ابيات شعر عن عزه النفس والكرامه
جا يطيب خاطري بكلمتين
يحسب ان رضاي مضمون وسهل
عذره اللي رجعه شوق وحنين..
يحسب ان رضاي بشويه غزل..
مادرى اني حالف وحالف يمين
ما ارد بكلمتين مهما عمل
مايلين القلب والله مايلين
وان زعل يزعل ويعني لو زعل..!!
**********************************
مادام هذي علومك راح تخسرني
ماعمر احد راح من كيفه وناديته
عند الكرامه
ابيعك وانت خابرني
الله وكيلك ترى شيء مريته
كانه “هجر” بالسلامه روح واهجرني…..
“ابووي”
وهو “ابووي”
لاصد عني ماترجيته
شفت المقفي ..!!
وربي ما اتبعه لو خطوتين….
اصبعي وهو اصبعي اذا غدرني اقطعه…..
ابسالك سؤال واحد والجواب بكلمتين….
لاصار قدرك والهوى خصمين…
من توقف معه،،؟؟
ياخي العزه كرامه وانت دايم مستهين…
ياخي ضرسك لو وجعك …
بذمتك ماتقلعه؟؟
عندي سؤال وخابر فيه تجريح…
لكن ضروري تسمعه بانبساطي
ارفعك بيدي للسما ترجع تطيح…!!
قلي ش سوي فيك لاصرت واطي..!!؟؟
***********************************
على مثلك ما ابكي
ومثلك ما يبكيني….
انا اضحك على حظ جمعني فيك واشقاني….
ماهمني بعدك ولاني
ناطره تجيني…
انا…
كل اللي عشته
حزن…
وقربك زود احزاني
ترى كلك على بعضك ابدا ماعاد تعنيني….
ولاهي فارقه عندي تجي او حتى تنساني….
ابي “قلبك” يحس انه فقد بمحبته
“انسان”…
ملكته من هدب عين وخسرت رضاه
“باهمالك..”
صحيح ان “الفراق” اقسى…
ولكن “الوصال”محال…
انا صعب علي ارضي “غرورك”واضعف قبالك…
بعد ما حققت عيني في بعدك للرقاد امال….
اعود للسهر..؟؟
ياخوي
لاوالله فال الله ولا فالك….
**********************************
تحسب اني بجي عندك حبيبي وانحني لرضاك..!!
ورب الكون ذابعدك ولايمكن اسويها…
انا طبعي”عزيزالنفس” مهما دارت الافلاك…
بمشي نفسي بكيفي ابد ما احد يمشيها
محبه…ما ابي منك محبه لو تجي برضاك…
ابلعنها وابلعن كل شخص لي يطريها…
**********************************
لو تباعدنا غدا الكون الكبير….
شارع مظلم وتبكيه البيوت….
جايز الوضع من بعدك خطير….
وجايز ان الهم في صدري يفوت….
بس شيء واحد محال انه يصير…
((ما اذل النفس لجلك لو تموت))
