كلمات قصيده ايوه بغير يلقيها الشاعر هشام الجخ
وبقولها
ايوه بغير
لا انا نقصان ولا ضعفان
ولا مسطول ولا سكران ولا زايغ من عيني الضي
ولا حد احسن مني في شي
بس بغير
واللي قالولك غيره الراجل
قله ثقه او قله فهم .. خلق حمير
غيره الراجل نار في مراجل
نار بتنور مبتحرقش
واحنا صعايده بنستحملش
شمسنا حامية
وعرقنا حامي
وطبعنا حامي
واللي تخلي صعيدي يحبها
يبقى يا غلبها
اصلنا ناس على كد الطيبة
كلنا هيبة
والنسوان في بلادنا جواهر
طب لو عندك حته ماس
هتخليها مداس للناس ؟
ولا هتقفلي اوضه عليها بميه ترباس
يمكن حتى تاجري ليها جوزين حراس
يبقى انا لا انا غافل ولا جاهل
كل الفرق ما بيني وبينك اني صعيدي
ينعل ابو ده اليوم الاكحل اللي لا ليه اخر ولا اول اللي طلعت لقتني صعيدي
لو كان بايدي كنت اعملك هندي بريش
واقلب شعري كانيش كرابيش
والبسلك سلسله متدلدله خرزه وقلب
بس ازاي البسلك سلسله هو انا كلب
ثم العبره ماهيش في اللبس
اصل المشكله مش في اللبس
اصل المشكله عندك
عندك
قلت هسيبها وبكره تحس
بعده تحس
بعده تحس
ده انا لو جبس
كنت زعقت
ماشي صداقة
وماشي زمالة
بس مجتش على الرجالة
ما هي نسوان الدنيا كتير
وانا مبقولش تخاصمي الناس
ولا تتحجبي عن الرجالة
ولا تعتكفي وتسكني دير
بس يا ريت حبه تقدير
اني بحبك
واني بريدك
واني زرعت حياتي في ايدك
واني غزلت بنات الدنيا عقود على جيدك
واني تعبت من التفكير
واني بغير
- هشام الجخ غيرة الراجل مترجمه كامله تحميل
