التخلص من الشعر الزائد نهائيا بالملح
تجربه احدى المصريات:
هى طريقه واحده نيجيريه قالتلى عليها وهى جارتى لاحظت ان جسمها مافيهوش شعر خالص سالتها
انتوا مافيكوش شعر خالص ولا ايه ؟ قالتلى بالعكس احنا زيكوا فينا شعر بس مش
فاضيين كل شهر نشيله بس بنعمل طريقه تخفيه لسنين بدون اضرار لانها طبيعية
الطريقه هى:
اولا تشيلى الشعر اللى فى الجسم هى قالتلى بالموس بس انا بفضل السويت وبعدها
ثانيا: ترشى ميه على المكان اللى اتشال منه الشعر
ثالثا: وبعدها تجيبى ملح خشن وتفركى بيها المكان
رابعا: وبعد كده نجيب كيس نايلون او ورق الومونيوم ونلف بيه المكان لحد ما يعرق
خامسا:وبعد كده نشيل الكيس ونستحمى ونعيما
وتقدرى تجربيها على مكان بسيط فى الجسم زى رجلك ولو ارتحتى عليها اعمليها لباقى الجسم
بلاش المنطقه الحساسه لانك مش هتعرفى تغليفيها خلينا فى الجسم احسن وبعدين بعد ازله الشعر
بيتكون المسام مفتوحه ولما تستعملى الوصفه الملح بيتدخل فى المسام وبيموت بصيله الشعر انتى ممكن
تحسى بحرقان خفيف اوى بس بعد كده بيروح
وعلى فكره انا جربت الليمون لوحده بعد ما اشيل الشعر بالسويت ادهن ليمون واسيبه دقايق
وبعد كده اشطف المكان وفعلا جابت معايا نتيجه الشعر قل جدا ونصيحه عودى نفسك تعمل
سويت كل شهر بعد الدوره لما تخلص لان الشعر بيزيد وقت الدوره واعملى طريقه الليمون
حلوه جدا انا كمان جربتها فى منطقه الابطين بجد تحفه والشعر قل فيها وكمان الليمون
بيفتح البشرة
