يوميات الحب وقصص في الحب
الحلقه الاولى
خلصوا المحاضره وطلعينا من الكليه واقفه فى وسط زملائها تلاقى اللى ينادى عليها . يا
ترا مين
احمد . جنى فى سرها ( غريبه )
احمد : السلام عليكم
جنى : وعليكم السلام . اهلا يا بشمهندس بيك فى كليتنا
احمد : اهلا بيك يا جنى عامله ايه ؟
جنى : الحمد لله وانت ايه اخبار الكليه معاك ؟
احمد : الحمد لله وانتى ؟
جنى : الحمد لله هو انت جاى هنا ليه عارف احد هنا
احمد : جاى اسلم عليك واطمن
جنى : ومن امتى الكلام ده
احمد : انت مضايقة
جنى : طبعا انت عارف كويس انى ممكن اضايق يعنى انت واقف معى بصفتك ايه
الان
زملائى يقولوا على ايه
احمد : انا اسف جدا اصل انا ما عدوش مشفوك خالص
جنى : قصدك ايه
احمد : فى البلد يعنى
جنى : اه اصل انا قاعده مدينه هنا اريح لى
احمد : اه ما انا عارف انا قصدى ما نزلتش اجازات من زمان
جنى : ان شاء الله هنزل اجازه اخر الاسبوع
يوم الاربعاء هكون وصله البلد
احمد : كويس توصلى بسلامة
جنى : ان شاء الله
احمد : جنى ممكن اطلب منك طلب
جنى : اتفضل
احمد : ينفع لو كنت فاضيه الان نقعد فى اى كافتيريا عاوز اتكلم معاكى شوية
جنى : بخصوص ايه
احمد : هتفهمى لما نقعد
جنى : يا بشمهندس احمد انت فاهم انك بكده بضايقنى وكمان انا لازم امشى وقفتنا
كده وحشه اوى
احمد : خلاص انا اسف جدا بس انا كنت عاوز اكلمك ضرورى
جنى : بضيقان . ماشى يا بشمهندس اتفقل فى كافتيريا هنا قريب
احمد : شكرا انك وافقتى
جنى : اهم حاجه ما طولش على لانى ورايه حاجات كتير
احمد : مش اخذ من وقتك كتير وذهبوا الى كافتيريا
وتقول جنى فى سرها
يا ترا ياحمد عاوز منى ايه
استرها يارب
يا ترا احمد هيقول ايه لجنى
وياترا جنى رد فعلها ايه ؟؟
هنشوف ده الحلقه الجاية
الحلقه الثانية
جنى : اتفضل يلا عاوز تقول ايه ؟
بس لازم تعرف حاجه انا واقفت عشان انا معتبرك اخوى بس ياريت الحكايه دى لو
سمحت
احمد : جنى انا عارف انك ملتزمه اكثر منى بس انا بجد بحاول باى طريقه
اتكلم معاكى ومش عارف
فكرت قولت اجيلك وبجد انا مش هكررها ثانى
جنى : ماشى يا بشمهندس يلا
احمد : تشربى ايه الاول
جنى : ما فيش يا احمد بجد انا مش فاضيه ورايه حاجات كتير
احمد : جنى انت مش حاسه باتجاهى من نحيتك باى شىء
جنى : ازاى يعنى
احمد : جنى بصراحه انا معجب بيكى ومن زمان من ايام الثانويه مش عارف انتى
كنت ملاحظه ولا لا بس انا بجد بحبك وفنفسى تكونى انتى الانسانه اللى تكون شريكه
حياتى وتكون زوجه صالحه لى بس انا مستقبلى طويل
ومش عارف هتستنينى ولا لا . جنى انتى مش مش حاسه باتجاهى باى شىء
جنى : انا عمرى ما حسيت باتجاهك باى شىء طول عمرى بعتبرك اخوى الثانى انا
مش عارفه اقولك ايه بس بجد انا اتفجئت من كلامك
احمد : يعنى ايه
جنى : يعنى انت اخوى وبس وموضوع الحب ده انا عمرى ما احب ولا افكر
فى الحب الا من زوجى اللى هيكون نصيبى ان شاء الله اما انا احب واعشق
والكلام ده ما لى فيه
احمد : انا مش بقولك هنعيش جوبات غرام وحب وكده لا انا عمرى ما هقبل
عليك كده انا لازم احافظ عليك
لانى بحبك بجد بس انا بقولك انى بحبك وفنفسى تكونى بتحبينى او على الاقل تعطينى
