كلام مكتوب بجنون احبك

كلام مكتوب بجنون احبك

فواز: انا ادعيه ان الله يفكني من النسره اللي عندي ..

ام فواز: هههههه الله يصلحك يارب ..

فواز: وانا عند ربي صادق , وبعدين يا يمه انتي ليه كلا معها , مع
اني مشوف تصرفاتها لذاك الزود معك .. علاقتك بيها رسميه تقريبا !

ام فواز محبت تقول ل ولدها سواياها , وتنهدت بصمت ,
وهي تغير الموضوع: ما ودك تغير الجو معها , امكن تحسن من حالها واسلوبها ..

فواز كشر: كان انتحر يا يمه , انا مصدق على الله ارجع لرياض ,
عشان اروح لعند الربع , بنسبه لي روحتي للمجلس تريحني اكثر من البيت ..
واذا على السفره انا منيب مقصر يا يمه , راحت لجده , مكه , المدينه
, الامارات , القصيم ,

عمان ولا فوق خمس مرات , وتجي صاحبتها عواصف وتتفلسف عليها بكم سفره راحت لها
,
ماليزيا وفرنسا واندونيسيا , وطير يهفها هي وصاحبتها ..

ام فواز: ههههههه يا جعلك الصلاح .. سميتها عواصف بعد .. !
من سلم من ربيعاتها ولا لقبتهم .. فوزيه ومسميها فوزيه دريع ,
وعواطف وصارت عواصف , وهي منال العالم , ومريم صارت عذراء ..

فواز بضحكه: بذمتك مو لايقين الالقاب عليهم ..

ام فواز: هههههههه , عشان كذا انا اضحك يا ولدي , لانك جبتهم صح ..
بس وش سبب تسميتهم كذا ؟

فواز: عواصف , لانها جد عواصف , تسبب مشاكل مالها اول ولا تالي ,
بسبب اقترحاتها لست منال العالم , ومنال العالم سميتها كذا , لانها تجلس تكذب
وتتفلسف عند ربيعاتها الثلاثي المرح وهم يصدقونها , وبلاهم ما يعرفون انها ما تدبر بالطبخ
حاجه !

ام فواز: هههههههه ..

فواز كمل: مريم عاد ذي قصه , تتزوج وتتطلق , تقولين الرجال عندها زي الفساتين
,
وبالاخير هي المظلومه ومسكينه والعذراء الطاهره , وكل الي خذوها مابهم خير بنظرها !
والست فوزيه دريع عاد ذي زي العظم بالبلعوم ..

ام فواز بضحكه: وليه ..؟

فواز بحماس: لانها جالسه تعلم الست منال العالم , عن مستحضرات تزيدها جمال بنظري ,

ومن اهمها زيت الثوم والبصل اللي يبخر البيت كله , وتعلمها بعد وش اللي يرضي
رجال هاليومين دول .. واغلب نصايحها زي وجها ..

ام فواز:هههههههههه الله يرضى عليك يا فواز , وانت من وين شايف صاحبتها , ليكون
تراقبها من بعيد بس .. !!

فواز: افا عليك بس , اجل تتصورين هالشيء مني ..

ام فواز: اجل قول وين شايفها ..؟

فواز:انتي تدرين اني كل ربوع بحفله منال العالم , اني مرجع البيت الا متوخر ,

وصادف مره من المرات تعبت وجاني النومه رحت بتوجه لغرفتي الا اشوفها مع الست منال
العالم ,
بالغرفه توريها ملابسها ( وبمياعه وهو يقلد منال ) من مانجو ..

ام فواز: هههههههه يا جعلك السعاده ..

فواز من قلب: اللهم امين ..

ام فواز: ياليتك كل يوم تجي وتضحكني زي هاليوم , يلا يايمه روح صالح منال
العالم ..

