كلام في الاعياد وفرحتها
فرحه الاعياد بشوفك تكتمل
وانت عيد القلب يومه يحتويك
وش يفيد القول وترتيب الجمل
دام كل حروف حبي تنتخيك
والرسايل بيننا همزه وصل
وعيدك مبارك عسا الفرحه تجيك
والكواكب دايره دوره زحل
والقمر طالع بنوره يحتريك
يارساله سايري ركب السحايب واسبقيه
واوصلي جوال منهو عني غايب وافتحيه
سطري له من رسايل العيد وشوقيه
وباركي له قبل كل الناس وفرحيه
————-
عاد عيد الي على البال طاريهم طرى
قبل زحمه الاتصالات وقبل الاشتباك
طالبك يالله من قبل لا اسكن الثرى
تغفر ذنوب البشر يالله اني في رجاك
ياهاتفي “ارجوك”ود
السلامي
و”ارجوك”بالله وصل
الشوق كله
و”ارجوك” هنيهم
((بعيدالفطر))
ناس لهم باقصى
ضميري محله
ناس لهم كل الغلا
واحترامي
غاليين عندي والغلا
مانمله
اسال من اعد العيد
وطوى الشهر الفقيد
يمدكم بعمر مديد
يجعل حياتكم عيد سعيد
———
قلبي
ترى لا مر طاريك سلم
وانا
الطواري عله طحت فيها
المشكلة
لا جيت اكلم و اسلم
ذكرت انا
الشرهه ولك حق فيها
تدري ؟
عيدك مبارك وفيه تنعم
يالعنبو
فاتوره منت فيها.
———
ياقوه الله وين انا ونت والعيد
مالله كتبلي معك بالعيد ميعاد
هذا الزمن يوعد وراحت مواعيد
وهموم قلبي من عنا البعد تزتاد
في كل عيد يزيد بالقلب توكيد
ان السنين المقبله مابها اعياد
انتي بعيده والفرح عني بعيد
———-
العيد قرب اسعد الله ممساك
والله مدري وين خد لمسته
وين انت ياللي عيدنا في محياك
كف القدر من ضيقه الخلق بسته
من يوم ما لوحت لي كف يمناك
لليوم دمعي بالخفا ما حبسته
ومن يوم ماذوقتني حر فرقاك
والياس زرعه في حياتي غرسته
———
شريت لي ثوب على شان لقياك
والثوب راحت موضته مالبسته
وشريت عطر ما زهاني بلياك
اربع سنين بعلبته ما لمسته
ودفتر قصيد كل يوم يترجاك .
ما فيه يوم ما سهرت ودرسته
كثيره وعديده تلك القصائد التي قيلت في مناسبه العيد…واحببت ان نجمع واياكم بهذه المناسبه…ما تحفظونه
من قصائد قيلت بالعيد……او تطرقت له من قريب او من بعيد…
يقول احد الشعراء…لايحضرني اسمه للاسف..بمناسبه العيد:
العيد عيدنا به بايمن صعافيق::::::::::::والعيد الاخر بالحفر والدجاني!!!
ويقول الامير الراحل سعود بن بندر…في العيد ايضا……
اقول في نفسي وانا اعايد الناس :::::متى بشوفك تكمل افراح عيدي
اجامل وربي عليم بالاحساس ::::::: وشهو شعوري وانت عني بعيدي
اللي خذاني لك على سهو هوجاس ::::: حسيت نفسي وسط ربعي وحيدي
لو حسوا بما بي يقولون لاباس ::::::: بدال قوله على عيدك سعيدي
لاصرت عندي وقتي اعياد واعراس:::: حتى ولو اني وسط سجن حديدي
عاشرت خلان وتخالطت باجناس::::: محد سواك اهديته القلب بيدي !!
من تحت ما طا الرجل لي هامت الراس:::: كلش هويته فيك والله شهيدي
لقيت بك ذوقي وانا قاطع الياس:::::: ومعك بدا يحيا الامل من جديدي..
وشاعره اخرى تقول:
كلن نهار العيد عايد حبيبه:::::: والتم شمل القلوب المواليف
وانا حبيبي غايب الله يجيبه:::::::ويا حسرتي كان انتهى العيد ما شيف!!