امال بس انك على الاقل مرتاحه لى
جنى : انا لازم امشى
احمد : ما قولتش رايك فى كلامى
جنى : احمد مش عارفه بجد اقولك ايه الان بس انت لو بتحبينى بجد ادعى
ربنا والتجىء اليه وادعى انى اكون من نصيبك
احمد : يعنى كلامك ده معناها ارتياح
جنى : احمد افهمنى انا بقولك انا ما بفكر فى اى حاجه ولو فيه ارتياح
فده مش معناه انى بحبك فقولتلك انتى اخوى فياريت تسيبنى امشى بقى
احمد : ماشى بس ياريت تفكرى فى الكلام ده . جنى انا بحبك بجد والله
العظيم بحبك
جنى : ان شاء الله يلا مع السلامة
احمد : استينى اوصلك الى المدنيه بتاعتك
جنى : لا شكرا . مع السلامة
وذهبت جنى الى المدنية
يا ترا جنى هتفكر فى الموضوع ولا لا ؟؟ وياترا احمد هيعمل ايه ؟؟
وياترا جنى هتفضل على طريق التزامها ولا الشيطان هيدخلها فيه
هنعرف كل ده الحلقات الجاية
لحلقه الثالثة
دخلت جنى حجرتها فى المدنيه ( معاها فى الحجرتين بنتين منى وليلى )
منى : انتى اتاخرتى النهارده كده ليه
جنى : اصل المحاضرات كانت مكثفه النهارده وكمان
منى : وكمان ايه اتكلمى . سكتى ليه
جنى : مافيش يلا عاوزين حاجه انا هنام
ليلى : ايه يا بنتى مش هتقوليلى هاخذتوا ايه فى المحاضرات النهاردة
جنى : انا تعبانه وعاوزه انام اريح شويه عشان اقوم اذاكر
ليلى : lبزعل ماشى يا جنى يعنى كدة
جنى : وهوحد قالك تغيبى النهارده ما كنت تيجى معى احسن
ليلى : انت عارفه كويس انى كنت تعبانه وانت وعدتنى انك هتشرحلى
منى : ما خلاص بقى اشرحليها يا جنى
جنى : هو انا قلت لا . هنام شويه وهقوم اشرحلك
( وظلت جنى تتقلب على السرير تحاول النوم ولكنها تتذكر كلام احمد جارها والذى كانت
تلاحظ من زمان نظراته اليها ايام الثانويه ولكنها لم تعطى له اى اهتمام ولكنها تفكر
ماذا تقول له عندما يتحدث معاها مره اخرى ؟ )
صحيت جنى من النوم وشرحت لليلى اللى هى عاوزها ثم بدات المذاكره ثم نامت وصحيت
اليوم الثانى
ذهبت الجامعه هى وليلى وبشرت يومها بطريقه عاديه ولكن لما طلعت وخلصت محاضراتها وخرجت من
البوابه لقت اللى ينتظرها
احمد : السلام عليكم جنى ممكن اتكلم معاكى شوية
جنى : وعليكم السلام هو انت قاعد مدينه هنا
احمد : اه قاعد مدينة
جنى : خير فى حاجة
احمد : فكرتى فى كلام امبارح
جنى : لا . انا مشغوله بالمذاكره ومش هفكر فى حاجه ولوسمحت سيبنى ومشت
احمد : جنى استنى جنى
ولم تعطى جنى له اى اهتمام
وقالت جنى فى سرها ( انا اللى غلطانه انى واقفت المره اللى فاتت اقعد معاه
مفرود كنت اصده من اول مرة
استغفر الله العظيم يارب سامحينى )
ليلى : مين ده يا جنى
جنى : ده احمد جارى فى نفس الشارع فى كليه هندسه فى سنه ثالثة
ليلى : اه مع منى
جنى : اه
ليلى : وهو عاوز منك ايه ؟
جنى : مش عارفه قفلى على الموضوع ده انا مخنوقه وعلى اخرى
ليلى : ماشى ماشى انا سكت اهوه
ذهبت ليلى وجنى الى حجرتهم ولكن جنى كانت مخنوقه وعلى اخرها ازاى احمد يجرؤ يجيلها
كدة
ما كانت متوقعه منه هذه التصرفات
احمد خلص كليته وقعد ماشى فى الشارع شويه يفكر ماذا يفعل ؟؟
فاحمد من النوع الشباب اللى تفكيرهم غير مستقر ولكنه محتار ماذا يفعل ؟
ذهب الى المدينة
احمد : السلام عليكم ؟ ازيكو يا شباب
