تطبيق برودكاست لوحه تحكم تطبيق برودكاست الخويلدية
شعر شهد الشمري
الشاعره والاعلاميه شهد كريم غازي الشمري ولدت في عام 1987 م لدى عائله صحفيه و
درست الفنون الجميله قسم ديكور مهتمه بالكتابه الشعر العراقي الشعبي وعملت في قناةشعر شهد الشمري
الشاعره والاعلاميه شهد كريم غازي الشمري ولدت في عام 1987 م لدى عائله صحفيه و
درست الفنون الجميله قسم ديكور مهتمه بالكتابه الشعر العراقي الشعبي وعملت في قناه الفيحاء الذي
قدمت فيه البرنامج التلفزيوني بعنوان “صبحكم الله بالخير ” وبرنامج اخر بعنوان “شهد والشعر ”
ولديها العديد من القصائد التي اخترنا لكم مجموعه من قصائدها الجميله بعنوان محتاجه كلش الك
و مشكور سهمك ومانسيتك
محتاجه كلش الك
محتاجه كلش الك يل الشاغل انت الفكر
محتاجه الك مو حجي وارتاح من ينذكر
هنياله من كابلك يا احلى صوره شعر
محتاجه الك ماتجي ماباقي شي بالعمر
زعلان؟ ليش الزعل زعلان انه اعتذر
بس ارجع لخاطري صير على نحري
عطر
صير على جفني كحل
حليني بين السمر تعبني ذرف الدمع
بس ماطفالي الجمر بركان في داخلي
ويا خوفي لا ينفجر شماخرك ماتجي
ماظل الك كل عذر
اهلال جرحك كمل اي كمل واصبح بدر
صدكني حيل اتعبت حبك عسر مو يسر
اترجيت وتوسلت بيك شكثر و شكثر
مافاد بيك الرجه وجبرتني لهل امر
ما بعد اضلن شهد خليك مني حذر
واحجيهه لاتستحي كول انت طبعك
غدر
حبك تحيه صبح ماتلفض بالعصر
روح وبعد لاترد شي عادي صار الهجر
الماعرف معنى العشك مابعد احطله كدر
جانت درجتك الف بس هسه صارت صفر
مشكور سهمك
مشكور سهمك وصل مشكور ماقصرت
مو انت اول جرح كبلك جرحني الوكت
وجنت اطمع بطيبتك وانت بدموعي طمعت
وانه اتخذتك اخو جا ليش بيه اخذلت
وتكول عني اخطئت فهمني بيش اخطئت
واحسبني اخوك وخطا تخسر لون سامحت
وانه اعتذرت شكثر عالماكو وتوسلت
وطخيت الك هامتي وبزايد تكبرت
لتصير غيمه بسمه يلي بدليلي اثبتت
ومن دون ربح وطمع منك شفتني طلبت
شمعه انه في رقتي وبطيبك تلذذت
تحركني نارك حرك وكبال عينك ذبت
هلبت كسر خاطرك حالي وعليه شفقت
ادري بظميرك عدل معقوله انت المتت
معقوله كلبك جلد وبطيبك انه وهمت
ضليت اشك بالعقل بس بيك ماشككت
خليني احس بالالم بس كونك انت فرحت
ادري الزمان اضلمك وبراسي راسك خذت
ولهسبب عاذرك حاسبني اخوك ومنت
ماحسبتني انذبح ادريك ماحسبت
لو حسبت جا كلت هسه انته ليش عركت
يل تستحي من الهوه لو كابلك دنكت
وهذه الكتلني قهر بس بسهم نيشنت
وبجرئه صبت الهدف لمن عليه سددت
مشكور سهمك وصل مشكور
نسيتك
نسيتك اي نسيتك وانتهى الشوك
وبهاي القصيده اتذكريتك
امس باجمل قصايد جنت اناغيك
ودلال اطفال بيهن دلليتك
الف كلمه احبك كاتبه عليك
وكتبت اليوم عنك بس هجيتك
فوك الراس شلتك شفتك انسان
ورميتك من فلا تسوه لكيتك
دفتر حسبيتك منكتب بيك
جنت مااشوف لمن صفحيتك
اثاري بورقتك كتبوا دواوين
وانه اخر ظرير الي اشتريتك
اسود من ضميرك ثاري ماضيك
وبمرود مذلتك كحليتك
منك ماخذت عكس المشه وياك
خذت من روحي راحتهه ونطيتك
جنت لمن تحس تجويني ترتاح
وانه المستعره ناري وماجويتك
وجنت يوميه تعشك واحد اثنين
وعلى الحبوني كلهم فضليتك
ما نادم هجرتك جان مفروض
كبل كلشي الخلص تخلص قضيتك
لوكبل
لو كبل ملتقيه بيك ولو كبل شايفتك اني
جا وهبتك كل حياتي احساسي وجفوفي وحناني
جاصرت شامه على خدك ماتعوفك لو ثواني
يعني اصيرن اولى عندك لان مااقبل بثاني
لاتقربلي المسافه ولاتعيشني بااماني
الشمع لوذاب يخلص كدره بخدود الصواني
ماتدك بابي السعادة. على حساب اللي تعاني
فدوه تفهمني اشكلك.؟. شخصك اتاخر اجاني
لاهو ذنبك لاهوه ذنبي.. بس ذنب وكتي وزماني
ابتعد من عندي وارحل غيري منتظره وتتاني
وانه مااحب الشراكه حتى لو كلمه بلساني
وانت كافي اتلوم بختك.. جيف بختك ماحواني
عيش بااحضان التحبك.. حتى لو كلبك هواني
الكم اتمنى السعادة..كلبي بالحب مو اناني
احنه في مسك الختام.. والنه ماتحلى التهاني
الكم اتلوك البعضكم.. يعني ماارهملك اني
هوايه احبك
هواي احبك ياشمعتي ياصباح الله وفرحتي
يانظر عيني وكحلها وياتراجي وكذلتي
من تغازلني اعلنت بالحب اطير واترس بضحكتي
الصبح لو ماضحكت تكسر الخاطر غرفتي
وعودتني بصوت دافي وين ياعمري بذلتي
بيدي اشيكك واترك انفاسي بقميصي واخذ من الشبكه حصتي
اوبقه اتاني واحسب الخطوه لرجعتك ها وصل ها روحي فرحت يعني اجيت
والكه باحساسي عروس ودخلتك على البيت زفتي ولمست جفوفك تخلي احساسي طير
والكه ذرعانك شذرتي وانسه كلشي واحجي كلشي والكه شفتين حنان الله على شفتي
اويلي ااذا زعلان شفتك بارده تبين جنهم من اقارنه بحسرتي تدري هواي احبك
هواي ااحبك موت احبك كومه احبك كله خلي تسمع صرختي انا مجنونه بغرامك
ويا فضحتني رحلتي اكتب اسمك وانسه درسي كلشي ماحل بورقتي
وباقيه لحد هذا عمري وسولفت للناس قصتي لك شفت جرح الحقيقه ونزلت على الخد دمعتي
انت وينك جاي اخابر فدوه جاوب اي عفيه جاوب الو
يعني مات اي مات وكلشي مات بداخلي بهاي الحياه وخلصت الرحله الاليمه
ولفي باحضان المكابر واني وينالذكريات