عساك من عواده اللي تعوده ……اللي سقاني ذبله في ضحى العيد
الجادل اللي كن زمه نهودة……نبت الزبيدي في محاجر جليعيد
من خلقه الدنيا وبنيت عمودة……والبيض في كيد الهوى كيدهن كيد.؟
نمر علي وضحى قصيده شهودة….ومن قبلنا عينت ((((عليا وابا زيد))))
ولد الخفاجي راح وامه تذودة………خذن قلبه بلمنى والتواعيد
يبي يوري مع هل الخير جودة……..واخر لنا (قصر الاخيضر , وعربيد)
العيد يجمع الله فيه القرابه وتصفى فيه كل النفوس المعاليل
سنه الله في منزل كتابه فرح وسعاده مع تكبير وتهليل
عيدك مبارك صاحبي وين ماكنت ****** يزف لك نبض الخفوق التهاني
عيدك مبارك كثر مابي تمكنت****** كثر الغلا اللي بالضلوع المحاني
او كثر مافي فرحه العيد حزنت****** وارخيت لجيوش العذاب العناني
يوم التفت وشفت ماغايب الا انت****** ضاق الوجود وكل هم” غزاني
تختلف المشاعر بين انسان واخر ، والشاعر المبدع صنيتان المطيري يقول :
ياعيد مالك نظره في عيوني 000نسيتني مدري زماني نساني
ماقدرت افراحك تعانق شجوني 0احزاني اكبر من كلام التهاني
حاولت اجاري فرحتك واكشفوني 0لاجيت ابضحك ماستمرت ثواني
الشاعر / صنيتان المطيري
شوفتك عيد وجيتني ليله العيد
————— والعيد صار بشوفتك عيد ثاني
انا حظيظ بجيتك يا اتلع الجيد
————— ليله فرح فيها نزف التهاني
بعض الصدف تسوى جميع المواعيد
————— يرسم بها الواقع خيال الاماني
ياساعه الفرحه تشوقت للعيد****عيد العيون وعيد قلب الصبابه
رد الجمال لشوفتي يا اتلع الجيد**** واسحب على حرفي لحون الربابه
حرفي بصوتك يا اجمل الصوت تغريد**** يا رمز حبي هاك رمز الكتابه
يا صبح عمري فيك للعمر تجديد**** وحبك يجدد كل يوم شبابه
للعيد والقمرا وحسنك مواعيد**** وليل الهوى شرع للاحباب بابه
يا ما زعجت الصوت باسمك تراديد**** ويا ما نسيم الوجد يمك سرابه
وياما تمنيتك على باقي الغيد**** واقول مثلك يا غلى الروح مابه
يا قطره الغيمه على يابس البيد**** رد الحياه لخافقي يا ذهابه.
وللشاعر سعود الفدغوش…قصيده جميله…منها:
عيدك مبارك يا هوى البال وسعيد/////وكل يهني صاحبه وقت الاعياد
بس الرسايل يا منى الروح ما تفيد///// ولا تغني الصوره عن الشوق لازاد
لابد تزور الدار في فرحه العيد ///// يا منيتي شمس الموده والاسعاد.
ويقول احد التعساء في العيد…
يا عيد مالك فرحه في عيوني**** نسيتني مدري نساني زماني
يا ليتهم يدرون من عايدوني **** ان الفرح ما له بقلبي مكاني
ويرد ناصر الضويحي….ويقول:
يقولون هذا العيد …يا زين يوم العيد**** صغار تسابق في ملامحهم الفرحه
وانا اقول هذا العيد عيدا ما هو بسعيد****نكد صار يوم العيد مثل امس في جرحه
اقبل العيد مستفيض الجلال مستنير الشروق والاصال
اصبحت من صباحه الناس في بش ر وامست من ليله في اختيال
التهاني على الشفاه تراجي ع تغنت بفرحه الاقبال
والاماني بين الجوانح خفق دائب بالرجاء والابتهال
العيد لبس الثوب بين نضاره تختال فيه بزهوه وجماح
او رفع اعناق الرجال ومشيها في بزه تزهو مع الاطماح
لكن عونا للضعيف ومنحه وسداد راي في هوى وصلاح
العيد ان تعطي الجميل وترتضي سبل السلام وسيله الافلاح
اطل العيد في ثوب جميل يطوف على الروابي والسهول
وجاء الحب يغمر كل قلب يبدد قسوه الهجر الطويل
فاسفر في صباح العيد وجه ووجه فيه اذن بالافول
وكم قلب تاوه في صباح وكم دمع تهامى في اصيل
وكم بالعيد من بيت سعيد تذكر فاستحال الى عويل