سامح : وعليكم السلام ايه ياحمد اتاخرت كده ليه ؟
ايمن مخلص محاضراته من زمان وجاى من ساعتين
انت كنت فين ؟؟
احمد : ما كنتش . كنت بتمشى شويه وجيت اهوه
سامح : انت حالك مش عاجبنى كده وانت لازم تكتعن الامتحانات قربت وانت يا استاذ
نايم على نفسك
فوق شويه بقى مش كفايه الترم الاول تقديرك فيه مقبول
احمد : ان شاء الله
” ايمن زميل احمد معاه فى نفس السنه ”
لحلقه الرابعة
صحيت جنى من النوم هى وليلى
ليلى : يلا اجهزى عشان الكلية
جنى : لا انا مش هروح النهاردة
ليلى : ليه يا بنتى
جنى : انا تعبانه النهارده اوووى ( ولكن ده مش السبب فكانت جنى خائفه جدا
لاحمد يجى ثانى )
ليلى : ماشى بس انت اشطر منى وسريعه عنى فى كتابه المحاضرات ورى الدكتور وانا
مش بلحق اكتب وراه كله
جنى : بعصبيه اتصرفى يا ليلى انقلى من اى احد
ليلى : ماشى وانت مالك متعصبه كده ليه
جنى : ما فيش يلا روحى وذهبت ليلى الى الكلية
جنى : منى اصحى يلا هتتاخرى على الكلية
منى : انا تعبانه اووى ومش هقدر اروح النهارده ومش هناخذ حاجه مهمه النهاردة
جنى : قومى يا بنتى روحى انا على الاقل لو فادتنى حاجه مهمه ليلى هتشرحلى
اما انت مفيش
منى : ازاى يعنى ما لى صحاب انت نسيتى يا دكتوره البنات اللى فى الحجره
اللى جبنا فيهم لمياء
بنت جدعه اووى وان شاء الله لما ترجع هروحلها وهانقل اللى اخذنها
جنى : اه صدقى انا نسيتها هى ما عدش بتيجى ليه تقعد معانا فى الحجرة
منى : لاظن كان عندهم ظروف فى البلد عشان كده كانت قاعده هناك كام يوم
جنى : واللى فاتها هتعمل فى ايه ؟
منى : اكيد هتصرف
منى : قوليلى بقى مالك من امبارح كده مخنوقه كده ومزاجك مش مظبوط
جنى : مافيش
منى : ما فيش ايه دا انا صحبتك وعارفاكى
جنى : والله يا منى انا مخنوقه اووى وحاسه انى تايهه والزمن ده صعب اووى
منى : خير يا حبى احكى مالك
جنى : انا حاسه انى اغضبت ربنا
منى : ازاى يعنى
وحكت جنى لمنى على تصرفات احمد وانها ندمانه انها وقفت تقعد معاها
منى : بصى كده يا جنى احنا كلنا بنغلط اهم حاجه نعرف غلطنا فى ايه
ولازم تكونى قويه كده احنا فى كليه مختلطه وانتى ممكن تتعرضى لاى موقف زى ده
جنى : انتى عارفه كويس انى عمرى ما اسمح لنفسى انى امشى مع احد او
اكلم احد
منى : انا واثقه فى اخلاقك يا حبى انا مش قصدى انا قصدى انتى لازم
تعرفى انك سوف تتعرضى لمواقف زى دى كتير ولازم تحكمى عقلك وشوفى هتصرفى فيها ازاى
جنى : انا والله يا منى هجنن من الزمن الغريب ده
لازم كل بنت قبل الزاوج تكون حبت ومشت وكلمت والمشكله انك لو ما حبيتى ومشتى
وكلمتى
تبقى بنت معقده نفسيا
دا انا يا بنتى ايام الثانويه دى شوفت مواهب كنت كل يوم بنام وانا مرعوبه
على نفسى
من الزمن ده
منى : عندك حق والله بس نعمل ايه لازم نقوى ايمانا ونتوكل على الله فى
كل امورنا
جنى : يارب
منى : هو بصراحه يا جنى السنه اللى فادت احمد حاول يتكلم معى
وانا كنت مضايقه على اخرى بس هو قالى انا بجد عاوزه اشورك فى موضوع مهم
وكدة
والمهم قالى لو فى بنت ملتزمه وعاوز اعبرها عن اعجابى بيها اعمل ايه
سعتها انا كنت لسه طبعا ما اعرف انتوا جيران ولا اعرف مين البنت دى
