بوقالات جزائريه 2020
–
1* راني راني في وسط جناني السر والبهاء ريته بعياني راني راني حالفه بالرباني هذه
المره ما ناخذ غير البراني
2* يا لالتي فاطمه يالالتي فطوم سبحان خالقك ريت النجوم في السماء حسبتهم ساقك العين
تبكي عليك والقلب مشتاقك
3* السفينه اللي جات باش انكافيها باللوز والسكر نطعم غاشيها (اي ناسها) وبال******اد والعطر نطلي
سواريها ونطلب ربي العزيز للحج يديها
4* بعثت لك يا شباب دموعي قرنفله حمراء ياعدو بن عدو بدلتني بامراه قال لي
والله يا لاله ما نبذلك بالغير محبتك في قلبي حتى يشيب الطير
5* عندنا شجره معمره بالياقوت وعندنا فواره معمره بالحوت اعطوني ابنتكم ولا نطيح نموت
6* جايز على بابنا جايز واش تشوف انا لابسه لحرير و انت لابس الصوف قالها
يا لاله لباس الرجال مخلوف ارواحي ليا نلبسك لقاط و نزيدلك الشنتوف
7* مشيتي مشيه زهريه فاتو ثلث شبان عليك الاول قالك من صابك ليا و الثاني
قالك من صابك حلالي و الثالث قالك من صابني الارض و انت تمشي عليا
8* طلعت للسطح و فرشت زربيه , مر علي جن و جنيه , قالولي ايش
بيك يا لبنية؟ قلتلهم حبيبي غاب علي , قالولي نعملو اليد في اليد و نجيبوه
ليك ان شاء الله هاذ العشيه هدية.
9* يا ناس لملاح مدولي بنتكم و الا نطيح نموت..بنتنا شرطها غالي و مقامها عالي..مدوهالي
و الا نشتكي بيكم لربي العالي
قطعت اللحم بيدى و عملت بذور ، و سمعت الكلام بوذنى و عرفتمن قالو ،
يا قايلين الكلام القبيح واش تربحوا ، انا طاوس في القصر و انتم خفاشالنهار ما
يضوالو.
11* جزت على جنيه ، قالت لي واش تحوسي يا وليه ، قلت لها مانى
نحوسلا على مال ولا على جاه، نحوس على من ضيعت قولي لي .
12* جايز على باب دارنا ، لابستلمساني ، قتلو يا شيخ بالاك تنساني ، قال
لي والله ما ننساك ، ونصيبك على ربي جاهو سلطاني.
13* امنت بالله ، و المنام رؤيه من عند الله ، حمامه بيضا جاتترفرف علي
، معاها حصان توقف بين يدي .
14* نبعث لكم دموعي في مشوارازرق، و نبعث كلامي في بريه تحرق، ما ننساكم يا
ناسي بحق اله مكه ببلاطها لزرق.
15* سمعت قر الحمام في قاع السجنه ، لا من سقاه الما ولا من عطاهشعير
، يا قمر ..الحمام يعي و يحن ، وتتعمر النافوره ، ونعودوا لزمانا كيما كنا.
16* خرجت ليله الجمعه ، في يدي شمعه ،خرج لي ملاك حنين قالي : يا
بنت السحاب حاجتك راهي مقضيه ، قلت ليه : يا سيدي طالت المده ، قالي
: روحي لدارك تصيبيها قدامك .
17* لاله يالاله ياريش النعام يا اللي مربيه في القطيفه والرخام ملي شفتك وعشقتك مابقالي
منام.
18* انا مهريغالي اللي يحب يديني يحسب النجوم ويسهر الليالي ولي يبغيني يبنيلي قصر فيالعلالي.
19* جابولي الرمان مغلف في وراقوا وانا وحبيبي في بلاد وحده والقلب مشتاقوا.
20* ما نديها طويله سلوم راشي،ما نديها قصيره فكرون ماشي، نديها مربوعه قد كي علم
الباي ماشي.
