وصفة البسطيلة بالدجاج بالمقادير
دجاجة بوزن 1و1/2 كلج
4بصلات متوسطين مشلدين
نصف زلافة قزبور و معدونس هدا الاخير يصبح اكثر
2فصوص ثوم محكوكين
2عواد قرفة
كاس زيت مخلط رومى و بلدى الرومى اكثر
م ص سمن
ماء
6 بيضات
للدهن
بياض بيضة و الاصفر نزيدوة مع الخليط
العطرية
ملح +ابزار+قرفة مطحونة+سكين اجبيبر +بسيبيسةمطحونة نص م ص+ خرقوم عادي و بلدى +زعفران حر
مقادير اللوز
1/2 كلج لوز مفسخ و مقلى فالزيت و مهرمش رقيق
م مثل قرفة
م مثل زبدة
قليل ماء الزهر
كاس سكر كلاصي
كيفية تحضير البسطيلة بالدجاج بالخطوات المصورة و بتقديم جديد
فى قدر نضع البصلة و الربيع و الثوم و القرفة عواد و العطرية و كوب ص ما ء
نشرملو به الدجاجة و نخليوها تشحر مزيان و نمرقو و نخليوها طيب
ونزولوها و نفتوها و عملو ليها قليل سكر و نخليوها جانبا
والمرق نعملوة فمقلات و نشحروة و نزيدو عليه القرفة مطحونة و السكر
ونضيفو البيض و حدة بوحدة و حنا تنحركو مزيان
ونخليوة يبرد
كيفية اللوز
اللوز مقلى و مطحون
ثم نضيف عليه باقى المكونات
المونطاج
تنحتاجو 2 قواب ايطار على شكل و ردة واحد اكبر من الاخر
ناخدو الايطار الكبير و ندهنو جوانب ديالو بالزبدة و نطلقو به الورقة مع مراعاة تتبيها فالجوانب لاخد شكل الايطار
ونعملو الطبقة الاولي لوز لاننا غادى نقلبوة لى لفوق غادى يرجع لتحت لانها متتلمطش باش تبقي قابطة الفورمة ديالها
ثم الدجاج
ويمكن لينا نفرقو ما بين الطبقات بورقة محمرة فالفرن باش متباقش خضرا من الداخل
ثم نعملو الدغميرة دالبصلة و البيض
ونجمعو الورقة للداخل مع الدهن بابيض البيض و نقطعو و رقة على قدر الوجة و نخطيو فيها الكل و لكن متخرجشى لى الجناب تبقة فالوسط
ونقلبو البسطيلة فلاطة لى ندخلوها للفرن
وندهنو الوجة ديالها بابيض البيض و نزلو الايطار الصغير فالنصف
ناخدو الورقة و نقطحوها لدوائر صغار ربما دائرة الماصابان و نعملوها على شكل و ردة او على شكل صاروخ و رقى لى كنا تنعملوهم فالصغر و ندهنوهم بابيض البيض و نتبتوهم فجوانب القالب
والفى السط نعملو بقايا الرقة مقطعي رقيقة جدا جدا بالمقص نتمني نكون عرفت نوصل الفكرة
وندخلوها للفرن طيب
ومنين تظهر ندهنو الجوانب لى خاويين بالعسل
ونزينوهم برقائق اللوز
والوسط رشوة بالسكر كلاصى و تقدم بالصحة