قولتله اى بنت ملتزمه ما بترضى بكده بتبقى عاوزه الدخول المباشر تروح تتقدم لاهلها
وبعدين مشيت علطول وما اعطته فرصه للكلام لانى ما ينفع لو اعطته فرصه ففى شباب
اخرين هيفتكرونى
ببنت بقى عاديه وممكن اقبل الصداقه والكلام الفارغ ده
جنى : ما دام انتى قولتيله كده امال حاول يكلمنى ليه
منى : ياحبى الشيطان ما بيسيب الانسان فى حاله مادام ايمانه ضعيف
واكيد هو كان بيقوام والشيطان سيطر عليه
وخلى بالك انه عمره ما يقدر يتقدم حالا وهو لسه طالب لو بيحبك بجد زى
ما بيقول
جنى : انا مش شغله نفسى بالموضوع ده نهائى والحمد لله
منى : ربنا يثبتك يا حبى ويحمينا جمعيا ويسترنا
جنى : امين يارب
ثم رجعت ليلى من الكلية
ليلى : السلام عليكم يا بنات
جنى : وعليكم السلام ايه الاخبار ؟
ليلى : المحاضرات كانت بسيطه النهاردة
هشرحلك بس هنام شويه الاول
جنى : ماشى
منى : وانا هذهب اروح للمياء والبنات فى الحجره اللى جبنا
جنى : ماشى
وظلت جنى بمفردها تذاكر
وفجاه المحمول يرن
ايه ده رقم غريب
يا ترا مين ؟؟
يا ترا مين على التليفون ؟؟
هنعرف ده الحلقه الجاية
فى حلقات ( حب من نوع خاص )
الحلقه الخامسة
المتصل : السلام عليكم ازيك ؟
جنى : وعليكم السلام مين معى ؟
المتصل : انا احمد
جنى : احمد مين
احمد : انتى نستينى انا احمد جارك
جنى : اه اسفه هو انت جبت رقمى منين ؟
احمد : اصل انا جتلك النهارده الكليه وما لقيتك بس لقيت صحبتك اللى بتمشى معاكى
سالتها؟
قالت تعبانه شويه فقلقت سالتها على نمره موبيلك عشان اطمن عليك ؟
جنى : وهى ازاى تديهلك من غير اذنى ماشى ياليلى
احمد : جنى انا قعد اتحيل عليها وبجد هى ما كانت عاوزه خالص تديهالى بس
انا ضغطت
عليها عشان تديهالى .
جنى : والله ماشى يا بشمهندس عاوز ايه الان ؟
احمد : مش عاوز بس كنت بطمن عليك وكنت هقولك الف سلامة
جنى : صدق انت بتستعبط وانا بجد اتخنقت منك
احمد : ليه كل ده عشان اتصلت اطمن عليك
جنى : افهم ياستاذ لو سمحت انت بتكلم واحده محترمه ما لهاش فى الشغل ده
احمد : خلاص خلاص انا مجرد انى قلقت عليك بس وكنت عاوز اطمن
جنى : ماشى شكرا فى حاجه ثانية
احمد : مافيش شكلك مضايقه ومش هعرف اكلمك فانا هقفل احسن
جنى : ياريت مع السلامة
احمد : مع السلامة
وظلت جنى مستغربه من تصرفات احمد فهى كانت دائما تنظر له اخ فقط وكانت تظن
انه متلزم اكثر من ثلك ولكن ظنها شكله مش فى محله
وبعد دقائق وهى تذاكر لقت رساله تفتح الموبيل برده من رقم غريب نظرت الى الرقم
اللى اتصل بيه احمد والى رقم الرساله لقيته هوهو
تقرا الرسالة
( جنى انا اسف جدا انى بضيقق بس انتى مش مدينى فرصه اكلمك بس اقسم
بالله انا
بحبك حب لا يعلمه الا الله ودائما بنظر اليك بانك انسانه رقيقه وهاديه وكمان محترمة
وملتزمه وكنت فنفسى من زمان اكلمك بس كنت خائف وفنفس الوقت قولت اكلمك بصفتى ايه
وكنت متاكد من رد فعلك بس انا عاوزك بس تقوليلى انتى بتحبينى او على الاقل
عاوزانى
ومستعده تنتظرينى ولا لا انا مش هتصل ثانى ولا هجيلك بس ياريت تردى على بعد
ما تفكرى . منتظرك ) بحبك
قرات جنى الرساله ونظرت باستغراب وتفكيرها بدا يتشدت ومش عارفه تذاكر .