فواز: لا اعذريني يا يمه , كلا انا اللي اجيها وابادر بالاسف , والغلط منها
, لكن هم اجي انا واتاسف .. !
وهالمره مالي نيه بشوفه وجها المشؤؤم , ولو بغيتي الجد تعبت وانا اخذ دور الزوج
المثالي , يلا يالغاليه تصبحين على خير ..

ام فواز: وانت من اهله يا فواز ..

باس راسها , ودخل غرفه امه وفرش له بالارض , وانسدح وعلى طول نام من
تعب يومه .. !!

.
.
.

على الساعه 8:11 صباحا ..

جهزت الفطور كالعاده لامها وخالتها ” مرت ابوها ” وصايف ..

كان عباره عن نواشف وبعد لمتهم بالسفره ..

ام بكر :ابشرك رضى ابوك انك تشتغلين بالمشغل …

لين بفرحه : صدق يا خاله ..

ام بكر با ابتسامه :وهل عمري كذبت عليك ؟؟؟

لين باست راسها ويدها : ما انحرم منك يالغاليه ..

ام بكر : عاد هاه , لزوم الزين بشغلك وزياده بعد ..

ام هدى ولين : وليه ؟؟

ام بكر : انا كلمت اختي ام عبد الاله قالت انها تحتاج انها لموظفه استقبال
, وطبعا لزوم تكون مزيونه وانيقه لانها بتكون للاستقبال ..

ام هدى : وبنتي ما شاء الله عليها ..

ام بكر : انا اعني انها تزود الاهتمام , ولا تقول انا تعبانه ولا مالي
خلق اتزين اليوم , ترى اختي شديده بالشغل ..

ام هدى ولين : ههههههه .. ياحليلها ..

ام بكر :هههه اي بالله .. قالت لي ان ما عندكم لبس رسمي , عادي
يعني …

لين : كويس اجل ..

يتبع |
لين : كويس اجل ..

ام بكر تشرب عصيرها :انا مدحت لها زينك واهتمامك واهي تشوقت لك , مو تجيبين
العيد …

لين بضحكه :افا عليك يا الغاليه , اعتمدي ..

ام هدى : متى تداوم اجل ..؟؟

ام بكر : بعون الله السبت ..
لين حست بالتفاؤل , ان واخيرا بتشغل نفسها من بعد طلاقها , وبتفكير باحد غير
طليقها ياسر واهله ..!!

.
.
.
با احدى المطاعم الراقيه ..
على الاجواء الرومانسيه ..

هاني: قلت لك نجيب العيال احسن ..

ميثاء رفعت حاجبها: اكيد انك استخفيت , به احد يروح لمطعم هو مع زوجته وبمطعم
رومانسي بعد , ومعه عياله ؟

هاني: اي وش فيها , احنا كلنا ناكل مع بعض , وصديقي سواها , شوفي
عياله ماشاء الله ..

ميثاء تاففت: هالبدوي ذه اكل عقلك اكل , اي شيء يسويه انت تسوي , ليكون
تحبه وانا مدري ؟

هاني: اكيد احبه هو صديقي , ما انسى وقفاته معي , وبعدين انتي لو شفتي
عياله
ماشاء الله تقولين ان اعمارهم 30 وفوق , خصوصا عمر ونفسي يكون خالد زيه ..

ميثاء كشرت: لا ان شاء الله , ولدي بيصير احسن وافضل من هالقرويين ..

هاني باندفاع: ليه ماخذه عن البدو هالفكره السطحيه يا ميثاء , ولا اسمح لك ..

ميثاء ببرود: سمحت او ما سمحت بالطقاق اللي يطق راسك !

هاني حط الملعقه بالطاوله وبقهر: انتي ليه اسلوبك كذا معي ؟ متى بتحسنينه يعني ..

ميثاء: يا هاني انا لما طلبت اني اروح للمطعم غرضي اني اغير جو من اكلات
البيت .. !

هاني با ابتسامه سخرية: ليه انتي تعرفين تطبخين يعني ؟ مو هي امي اللي لما
تطبخ تجي لنا ما تقصر , ومرات انا اللي اطبخ ..