21* مشيتي عاليه وطولتي داليه شبان ورجال يتبعو فيا ويمشو مذلولين يتبعوا في…ومن غير المولى
وحبيبو ما في مين يعلى عليا
.
22* خرجت في الليل نطلب في الله صبت النجوم دايرين وقالولي صلي علىرسول الله *صلى
الله عليه و سلم * واللي تستناهم راهم راجعين.
23* قالي طبيبي بلاما يدري تداوى يا عليل ، ودايا ودوايا عند حبيب لمحبتو بخيل
، وقتاش يا عمري ترحمني وترحم دموعي لي تسيل؟؟؟
24* الاسمر يا لسمر يا شباب الحومه وشبيك غضبان علينا، احنا ما نسواو بلا بيك
، لوجه ربي راضينا وارض علينا.
25* قريب الرفيقه يا قريب الرفيقه ، بيني وبينك تويقه ، يا مخلي في قلبي
شقيقه روح وين تروح و تعيا ترجع ليا ونرد لقلبك الحريقة.
26* ما ناكلش من جنان الجنه لو يشهيني وما ناخذش الشيخ ولو يغنيني ناخذ الشباب
ابيض ولا اسمر المهم هولي يملالي عيني.
27* دزيت باب الحبيب دفه على دفه فراشو من حرير نرقد وندفا، بوقالو من ذهب
نشرب لا نروى،وكلامو من عسل غير نسمع نشفى.
28* انت سبيبط وانا خويط فيك، انت سنيسله وانا خامسه تحميك، انت خويتم وانا حجره
تبهيك، وين تروح تلقاني وغيرانا لي نديك.
29* باسم الله بديت وعلى النبي صليت وعلى الصحابه رضيت وعيطت يا خالقي يامغيث كل
مغيث يارب السماء العالي بيك استغيث ارحمني في هاذ الدنيا و سقملي السعد ديالي.
30* سبحان خالقك،ريت النجوم في السماءحسبتهم ساقك،العين تبكي عليك والقلب مشتاقك
31* بعثت لو دموعي قرنفله حمراء،ياعدو بن عدو بدلتني بامراة، قال لي والله يا لالةما
نبذلك بالغير محبتك فيقلبي حتى يشيب الطير.
32* في الدار صندوق مخبيء فيه الذهب و المرجان و روبه قضيفةقالولي ليمن راك مخبيها
قلتلهم لهاديك مولاه الشان و المشيةالضريفة.
33* خرجت نطلب الله صبت النجوم تطلب في رسول الله واحد ما يدي غير ما
عطاه الله.
34* حبيبي يا حبيبي قطعوا فيك تقطاع البصل حتى سمعو بيك ناس جيجل و القصر،
والله ما نسمح فيك يا نورالقمر.
35* قالوا نقتلوك و في بيرنغبروك، قلتلهم انا شجره حب الملوك ولي يحب الشوك يدناليا.
36* لو انت بحر انا حوتةفيك ، لو انت جنان اناورده تبهيك، لو انت ليله
انا نجمه تضويك ، لو انت تحبني انا نموت عليك.
37* طلبت من الله العافي يرسي كل مغبون بمينا ،ويكسي كل عريان وحافي ويبعد لهموم
علينا،رد الفال لا تخافي عندي تخلاص الغبينة، دير النيه بالقلب الصافي والنيه باقيه في القلوب
الزينة،ياربي بارك في كل وافي وغرس الخصايل فينا، بالفال تعود وافي وبالنيه باقيا الدنيا زوينة.
38* رفدت النعناع مع الحبق وعرق الياسمين لميتهم في الطبق وحطيتهم عند العين ، فجاه
دقدق من كان غايب طول هاذ السنين.
39* علاش يا لاله التخمام رحمه الله واسعه و كبيره لو كان جات بالكلام نتحدثو
و نعطوك تدبيرة، بصح كل شي بالمكتوب ويعيا و الخير يبان و تزول عليك الهموم
و تروح الحيره .