قامت ليلى من النوم
ليلى : يلا يا جنى عشان هشرحلك بس هاكل حاجه على السريع الاول
جنى : انت ازاى تعطى نمرتى الى احد من غير اذنى
ليلى : والله يا جنى انا ما رضيت خالص بس هو كان مصمم وبصراحه صعب
على
جنى : بعصبيه والله ما يصعب عليك غالى تعرفى يا ليلى انت لو كررتى الحكايه
دى ثانى هيكون اخر كلام بينى وبينك
ليلى : بعصبيه فى ايه عشان كل ده انا عملت ايه قولتلك اسفه وكمان ضغطت
على اعملك ايه يعنى وكمان هو جالك مرتين وانتى اتكلمتى معاه يعنى عارفاه يعنى انا
ما اعطت رقمك لحد غريب .
جنى : انا كلمته يا ليلى وانت عارفه كوي انى ما اعطته وش
ليلى : خلاص يا جنى انا مالى دعوه بيكى وشكرا
جنى : يعنى تعملى المصيبه وتسكتى
ليلى : بجد انت انسانه غريبه قولتلك اسفه يا بنتى مافيش فايده فيكى
جنى : واسفه تعملى ايه الان وانت عارفه انه هيشتغلنى وكل شويه هيرن ويتصل ويقرفنى
انا
ليلى : انا ما كنت اعرف انك ما بضيهوش كده بس هو شكله بيحبك بجد
داانا يا بنتى
لما قولتله انك بس تعبانه شويه حسيت ان شخص ثانى قدامى ومالها وحاسه بايه وحسيت
انه ابوكى وخايف عليكى
جنى : الله اعلم بنيته
ليلى : كل ده والله اعلم
جنى : اسكتى بقى وقفلى على الموضوع انا اتخنقت
منى دخلت عليهم فى ايه ؟
بتزعقوا كده ليه صوتكم واصل لبره فى ايه ؟
ليلى : انا هحكيلك واحكمى انا غلطانه ولا لا
جنى : ما تحكيش حاجه وتكبرى الموضوع الموضوع انتهى
ليلى : يعنى انا اللى بكبره الان ما انتى من ساعتها مكبره وهو مش مستاهل
كل ده
جنى : خلاص يا ليلى انا اعصابى تعبانه حالا واسفه اذ كنت اتعصبت عليك بس
بجد حسوا بى لما تلاقى واحد فجاه ظهر فى حياتك وقاعد يظهر لك كل شويه
وبيقولك انا
بحبك وفنفسى تكونى زوجه صالحه لى والكلام ده تعملى ايه ؟
منى : خلاص اهدى يا جنى فكرى بهدوء وشوفى لو كلمك ثانى هتقوليله ايه ؟
ليلى : بس بصراحه هو شكله بيحبك بجد
جنى : ربنا يسهل دعواتكم
منى : هدعيلك يا حبى ان ربنا يرشدك لطريق الصح ويبعد عنك كل انسان وحش
ليلى : وانا هدعيلك انك تحبيه وتجوزيه
جنى : صدقى انتى شكلك عاوزه تضربى
ليلى : ههههههه انا بهزر
جنى : ماشى يا سائعه قومى كلى عشان تشرحيلى
ليلى : ماشى ما تيجوا ننزل نتعشى وناخذ الوجبه بتعدنا
منى : ماشى يلا
جنى : ماشى يلا هلبس وننزل
ونزلوا جمعيا ولما طلعوا لقت جنى تليفونها يرن وبرده رقم غريب
يا ترا مين ؟؟؟
احمد برده بس احمد وعدها انه ما هيتصل اكيد حد ثانى
يلا مع الحلقه الجايه هنشوف مين الحد ده احمد ولا مين ؟؟
وهنشوف جنى هتصرف ازاى فى موضوع احمد ؟؟؟
فى حلقات ( حب من نوع خاص )
الحلقه السادسة
الحب فى الله
جنى : يا ترا مين احمد برده
منى : ايه يا بنتى انتى قولتى انه وعدك مش هيتصل ثانى
ليلى : ردى وهنعرف مين
رددت جنى
المتصل : السلام عليكم ازيك يا قمر ؟
جنى : وعليكم السلام مين معى ؟
المتصل : اخص عليك يا جنى لحقتى تنسى صوتى
جنى : اه ه حبيبه ازيك عامله ايه ؟
حبيبه : الحمد لله يا وحشة
جنى : انا اسفه والله ياحبييه بس انت عارفه المذاكره بقى ودماغى مش مركزة
حبيبه : سماح المراتى انت عامله ايه ؟
جنى : الحمد لله وانتى
حبيبه : الحمد لله والله يا جنى انا خايفه مووووت من الامتحانات