ميثاء وهي تاكل: سد الموضوع رجاءا ..

هاني بقهر: طبعا بسده , لانه مهوب عاجبك , الله يصلحك بس ..

ميثاء بادرته بالبرود وعدم الانصات , رغبتها بتغير الجو , او ربما هي تهمش بعض
الامور , رغم اهميتها لدى زوجها !!

.
.
.

دخل غرفته , استغرب انه مشاف منال العالم ..

معقوله تكون قامت من بدري , بيجوز .. !!

الغرفه وسخه , كما لو كان اعصار تسونامي , قد حل به , وكاد ان
ساعتها ضاعت كالعاده , لانها غير منظمه تقريبا .. !!

اليوم ما عنده دوام , نظامه شفتات , وله ايام بالاسابيع محدده يروح بيها ..

بعد ما امر نانسي تسوي فطور , وبحول نصف ساعه يكون جاهز ..

اخذ دوش طويل بخلاصه اللافندر , اللي يعمل على تهدئه الاعصاب والاسترخاء التام ..

نشف جسمه وشعره , لبس قميص وكاعدته انيق وجذاب ..

تعطر , ورجع شعره لورى ..

بعد عشرين دقيقه ..

نزل تحت , شاف امه باس راسها .. وجلس يتبادل اطراف الحديث معها ..

الا بجيه نانسي: بابا في جاهز فطور ..

قام مع امه ..
وبنصف فطورهم ..

مدت له الورقه , وهو مستغرب وبتريقه: شفتي يا ام فواز , به معجبين يراسلوني
من اندونيسيا ..

ام فواز: ههههههههه ..

نانسي: هادا رساله من مدام منال ..

فواز يدعي الذهول: اووه , وانا سنين اعلمها الذرابه واحين قامت تكتب رسايل لي ..

ام فواز بخوف: هي ما ترسل رسائل الا وبه مصايب مسويتها , اقرا وشوف محتواها
..

فواز قرا الرساله , وناظر با امه وسكت .. !

ام فواز ويدها على قلبها: وش كاتبه ..؟
انتهى البارت |
rababe likes this.
روايه بجنون احبك / الكاتبه ساندرا
.. البارت الثالث ..

مدت له الورقه , وهو مستغرب وبتريقه: شفتي يا ام فواز , به معجبين يراسلوني
من اندونيسيا ..

ام فواز: ههههههههه ..

نانسي: هادا رساله من مدام منال ..

فواز يدعي الذهول: اووه , وانا سنين اعلمها الذرابه واحين قامت تكتب رسايل لي ..

ام فواز بخوف: هي ما ترسل رسائل الا وبه مصايب مسويتها , اقرا وشوف محتواها
..

فواز قرا الرساله , وناظر با امه وسكت .. !

ام فواز ويدها على قلبها: وش كاتبه ..؟

فواز: وش اقول لك , اغلبه سب وشتم , بس مضمونها انها راحت لعند اهلها
, وان عمر ودها بالفجر .. !

ام فواز: لا حول ولا قوه الا با الله العلي العظيم , احين بتجيب اخوانها
..

فواز: فكه ..

ام فواز: مكنا عمرها بالاربعين , اساليبها وتصرفاتها واحد ب 9 سنه ..

فواز: يا يمه , لا تاخذين الثقافه والفكر من مبدا العمر يالغاليه .. يا مال
يجيك واحد عمره 20 وفكره وعقله بالخمسين !
ويجيك واحد عمره بالاربعين وفوق , وعقله عقل واحد 9 سنه ..

ام فواز تنهدت: اي با الله انك صادق , بس اللي افكر بيه انها معلمه
ودين بعد ..

فواز وهو ياكل الزيتون الاسود: هذا الموضه الدارجه يا يمه , ولا تغترين بالمعلمين ترى
” البعض منهم ” هم بعد فاشلين بحياتهم , غير ناضجين بالفكر ..

