اجمل اشعار حامد زيد , أشعار رومانسية روعة للأديب المشهور
الذهب
يا كثر ما رافقت خلان واحباب
ويا كثر ما في شدتي هملوني
على كثر ما اعدهم ستر وحجاب
على كثر ما احتجتهم واتركوني
من صارت الخوه ثمن حفنه تراب
نفس الوجيه اللي نصوني… نسوني
من غير ذكر فروق، وعروق، وانساب
كانوا ثلاثه …والثلاثه جفوني
علمتهم وشلون الاهداف تنصاب
ولما سواعدهم قوت… صوبوني
عشاني اصغرهم عمر صاروا احزاب
عشاني اصدقهم قصيد اظلموني
اللي نجاح اسمي زرع فيهم انياب
حتى النصيحه ما بغوا ينصحوني
دام العطايا عندهم دين واتعاب
والله لو اطلب ذنبهم ما عطوني
طالب نصيحة، كني طالب ارقاب
وهي نصيحة؟!كيف لو زوجوني؟
كنت اكتب لنفسي مشاريه وعتاب
ولا ادري ان اللي قروني… قروني
تضاربت من دوني عقول والباب
واجد بغوا غيري… وواجد بغوني
اقفل هدب… تسهر على شعري اهداب
كني حبست ارقادهم في جفوني
لو شفتهم واحد… يشوفوني اسراب
من وين مالدوا نظرهم لقوني
اثري وجودي بينهم محرق اعصاب
ومزعل بعضهم من بعض لو طروني
يا كبري بعيني وانا توني شاب
واهم كتاب الشعر حاربوني
حتى ولو يهوي على نجمي شهاب
يكفيني ان اسمي كبير بعيوني
كد قال ابوي: ان هبتهم قول: ما هاب
لو يقدرونك قول: ما تقدروني
مادام قبري محتضن راس مرقاب
على كثر ما تقدرون ادفنوني
لو ماني بذيب انهشت عظمي ذياب
لو ما عرفت اثبت وجودي لغوني
لو ما سكنت وجيههم مت بغياب
لو ما قدرت امحي ورقهم محوني
اصبحت الاصعب لانهم كانوا اصعاب
جننتهم مثل ما جننوني
ماجيت ابدبل كبدهم شعر وخطاب
لين ادبلوا كبد الذي خلفوني
يا ويل وجهي كن للدمع مخلاب
ما جف ماه ولا استحى من طعوني
كل ما طرالي منظرمريب وارتاب
كان الوحيد اللي يحرك شجوني
قبله صلاة،وذكر، وخشوع، وكتاب
وامي على سجاده النور دوني
تدعي لي الله يفتح بوجهي ابواب
تتوسله بالشده يكون عوني
من كثر ما خفاقها بالدعاء ذاب
صارت تحس ان زملاي اكرهوني
بشرتها: يمه معي ربع واصحاب
ماني لحالي واجد اللي يبوني
من يوم ما حاز قلمي كل الالقاب
قلطتهم في دفتري واحفظوني
الله وهبنيهم بني عم واجناب
من يوم جيت اعجبتهم واعجبوني
واعجابهم فيني ما هو بايه اعجاب
باسلوبي، بشرحي، بطرحي، بلوني
لوقلت عن نفسي( بشر)..صرت كذاب
لو قلت : ( دمي من ذهب) صدقوني
لو بكيفهم كان ازرعوا دربي اعشاب
لوبيدهم يتشبهون اشبهوني
من كثر ما صاروا من طبوعي اقراب
حتى بلبسه شمغهم قلدوني
واجد دعوني واغلقوا دوني الباب
واكثار ناس ابكي لهم ما بكوني
لوطالوا لهدمي مناسيب واطناب
كان وغلاتك من زمان اهدموني
مدام حطوا فيني عيوب وسباب
جنبت عنهم مثل ماجنبوني
اصلا لو ان بخوتي شي ينعاب
ذبحت نفسي قبل لايذبحوني
انا يدي لو ماكست متني ثياب
نذر على لقطع يدي من متوني
موعيب اجي مدعو ولا اشوف ترحاب
العيب لو اني رجعت ان دعوني
مادمت اجي ولا يحسبون لى حساب
حرمت اروح اذا يبوني يجوني
التمثال
عفالله عن خطر قدر خناجر و ضلوع ابطال بسامح و بتركك تحت ضلام الحالك الحال
دخيلك وفر دموعك ترى هذل الدموع اذلال ترى مافي احد يصبر مثل صبري بغربالك
انا عيب علي ينقط كلامي ورجال افعال اذا قلت بقطع احبالك تراني بقطع احبالك
علشان اكسب هدب عينك تجرعت العذاب اشكال و ليتك تراف باحالي علشان اراف ابحالك
مسوي في حياتي شي مايذكر ولا ينقال حشى حتى العدو هو العدو مايعمل اعمالك
تمسيني على الهم وتصبحي على غربالك تقلطني فناجيلك و تقصر علي ادلالك
تحملت تعب لجلك وانا حملي يهد اجبال رحلت من العذاب ماوقفت الا على جالك