جنى : لا ما تخافى اهم حاجه تعملى اللى عليكى وتذاكرى كويس عشان ايام الامتحانات
تحلى اختبارات وبس
حبيبه : ان شاء الله دعواتك
جنى : ماشى يا حبى ان شاء الله هدعيلك واذ عوزتى اى حاجه قوليلى
حبيبه : ان شاء الله يا قلبى
جنى : حبيبه هو انتى جبتى رقمى منين
حبيبه : اه جبته من اختك سهيلة
جنى : ماشى يلا سلام عشان تروحى تذاكرى
حبيبه : ماشى يا عسل عاوزه حاجة
جنى : عاوزه سلامتك مع السلامة
حبيبه : مع السلامة
منى : مين دى
جنى : دى اخت احمد اصغر منه ب3 سنين فى 3 ثانوى
ليلى : ربنا يعينها اصعب حاجه ايام الثانوية
جنى : لا والله ما فيش اصعب من الكلية
منى : عندك حق والله يا جنى ربنا يعينا
جنى : يلا قوموا ذاكروا شويه قبل ما نام
منى : على فكره بكره الاربعاء انا هروح الخميس عشان بجد اهلى واحشونى
ليلى : وانا كمان
جنى : وانا هروح بكره هرجع من الكليه واجهز نفسى وامشى
منى : بس انتى كده هتوصلى البلد فى وقت متاخر
جنى : لا ما انا هحاول امشى قبل المغرب وهوصل على هناك الساعه 11 كدة
ليلى : بس كده متاخر اووى
جنى : ما انا هركب القطار السريع يعنى هوصل على 10 او 9 كمان
منى : ربنا يوصلك بسلامه خلى بالك من نفسك انا بسمع بلاوى كتير بتحصل
فى القطار السريع
جنى : ربنا يستر
منى : وهترجعى امتى ؟
جنى : يوم الجمعه وانتوا ؟
ليلى : انا هرجع يوم السبت وانتى يا منى
منى : انا هرجع الوحدى يعنى اكيد يوم السبت معاكى
( اصل منى وليلى من نفس البلد )
جنى : يعنى هرجع قبلكم زى كل مرة
منى : انتى هتطلعى امتى من البيت يوم الجمعة
جنى : تبع التساهيل هتغذى وامشى
منى : ماشى اتصلى بى لما ترجعى وطمنينى بوصولك
جنى : ان شاء الله يلا انا تعبانه اوى هقوم انام مش هقدر اذاكر
ليلى : لا انا هذاكر شوية
منى : وانا كمان
ليلى : جنى انتى نسيتى اللى هشرحوهلك
جنى : اه ماشى يلا اشرحلى عشان اذاكره وانام
وظلوا جمعيا مستمرين فى المذاكرة
وبدا اليوم الثانى وبشرت جنى يومها هى وليلى ثم ذهبوا الى المدينة
اما منى فعليها محاضرات كثيرة
منى : اخيرا خلصت محاضرات
لمياء : الحمد لله كان يوم مكثف النهاردة
منى : اه افتكرت دا جنى هتمشى حالا لازم اروح اسلم عليها قبل ما تمشى
لمياء : ماشى يلا بسرعه وسلميلى عليها
وتمشى منى بسرعه ولكن ينادى عليها شخص ما مين ؟
احمد : السلام عليكم ازيك يا منى ؟
منى : وعليكم السلام ازيك يااحمد ؟
احمد : الحمد لله منى ممكن لوسمحتى اخذ الكشكول بتاعك بتاع محاضرات
الدكتور مصطفى اصل فايدنى محاضرات كثير له
منى : ماشى اتفضل بس ياريت تخلصه فى اسرع وقت
احمد : ان شاء الله
منى : واه بالحق ممكن تعطيه لجنى هى جارتك برده
احمد : اه انت تعرفيها منين
منى : هى قاعده معى فى المدينه فى نفس الحجرة
هى هتنزل البلد النهارده وهترجع يوم الجمعه فياريت تديهولها قبل ما ترجع
احمد : ان شاء الله وانا كمان همشى النهاردة
وجنى عامله ايه ؟
منى : الحمد لله يلا بقى انا همشى عشان الحق اسلم عليها
احمد : ماشى سلام
وذهبت منى الى المدينه وسلمت على جنى وذهبت جنى الى البلد
وركبت القطار السريع ولكن سوف يحدث لها شىء ما
يا ترا ما هو ؟؟ ويا ترا ايه اللى هيحصل ؟؟
كل ده هنعرفه الحلقه الجاية
