من اروع الشعر الرومانسي القصير
اسهرتني يا غلا والناس هجاع
النوم عني جلا يا زين الاطباع
الهم منك اعتلى والصد بك شاع
ما قلت لي وش بلا العهد منك ضاع
من بد كل الملا عيني لك تراعي
يا كامل بالحلى ما للجنا داعي
ارجع ترى لك وله من بين الاضلاع
ان جيت لي يا هلا ماني بطماع
انتي الذوق وانتي الحسن وانتي الزين بالوانه
جيتك شايل ورده حمرا عطرها موزون
وبس عرفت لمن بتروح ذبله حيل خجلانه
الا سبحان هالخالق امره بين كاف ونون
وهبك الحسن ويا الذوق وصرتي اول اركانه
كواكب هالسما بالليل لي من تظهري يسرون
ولو تمشين في وادي توقف ذل غدرانه
صدقيني يا حياتي ما تمنيت الا انتي
وان عمري في حياتي ماوصلت لعشق غيرك
صدقيني لو بيدي املكك طول الحياة
عمر قلبي يوم حبك ما نوى في يوم هجرك
صدقيني وزن الدنيا بكف وانتي ياعمري بكف
كفك الغالب ياعمري وترخص الدنيا لغلاك
صدقيني انتي همي انتي عمري انتي روحي
ينجرح قلبي وقلبك مابي منه الا رضاك
صدقيني مهما اوصف لك مدى حبي واعجابي
ما اوصل معنى حبك لان روحي في رؤاك
يتيمه فرحتي والله يتيمه يحسدوني على فرحه يتيمة
جمعنه ياس كل الخلق فيني خفوقي ما قوى صدمه عظيمة
حبيبي والله اني فيك مغرم ونفس مالها ذمه سقيمة
حبيبي كل شيء فيني ملكته ونار الحب في جوفي ظريمة
اذا روحي لها في حبك ذنوب هلا بذنوبها لو هي ظليمة
واذا في حبك اجرام ارتكبته فانا كلي فخر باعظم جريمة
لا يا بعد كلي حياتي تساويك
اقطع وريدي وان نبض حب ثاني
ثلات فيني كلها ترتبط فيك
اعشقك.. احبك.. والهوى صار عنواني
وان كان ما تدري انا اقول واطريك
حبك ملكني في ضميري ووجداني
لو اشوفك في اي حال .. مثلك مثل غيرك ولا ظرف اللقا يغيرني
فرقاك اصورها زوال .. وعيني ما ترى عينك ابلقى غيرك بيسعدني
حتى ولا برسم الخيال .. تغريني بزينك ترى خوفي الذي ابعدني
اخاف من حكي يقال .. وتصدقين محاكينك وتغلط اكثر وتظلمني
لا واخساره وقت الوصال .. عن غايتي وينك شوق الحب لك سيرني
حبك ترى من القلب زال .. وامسح ذكراي بيدينك انا كلي اسف تعذرني
منك الخطا منك الاهمال .. ضيعت مغلينك صبري من الاسى ودعني
لك في هوى غيري مجال .. قدامك سنينك غريب انا تصورني
يا معشر العشاق بالله خبروا
اذا حل عشق بالفتى كيف يصنع
يداري هواه ثم يكتم سره
ويصبر في كل الامور ويخضع
كيف يداري والهوى قاتل الفتى
وفي كل يوم قلبه يتقطع