ام فواز: وش الحل يا فواز ..؟ بتراضيها ولا وش ..؟
فواز: ابد يا يمه مالي نيه بهالشيء , واذا على اني اراضيها تحلم , انا
مغلطت هي اللي غلطت , ويالغاليه فطري .. ( وخذ عصير البرتقال وقام شربها اياه
) غصبن عنها ..
.
.

بغرفه البنات , افتحت الدولاب وهي تدور على لبسه ..
وبملل: اووف , بيسان تعالي ساعديني ..

بيسان قامت لها: لبسي جلابيه ..

وعد ناظرتها بنصف عين:وع , حلفي بس , انتي اللي لبسي جلابيه ..

بيسان:ههههه طيب لبسي ميدي , على تيشيرت .. ( وطلعته لها ) وش رايك بذا
..؟

وعد: طيب , يعطيك العافيه .. ما تقصرين يا خيه ..

بيسان ابتسمت لها: ماسويت شيء وعودتي ..

ريفان بسؤال: الجيه عليهم الخميس مو ..؟

بيسان: اي فديتك ..

ريفان با ابتسامه: كويس اجل ..

وعد: بس الله يعينا على الكرف , تدرين نانسي ما تقدر لحالها وامي راحت لبيت
اهلها ..

ريفان وبيسان با اندفاع:كيف ومن متى ..؟؟؟

وعد: جاني ارق , ولا قدرت انام بدري , واسمع رقعت باب غرفه اخواني بقوه
, وطلبت من عمر انه يوديها بيت اهلها والشنطه بيدها ..

بيسان ناظرت ريفان بحزن ..

ريفان تنهدت بهم: مدري متى بتتغير امي .. !

وعد: اي بالاحلام ..

.
.
.

بصوت عالي: يلا عجلو , تدرون خالكم ما يحب احد يتوخر عن الموعد ..

منى نزلت من الدرج: اي بدري على الساعه 12 ..

ام رعد:لا مهوب بدري , انا اعرفكم كل وحده على متجهز نفسها , يبا لها
ساعتين وزود ..

منى با ابتسامه: والله ودي اروح من احين , لعند خالو فواز اشتقت له حيل
..

ام رعد: يا الله ان تصبرني على منال وسخافتها ..

منى سرحت فكرها لبعيد , وقامت صعدت فوق لعند اختها جود ..
على الساعه 12:11 بالظهر ..
تجمعت العائله ببيت ابو عمر ..

ام رعد بصدمة: من جدها ذي راحت ..؟
يتبع |
على الساعه 12:11 بالظهر ..
تجمعت العائله ببيت ابو عمر ..

ام رعد بصدمة: من جدها ذي راحت ..؟

ابو عمر: هذا عمر جنبك واساليه ..

عمر: بالفجر طلبت اني اوديها وهي تصارخ ..

ام رعد بقهر: وش الجديد , هي مغير تصارخ مالت عليها ..

ام فواز تنهدت: استغفر الله العلي العظيم ..

ام رعد بحماس: وش رايك نزوجك يا خوي ..؟

ابو عمر با ندفاع:مالي نيه بالزواج , ابي افتك من اللي عندي وارتاح ..

ام رعد ناظرت بعمر: وهل عيالك راضين ..؟

عمر ناظر ابوه وتاره فيها: الحياه حياه ابوي , صحيح انا بزعل عشان امي ,
بس انا متدخل بقرارات ابوي ..

ام رعد بذهول:عيني عليك بارده يا فواز , عليك تربيه لعيالك غير شكل ما شاء
الله ..
عند البنات , بالصاله ..
ريفان: ممكن منديل وعودتي ..؟

وعد: ابشري ( ومدت لها )

جود: مدري كيف مربيكم خالي فواز ..

ريفان التفت لها: وش قصدك جود ..؟

جود: اساليبكم مع بعض تضحكني , لو سمحتي , ممكن , فديتك , حياتي ..
قولي لها غصبن عليك تجبينه ..