تابعونا
الحلقه الثامنة
الانسان فى لحظة
تنظر تلاقى عربيه خبطت التكتك والتكتك مقلوب واغمى على احمد وسامح والسواق
تتصل بالاسعاف بسرعة
فجاء الاسعاف وركبت معاهم
فى المستشفى
الدكتور يقول للممرضه : بسرعه اعمليلهم اشعه على المخ
جنى : فى ايه يا دكتور ؟
الدكتور : خير ان شاء الله
جنى : امال ايه الاشعه دى
الدكتور : ده بس عشان نطمن
جنى : وحالتهم ايه الان
الدكتور : بصراحه الاستاذ احمد نزف كتير ومحتاج لنقل دم ضرورى اما سامح فجرحه
بسيط وذراعه انكسر
جنى : واحمد فصيلته ايه يا دكتور ؟ عشان اتصرف
الدكتور : فصيلته o والمشكله ان الفصيله دى بتوجد بقلة
جنى : انا فصيلتى كدة
الدكتور : بسرعه تعالى يلا نعملك التحاليل عشان تتبرعى بالدم
وذهبت جنى وطلعت التحاليل سليمه وتبرعت بالدم
وقامت بالاتصال باهل احمد وسامح
جنى : ايه يادكتور ايه الاخبار
الدكتور : سامح هيخرج على بكره ان شاء الله اما احمد فبعد يومين وكمان اكتشفنا
كسر
فى رجله
جنى : لا حول ولا قوه الا بالله
الدكتور : احمدى ربنا انها جات على قد كده الحادثه كانت جامدة
جنى : الحمد لله رب العالمين اه بالحق والسواق يا دكتور
الدكتور : حاله السواق بيتبعها الدكتور جمال رحوله فى الحجره اللى هناك دى
تدخل جنى على الدكتور جمال
جنى : السلام عليكم يا دكتور
الدكتور جمال : جنى ! وعليكم السلام ازيك يا جنى ؟
جنى : الحمد لله ازيك يا دكتور جمال هو حاله السواق عامله ايه ؟
الدكتور : بتاع الحادثه اللى حصلت الان
جنى : اه
الدكتور : بصراحه الحادثه كانت جامده وكمان السواق كان فى الوش والزجاج كله
وقع عليه فده سببله نزيف شديد فى المخ وحالته متاخره جدا
جنى : لاحول ولا قوه الا بالله العلى العظيم
ان لله وان اليه راجعون
الدكتور : بس انتى ايه علاقتك بالحادثه وايه اللى جابك هنا ؟
جنى : هبقى اقولك بعدين اهم حاجه الان عاوزه اشوف حاجات السواق واحمد وسامح
الدكتور : اه ماهى فى واحد جابها وحطها فى الامانات لما يجوا اهلهم هيستلمهم
جنى : بس انا عاوزه اشوف لو كان لسواق موبيل عشان اعرف نمره اهله واتصل
بيهم
الدكتور : ما انا عملت كده واتصلت بيهم وزمانهم جايين فى السكة
الدكتور : شكل اهل المرضى جاءوا انا هروح اطمنهم
جنى : ماشى يا دكتور وانا جايه مع حضرتك
ابو احمد وسامح اسمه فتحى
وامهم اسمها سامية
الحاج فتحى : فى ايه يا جنى ايه اللى حصل ؟
جنى : خير يا عمو ما تقلق واحنا مروحين حصلت حادثه بسيطه وان شاء الله
خير
الدكتور جمال : ما تقلق ياحاج
بالنسبه لسامح فان شاء الله هيخرج بكره الصبح وهو عنده كسر بسيط فى ايديه
اما احمد فيومين كده وهيخرج وعنده كسر فى رجليه
الحاجه ساميه : ليه يا دكتور هو احمد ماله ؟
الدكتور : ما تقلقى والله بس هو لازم يقعد معانا يومين عشان هو نزف كتير
ومحتاج
يعوض نزيفه بمحاليل وكدة
الام : لا اله الا الله استرها يارب
الدكتور : ما تقلقى يا حاجه دا شىء طبيعى ولو مش مطمنه روحى اسالى الدكتور
محمد هو متابع حالتهم انا متابع حاله السواق
جنى : ما تقلقى يا طنط انا اطمنت عليهم من الدكتور محمد
الحاج فتحى : وهى حاله السواق عامله ايه الان ؟
الدكتور جمال : حالته متاخره ادعوله
