شعر عن دم الشهيد ، افضل ما كتب من اشعار وطنيه حزينة
شعر عن دم الشهيد
قصيده الشهيد للشاعر عبد الرحمن يوسف القرضاوى
كان يا ما كان
كان فى شهيد فاكرينه مات
واقف يتفرج علينا من سكات
يدخل علينا زى نور المشربيه
ويزيدله شوقتا من حديث الذكريات
يسمع دموع الامهات
حمال اسيه
والصبر غيه
صوت المظاهره يلهمه
طالع لجنه ربنا على سلمه
والكام رصاصه الدفيانين جواه معدتش بتالمه
ايوه ماعدتش بتالمه
الا اما واحد صاحبه يبكى عليه ويتشحتف بكلمه زى
* الله يرحمه *
———————————
خلفتى يا مصر ومن خلف شهيد ما مات
سبع تلاف عام مواكب خير بتتوالى
خلفتى فرحه وفرحه غيرنا لسا ما جات
خلفتى كلمه لامه لسا قواله
خلفتى راجل بيهزم جيش من الاوغات
نعلى بافعلنا ونفوسنا ما تتعالى
بننحسب بالغلط فى لسته الاموات
واحنا اللى ما عشنا فوق ظهر الوجود عاله
———————————
كان ياما كان كان فى شهيد
كانت نهايته او بدايته لما يوم حفروا القتال
خلف شهيد كانت حكايته لما يوم عبروا الطريق
خلف شهيد عاش كالراجل
حربه اسمها اللقمه الحلال
كان فى شهيد عايز سؤال
مين اللى ماسك دفه المركب وحادف ليه شمال ؟؟؟؟؟!!!!
مين اللى خرب مركبك يا مصر ???
مين اللى داس الكوخ برجل القهر ???
————————————–
كان ياما كان كان فى شهيد رافع علامه النصر
يوم كان فى عباره ويوم كان فى القطر
وليله بايت فى الدويقه جوا بيت من سخر
وليله جوا القسم او فى المعتقل راضى وسعيد
خالد سعيد عاش كالراجل بسيد بلال
———————————-
كان ياما كان كان فى شهيد
خلف شهيد جاور شهيد
كان جد جده كمان شهيد
صاحب شهيد ناسب شهيد
جوز بناته الخمسه لولاد الجيران
طلعوا ولاد عم الشهيد
جابم شهيد
عاشم وما عاشوا يقاوموا القتل فى الطوابير
ماشين على المسامير
والكل بيعظم سلام لعصابه الخنازير
والظلم فاض
هات طوبه ياض
داخلين علينا البلطجيه طوال عراض
راكبين جمال شبه القراض
هات طوبه ياض
حصلى دغرى عند عبد المنعم رياض
بتقولى عبد المنعم رياض !!!!!!!
مش قولتلك
كان فى شهيد خلف شهيد
طب ايه الجديد
ربك يريد
انت الشهيد اللى جنبك ضى
واخد 3 رصاصات على شومه ماقولت الاى
زينه ولاد الحى
وانتاى الشهيده عروسه ملهاش زى
انت الشهيد وقصدتى ماشى فى موكبك بتزك
انت اليقين لامه عاشت عمرها بتشك
ماشى فى طريقك محترم والكل ماشى يعك
نزلتنا باسلوبك انت لزحمه الميدان من زحمه الفيس بوك
——————————————–
انت الشهيد ابن الشهيد اللى اتولد عشان يكون ابنه شهيد وابنه شهيد وابنه شهيد
طب ايه الجديد ربك يريد
وحياه كنايس ردت صوت الازان
وحياه شجاعه شعب ضد رئيس جبان
وحياه ما دمعنا وكحينا من بقنابل من دخان
وحياه سلاح الامريكان ضد الشعب
وحياه ما شاف الكون على اديان العجب
وحياه ما قداسنا وصلاتنا وحدوا كل مكان
وجمدوا جرى الزمان
وحياه مازيناك يا سور البرلمان
وحياه جرايت هلست واتريقت
وحياه فدادين الغلابه اللى على اهل القصور اتبعزفت
وحياه اراده اتجرات
وحياه عنين انخزفت
وحياه عنين تانيه فى وشوشنا برقت
الثوره دى مش ملكنا
احنا اللى ملك الثوره يا جدعان
وحياه نومتنا على الرصيف وسط الميدان
دم الشهيد اب الشهيد اللى اكيد ابنه شهيد
لازم ينور درب مستقبل جديد
—————————————
منصوره بينا يا مصر منصوره
رسمنا ثورتنا بالون العدل
وعملنا ما الدبابه سبوره
نكتب عليها راينا فى الندل
ونجيب ولادنا لاجل ياخودو جمبها صوره
ماشين بقدره ربنا على الحبل
مايهمناش السجن ولا القتل
نايمين على الاسفلت شوكه فى حلق اى عصابه محشوره
منصوره بينا يا مصر منصوره
- شعر مكتوب من دم
- دم الشهيد
- شعر مكتوب عن شهيد
- شعر بأسم الشهيد مجدي
- دم الشهيد شعر
- قصيدة دم الشهيد
- اجمل شعر عن اغنية
- شعر عن الشهادة
- شعر عن الشهداء مصر
- شعر عن الشهيد جديد