علامك كل ماجيتك متواضع تجيني تقتال معاك الى متى بصبر وصبري معك يحلالك
مثل ماقبلت لعيونك لزوم تلدني بقبال مثل قد حشمتك حس و احشم قلبي اشوالك
انا ماحد مجابرني اساير معك هالمنوال ترى لاني تبيع لك ولاني اصغر اعيالك
انا جيت اعشقك نبض ومشاعر ماعشقك تمثال انا جيت اسكنك وحياك و بقى فيك و
بقالك
انا جيت بضمه عاشق تعب يطرد صراب بلال انا جيت استفز ارضاك من فرقاك والجالك
انا ماهنت ابك عاقل انا كنت اعشقك بخبال انا ماكنت احبك حي انا كنت اعشقك
هالك
تخيل من كثر ماخاف تلقى لزعل مدخال اخاف اخطي على طيفك وادوس برجلي اضلالك
تبعتك والعرب تتبع رعود البارق الهمال وانا شفت المطر يتبعك في حلك وترحالك
كان ان الي خلق حسنك خلقني مع جسد اضلال صرت اقرب جسد يمشي معك بكفاك
وقبالك
ابي قلبك يسح انه فقد بمحبته رجال ملكته من هدب عين و خسرته ارضاه بهمالك
صحيح ان الفراق اقسى ولا كن اوصال امحال وانا صعبن علي يضري غرورك و اضعف
اقبالك
بعد ماحققت عيني فبعدك للرقاد امال عود للسهر ياخوي فال الله ولا فالك
ببدل نظرتك فيني وجيلك كل يوم ابحال بكون اقرب من اثيابك عليك ولا تهيالك بلمك
وانثرك
وجمعك وارجع انثرك بهمال بخونك و ازعلك و ارضيك وازعل منك وارضالك
وبرسم بس ترى وجهك و بدفن صورتك برمال ابشكي للعرب فرقاك وضحك عند عذالك
ابهديك اوصال فراق و اهديك الفراق اوصال بسوي مثل مااشوف تسوي وفعل افعالك
علشان تعرف من فينا زعول و من فينا وسيع البال ابيك تذوق فنجالي وانا بذوق
فنجالك
نصيحه احتفظ فيها قصر معك الزمن او طال ابيك تسمع كلامي زين و تحطه على
بالك
اذا حبك اهبال اطفال لك عندي هبال اطفال لا وابشر بعد بهبال حب ماهو بهبالك
اذا قصدك تهين اسمي علشان تشمعت العذال حشى لا انت ولا غيرك ولا عشره من
اشكالك
الام
قصيدتي زاد بعيوني جمالها
واخذت انقي بالمعاني جزالها
واكتب معانيها من الشوق والغلا
لامي وانا اصغر شاعر من عيالها
كتبتها في غربتي يوم رحلتي
لما طرالي بالسفر ماطرالها
امي وانا بوصف لها زود حبها
وان ماحكيت لها قصيدي حكالها
امي لها بالقلب والجوف منزله
مكانه ماكل محبوب نالها
اقرب من ظلالي وانا وسط غربتي
وانا تراي اقرب لها من ظلالها
ماشافت اعيوني من الناس غيرها
ولا خلق رب الخلايق مثالها
اغلا بشر في جمله الناس كلهم
واكرم من ايدين المزون وهمالها
اتبع رضاها ورتجي زود قربها
واللي طلبته من حياتي وصالها
الصدق مرساها والاشواق بحرها
والعطف واحساس الغلا راس مالها
اهيم فيها وابتسم يوم قلبها
يسال وانا قلبي يجاوب سؤالها
وان اطلبتني شي فزيت مندفع
اموت انا واحمل تعبها بدالها
واصبر على الدنيا والاحزان والتعب
واحمل على متني فطاحل جبالها
واسهر اعذب راحه القلب بالشقا
واعيش اعاني بس يرتاح بالها
تربيه ابوي اللي على الطيب بذكرة
اللي وهبني الحياه ومجالها
نور لي ادروبي وانا طفل مبتدي
حتى تركني واحد من رجالها
الوالدين اولى بالاحسان لجلهم
واولى بتكريم النفوس وعدلها
اقولها وانا على الله متكل
والله عليم بقدرتي واحتمالها
ياكلمه اغلى من الناس كلهم
ياشمس بقلبي بعيد زوالها
يافرحه تملي لي الكون باكمله
ياشجره تكبر ويكبر ظلالها
تضحك لي الدنيا ليا شفت زولها
مثل السما تزها بطله هلالها
والبعد عنها ياهل العرف ماقدره
لاشك ناري زايده بشتعالها
ماعيش ببلاد ولاهيب بارضاها
ولابي عيوني كان ماهي قبالها
ارض تدوس امي بالاقدام رملها
اموت فيها واندفن في رمالها