الحاجه ساميه : ما ينفع نشوف احمد وسامح الان يا دكتور
الدكتور جمال : اسالوا الدكتور محمد هو هناك اهوه
وذهبوا لدكتور محمد
الدكتور جمال : جنى الوقت اتاخر مش هتروحى بقى
جنى : ماشى بس هروح اطمن عليهم واروح
الدكتور جمال : ماشى انا منتظرك فى الحجره عشان اوصلك
جنى : ماشى
( الدكتور جمال خطيب سهيله اخت جنى وهيجوزوا قريب ان شاء الله )
يلا الحلقه الجايه هنشوف ايه اللى هيحصل ؟؟
الحلقه التاسعة
قدر الله وما شاء فعل
الحاجه سامية: ايه ياحبيبى مالكم ايه اللى حصل؟ احكولى
جنى: ياطنط هو بخير قدامك اهوه ما تقلقى
الام:امال يا جنى الدكتور بيقول احمد هيخرج بعد يومين ليه
جنى: يا طنط احمد نزف كتير وكان محتاج نقل دم وبصراحه المشكله ان فصيلته وجودها
قليل
الام:وهو فصيلته ايه يا بنتى واحنا نتصرف
جنى: يا طنط ما خلاص هو بقى كويس الان خلاص هو كان محتاج كيس دم
بس وهو لازم يفضل هنا يومين عشان المحاليل وكدة
الام: يا حبييى ربنا يسترها ويقوموا بسلامة
سامح: يامى ما تقلقى انا خلاص هقوم بكره وهنبقى كويسين وده كسر بسيط
الام: انت الكسر فى ايديك ووراك امتحانات قريب هتعمل ايه؟ واحمد الكسر فى رجله هيمشى
ازاى
الاب: لا حول ولا قوه الا بالله فى ايه يا حاجه سيبى امرك على ربنا
هو قادر على كل شىء براحه شويه ما ينفع كده احمدى ربك انهم موجودين قدامك
الام: الحمد لله
جنى: ما تقلقى يا طنط انا هبقى اجى اطمن عليهم وبالنسبه للمحاليل بتاعه احمد لو
يا ستى انتى مش عاوزه يفضل هنا انا ممكن اكلم الدكتور ونركبله المحاليل فى البيت
بس انا افضل وجوده هنا احسن عشان الراعيه هنا اكبر
الام: لا يا بنتى خلاص الحمد لله
جنى: ايوه كده لازم تكونى قوية
الاب: الحمد لله يا بنتى ربنا يستر بس انت ما حكتيلنا ايه اللى حصل ؟
جنى: مافيش يا عمو انا كنت راكبه القطار مع احمد وسامح المهم الشنطه بتاعتى اتسرقت
سامح صمم اروح معاهم فركبونى تكتك وركبوا تكتك وراى وفجاه بنظر ورايه لقيت التكتك مقلوب
وعربيه مخبوطه فيه والحمد لله انها جات على قد كده
الاب: الحمد لله يلا يا جنى انتى عشان اتاخرتى اهلك زمانهم قلقانين عليكى خالص
جنى:ماشى يا عمو يلا عاوزين حاجة
احمد: جنى لو سمحتى ياريد يوم الجمعه تاخذى كشكول منحبيبه اختى واعطيه لمنى زميلتك اصل
كنت واخذه منها عشان انقل
بعض المحاضرات بس شكلى مش هلحق
جنى:لا ان شاء الله هتلحق وكمان انت هتطلع يوم الجمعه وانا قررت اسافر يوم السبت
عشان تلحق تنقله
احمد:ماشى شكرا
جنى:الف سلامه عليكوا انتوا الاثنين ويا عمى لو احتجتوا اى حاجه اتصلوا بى يلا مع
السلامة
احمد:هو انتى هتروحى الوحدك استنى بابا يوصلك
الاب:اه استنى يا بنتى معلشى مش واخذ بالى
جنى:لا يا عمو ما تتعب نفسك الدكتور جمال هيوصلنى
احمد:مين الدكتور جمال ده
جنى:خطيب سهيلة
احمد:اه ماشى يلا ياحبيبه قومى انتى بقى وكمان ماما عشان تروحوا تناموا
الام: لا يا بنى انا هفضل جنبكوا هنا
الاب: روحى انتى يا جنى عشان ما تتاخرى
جنى:ماشى سلام
الاب : يلا يا حاجه قومى انتى وحبيبه وانا هقعد جنبهم شويه واقوم احصلكوا
الام: لا يا حاج هنمشى معاك
احمد: ربنا يخليكم لينا يارب وما يحرمنا منكم
الاب: وانتوا كمان يا حبيبى
