اللانشون احلي من برا كمان , طريقة عمل اللانشون بالبيض

كيفية عمل اللانشون بالبيض

كيفية عمل اللانشون بدون لحم او باللحم او بالدجاج

المقادير :

2 مثلث جبنة نستو


2 بيضه


2 ملعقة كبار دقيق


1/2 كاس صغير زيت


مكعب مرقة دجاج


1/2 ملعقة فلفل اسود مجروش


1/2 ملعقة بابريكا … او دم غزال بحجم راس الدبوس


فص ثوم كبير


حبة حبهان

الكيفية :

هنجيب المفرمة بتاعة اللحمة او الخلاط على حسب الموجود عندك


وهتحطي به الجبنة المثلثات و البيض و الدقيق و الزيت و مكعب المرقة و الفلفل الاسود و البابريكا او دم الغزال و الثوم و هنفتح حبة الحبهان و هناخد الحب الصغير الي جواها و نحطة على المكونات و نضرب جميع الخليط دة فالمفرمة او فالخلاط لغاية ما يختلط كويس مع بعض و يبقي خليط سائل له قوام خفيف و ثم هنجيب كيس نايلون يصبح طويل و رفيع و يفضل بالتاكيد الكيس الحراري لانة صحي اكتر من الاكياس البلاستك العادية و هنجيب الكيس من الحتة الي مقفولة من تحت و هنربطة علشان يبقي مضموم و نصب الخليط جوة الكيس و نطلع منه الهوا و نبرط الكيس من فوق .
.
كدة هيبقي الكيس مربوط من فوق و من تحت علشان يبقي الخليط على شكل اسطوانة و ثم نلف الكيس فو رق فويل و نربطة من الناحيتين

… و ثم هنجيب الحلة و نحط نصها مية و نحطها على النار لغاية ما المية تغلي و ثم هنحط الكيس فالمية و نغطي الحلة و نوطي النار و لما يعدي نصف ساعة هنقلب لفة اللانشون الناحية التانية علشان تستوي من الناحيتين و نسيبها نصف ساعة كمان … يعني اللانشون بياخد حوالي ساعة على النار و علشان اتاكد ان اللانشون استوي ادخل خلة او طرف سكينة فاسطوانة اللانشون و لو طلعت نظيفة يبقي اللانشون استوي .
.
اطلع اللانشون من المية و احطة فالتلاجة ذي ما هو من غير ما افك الكيس علشان يسقع و يتماسك


هسيبة حوالي من 3 : 4 ساعات علشان يسقع كويس من جوة و من برة و ثم اطلعة من التلاجة و اقطعة شرائح رقيقة و ارصة فطبق التقديم

لو هتعملي اللانشون باللحمة او بالفراخ


هتحطي نفس المكونات الي فاتت مع اضافة 2 ملعقة كبار لحمة مفرومة او 2 ملعقة كبار فراخ مفرومة .
.
علشان اللانشون ياخد نكهة الفراخ او اللحمة و هتكملي باقي الخطوات ذي ما هى

ولو حبيتي تحتفظي بية فالثلاجة بعد ما قطعتية شرائح يبقي تحطية فعلبة تلاجة مقفولة بغطاء علشان مش ينشف منك او تحطية فطبق و تغطي الطبق بكيس نايلون


جربية هيعجبك اوي و طعمة نفس طعم اللانشون الي بنجيبة من برة بس مع اختلاف بالتاكيد النظافة و انه مضمون 100%


وبالف هنا و شفا

• افضل طريق لعمل اللنشون فى المنزل
• طريقة عمل اللنشون
• طريقةعمل الانشون بالبيض
• طريقه عمل اللانشون بالبيض