40* في الساقيه الماء يجري و الحشيش نابت متخالف،بالشوك مليت حجري من هذاك الراي التالف،
كي غبت و غاب زهري و لا اللي يجيني خايف.
41* لا تامن الخيل اذا غدات ولاتامن الليالي اذا صحات ولا تامن النساء اذا تابت
وصلات
42* جيت ساميت البحر شفت الحوت يعوم عرفت ما عندي زهر في ذا الحظ المحموم
كي غاب ضي القمر ما ردت ضي النجوم .
43* اصلك اصلك و ما ينفع غير الصح مولاه النيه الصافيه عليها ربي يفتح اطول
و لا تقصر يجيها السعد و الربح .
44* يا مولاه القلب الكبير ربي يعطيك و يوسع عليك ما عندك لا ذهب ولا
حرير و انت دايما زاهيه و ربي مسهلك، ما دريت واش من حيله ندير باش
نكون مثلك .
45* لاله يا لاله وين ما تكوني نرسلك مرسولا ادا سكنت البحر نرسلك عوامه و
ادا سكنت السماء نرسلك حمامه و ادا سكنت القبرايحاسبك مولانا.
46* وين الطريق اللي فيها محبوبي جيبولي التراب من ثمه نشريه نعملو جعيبه في مكتوبي
و اذا مرضوا عينيا نكحل بيه ،حبيبي مايسمح فيا وانا مانسمح فيه.
47* الطبق بين رجليا و الخاتم بين صباعتيا و الحبيب اللي راح زمان يرجع ليا
و الله غير نعيش معاه حتى يتغمضوا عينيا.
48* مزين القمر بضواه و مزين الانسان اللي في قلبوا جامع، و مزين النجوم كيما
الياقوت مجمع و يلمع و مزين القلب اللي عطاه ربي حبيب كيما حبيبي.
49* زوج حمامات، يا سعد اللي وكلهم ويا سعد اللي شربهم وسعد اللي يدي دعوه
الخير منهم.
50* شباب يا شباب ياللي عايروني بيك انت ورده فالكاس وغير انا اللي نديك.
·51* عيونك توت وحواجبك ياقوت, انا نحب خليلي واللي حاب يموت يموت.
52* الطبق ما بين رجليا والخاتم ما بينيديا افرحي يا يما سعدي رجع لياونستشفى في
العدو كيما استشفىفيا
53* هبطت لقاع البحر ولقيت جنيه قاتلي واش بيك ياالبنيه راكي اتحوسي على المال و
لا الذريه قلتلها راني نحوس على حبيبي يرجع ليا
54* من عندو غايب الله يردوا لبلادوا ومن عندوحبيب الله يصبروا على عذابو ومن عندو
الزهر يقسموا علىحبابو،سلتوا من عند من جابو قالي الزهر كي المطر مين شاف صحابو وكي
الضيف من طرق بابو وكي العلم وافر في كتابو.
55* اذا انت برنوس انا قفله فيك، واذا انت محبس انا ورده فيك واذا انت
تحبني انا نموت عليك.
56* قعدت تحت النخله قالولي دقله نور،جات ادورالنحله وبالعسل عليت الصور، معاه العيشةتحلى هذاك الساكن
في القصور
57* سجدت سجده وصليت على النبي الكريم وتمنيت ورفدت يدي ودعيت ورفعت عينيا وبكيت ياربي
يا كريم حققلي كل ما في قلب يورجعلي ذاك الي طول عمري تمنيت.
58* طلعت للسطح قلت حبيبي بلاك تنساني قاليوالله ما ننساك حبيبتي بلعاني محبتك في قلبي
صافيه كالجوهر الحقاني
59* طير ياالحمام طير وطيرولا ترتاح ونزل في السرايا وزيد لسطاح وانزل في حجر لحبيب
و ديلو التفاح وقولو قلبي عليك ماصبتلو مفتاح
60* شفت الزين بعيني وبكيت عليه وندمت علىالايام اللي كنت فيها بلابيه واللي يبغينيربي ايخليه
لي ويخليني ليه
