوا الي به و هنضيفة فالاخر خالص .
خلصتى كمية الدقيق خلاص ؟
ضيفى البياض على 3 مرات بس بالراحة خالص و قلبي بشويش (الغرض من التقليب ان الخليط يتجانس فقط يعني بلاش ضرب جامد عشان ميهبطش و الهوا يطلع منه .
صبى الخليط فالصينية المدهونة او الي به ورق زبدة بالراحة و دخليها الفرن فالرف الاوسط العشر دقايق الاولى على درجة حرارة 200 و بعد كدة هديها 180 لحد احدث النص ساعة و متزوديش فالفرن ابدا عن 40 دقائق اقصى مده.
دة فحالة لو اختبرتى الكيك بعد نصف ساعة و لقيتية مستواش ؟
(اختبرى الكيك بعود خلة اسنان او عصى الشيش طاووك او سكينة رفيعه).
اطفى الفرن و سيبى الكيك فالفرن خمس دقايق و ثم خرجية فمكان دافى يمكن جمب البوتاجاز من فوق عالرخامة و بعد شوية اقلبية على منخل سلك يبرد.
يفضل متقسميش الكيك للتزيين و الحشو الا تانى يوم لان الكيك بيصبح خارج من التلاجة بارد و بينقسم بسهولة و من غير فتافيت .
(حددى علامات بالسكينة على جوانب الكيك و دخلى بها الخيط و ثم شدى الخيط معكوس زي الصورة كدة هيتقسم معاكى مظبوط و بسهوله.
.
عند الحشو جهزى قطر عشان تسقى منه الكيك و تكون طرية و رائعة .
مقادير القطر :
******
كوب ماء نص كاس سكر و فانليا
حطيهم على النار و لما يغلو سيبيهم بعد الغليان 10 دقايق و اطفى عليه
ومتزوديش القطر قوي فالكيك عشام يمكن يتهرى الغرض منه يخلى الكيك طرى فقط .
وكملى تزيين الكيك من ابداعك .
(الكريمة اللبانى فحشو الكيك تحفة بجد خصوصا لو مزودتيش ليها السكر بتبقا كاناها قشطة لكن فالتزيين الخارجى نتيجتها معجبتنيش.
- طريقة عمل كيك التورته
- انواع الكيك
- طريقة عمل الكيك او التورتة
- طريقة عمل التورتة وتزينها
- عمل كيك التورته
- طريقة عمل كيك التورتة
- صور افكار تورت
- سعر دقيق سبونج
- حلويات مغربية سهلة وغير مكلفة بالصور
- الكيك المنفوش بالشكولاته