بيسان: بالعكس الاحترام بين الاخوات اساس ..

منى با اعجاب: خالو فواز يهبل بكل حالاته ما شاء الله ..

بيسان بغرور: فديت ابوي بس ..

وعد تغير الموضوع: اجل مرجانه ماجت معاكم .. !

منى : الا جات الخدامه معنا ..

جود: انا اللي مشفت مرت خالو اليوم .. !

منى با اندفاع: اذا مهوب هنا , وكاد انها ببيت اهلها ..

ريفان ووعد وبيسان ناظروا بعض بحزن ..

الا بدخله نانسي ..

نانسي: بنات , غداء في جاهز تغدوا لو سمحتوا ..

الكل :ههههههههههههه ..

منى بضحكه: يا زينك يا خالو فواز , حتى الخدامه معلمها اساليبه ..

بمجلس الرجال ..

فواز , عمر , رائد , يزيد , رعد , ابو رعد ..

وعند النساء ..

ام فواز , ام رعد , ريفان , وعد , بيسان , جود , منى
..

وبعد الغداء الطيب ..

دخلوا البنات بغرفه بعيده عن الصاله ..
لما راحو ..

ام فواز: محبيت انك تتكلمين قدام عمر عن منال , او انك تشورين فواز بالزواج
..

ام رعد التفت لها: عمر يا يمه مهوب صغير , وفواز لما كان بسن عمر
,
كان عنده 4 عيال .. فواز معتمد على عمر بكل حاجه ولا مخبي عليه شيء
..

ام فواز: كلامك صحيح بنتي , بس مهما وش كان منال تظل امه , وراح
يتحسس من هالشيء ..

ام رعد:يالغاليه العيال عارفين اكثر مني ومنك عن اساليب امهم ,
ولاحظي بالبنات بعد مزعوجين من هالشيء , امهم موجوده ولا كنها موجوده ,
وجودها وعدمه واحد , وانا شرت عليه انه يتزوج عليها احسن له وبس ..

ام فواز تنهدت بحزن: والله ان هالولد محزني يا نوره ,
مدري وش السوات منيب شايفته مبسوط وسعيد , يدعي الضحكه والبسمه وهو بداخله تعيس ..

ام رعد: احين عرفتي ليه شرت عليه بالزواج , واذا انتي متضرره من منال ,

هم انا متضرره مثلك , بس محب اعلمه بسواليفها معك ومعي , عشان ما يتعب
اكثر ..

ام فواز بين دموعها: حسبي الله عليها من مره , متعبه ولدي ,

ام رعد: انا بجري البحث يا يمه , على وحده بمستوى اخوي فواز , حتى
لو عارضتي او عارض هو ..

ام فواز تمسح دموعها: اخوك يا يمه مهوب صغير , ولا يريد نشبه العيال ,
انا قصدي لو يتزوج ,
بيجيب كم عيال منه , وهو مهوب ناقص , انا منيب انانيه يا نوره ,
بس ولدي يريد الراحه ..

ام رعد دقت الصدر وبثقه: البنت انا بحصلها وصدقيني يا الغاليه , انا لقلت كلمه
التزم فيها , وجاري البحث ..

ام فواز خنقتها العبره , وصارت تصيح بحزن قاتل: والله اني ادعي له انه يبعده
عن هالنسره منال ,
ويزوجه حرمه , ست بيت , مثقفه , متواضعه , حنونه على عياله ,
تهتم بنفسها وبزوجها , وروحها طيبه .. بس هالبنت ما بعد تجي ..

• رواية بجنون احبك البارت الاخير
• صورأحبك تصبحين على خير
• صوراحبك موت
• احبكي مريم
• فواز احبك اعشقك
• رواية بجنون أحبك
• صور كلمه أحبك بجنون
• روايه بجنون احبك البارت الرابع والعشرون
• رواية بجنون احبك للكاتبة ساندرا
• رواية بجنون احبك