كيفية عمل طبخات حمام
نجهز الحمام بغسلة جيدا .
.
انا بيجيلي متنضف و جاهز يادوب اغسلة كويس و يبقي جاهز للحشو
ونجهز الفريك (نغسلة و ننقعة فماء مدة نص ساعة)
والفريك او الفريكة هي حبوب القمح الخضراء (القمح الاخضر) قبل جفافها تحصد سنابلها و هي خضراء و تعرض للحرارة عن طريق حرقها،
ثم تجرش لتكون كالبرغل
في حلة متوسطة نضع معلقتين سمن .
ثم نضع الفريك و نقلب لنحمره
وبعد التقليب حوالي 5 دقيقة نضيف الماء الساخن .
.
الماء يغطي الفريك فقط يعني مش كتير
واضح فالصورة دي انه الماء مش كتير
ونضع الملح و الفلفل الاسود
وحوالي دقيقتين او 3 هانلاقي الفريك شرب جميع الماء بتاعه
نخلية على جنب لغاية ما يبرد
الفريك كدة استوي نص سواء او اقل .
.
لانة هايكمل سوا فداخل الحمام
وبعد ما يبرد الفريك نبدا نحشي الحمام
وبعد كدة نجيب ابرة و خيط .
.
انا بعقم الابرة باني احرقها على النار و ثم امسحها بمنديل نظيف .
.
ونبدا نخيط فتحة الحمام .
.
وبخيط الرقبة كمان علشان ما يكونش به اي منفذ الفريك يظهر منه
وبكدة الحمام جاهز للسلق
في حلة كبار نغلي الماء .
.
واول ما يغلي انزل به الحمام
ولو لقيت اي ريم ظهر على و ش الماء اشيلة و ثم احط بصلة و ملح و فلفل اسود و ورق لورا و التوابل الي احبها
وهاياخد تقريبا نص ساعة و يستوى
وبعدين اطلعة و اصفية من الشوربة
واخيرا احمرة فالسمن البلدي او زبدة و معاها معلقة زيت علشان مش تتحرق
بس بالتاكيد السمن البلدي بيدي طعم الحمام الاصلي .
.
واقلبة فالسمن لغاية ما ياخد اللون الذهبي الجميل
ولا تنسي قبل التقديم تشيلي الخيط
- طريقة عمل حمام جديدة
