كلمات الشعر الحزين في الحب
الشمس غابت والمدينه اظلمت * والورد لونه صار ما هو لونه
باهت يحير كل عين همت * فيه وعبيره بنته مسجونه
و انا حزين والهموم التمت * الحزن جند لي كبار شجونه
ان جيت بفرح فرحتي ما تمت * وان جيت بنسى ذكرتني طعونه
هذا زماني صار بي يتشمت * يلعب و انا راضي بكل جنونه
صفحات حبي في الغرام اقدمت * فوق الرفوف وبالعنا مشحونه
فيها المحبه والوفا قد ضمت * للغالي اللي اعشقه واصونه
اسهرتني يا غلا والناس هجاع
النوم عني جلا يا زين الاطباع
الهم منك اعتلى والصد بك شاع
ما قلت لي وش بلا العهد منك ضاع
من بد كل الملا عيني لك تراعي
يا كامل بالحلى ما للجنا داعي
ارجع ترى لك وله من بين الاضلاع
ان جيت لي يا هلا ماني بطماع
