نكت عن عيد الحب
مره واحد ماشى مع خطيبته واخر انسجام
فقالها : عارفه ايه هو الحب وايه الجواز؟
قالته : لا
قالها: الحب زى النجوم الجميله اللي في السماء.
قالتله : طب والجواز؟
قالها: دى البلاعه اللي واحنا بنبص على النجوم بنقع فيها
واحد متجوز وقاعد في البيت وبيبص كتير في عقد الزواج
مراته قالت له: بتبص في عقد الزواج ليه يا حبيبي؟
قالها: بابحث عن تاريخ انتهاء العقد.
واحد نشر في اعلانات مبوبه : مطلوب زوجة!!! تاني يوم جاله 100 جواب فيهم نفس
الرد: تاخد بتاعتي؟؟
واحد قاعد في امان الله بيقرا الجرنان، وفجاه جت مراته وضربته بغطا الحله فوق دماغه..
الزوج : فيه ايه يا بنت الحلال؟
ليه كدا؟؟؟
الزوجة: ايه الورقه اللي في جيب بدلتك ومكتوب عليها سوسو؟
الزوج: يا بنت الحلال، ده اسم الحصان اللى بنشجعه في السباق
الزوجه صدقته وراحت لحالها… بعد اسبوع، الزوج قاعد في امان الله يقرا الجرنان، وفجاه جت
مراته وضربته بغطا الحله على راسه!! الزوج: خير يا بنت الحلال في ايه تاني؟؟ الزوجة:
“حصانك على التليفون”
نساء العالم اتحدن وقررن ان لا يقوموا باي اعمال في المنزل
وبعد اسبوع تجمعوا ليعرفوا النتائج الاضراب..
فقالت الزوجه الفرنسيه : انا قلت لجوزي ميشيل انا مش هعمل حاجه في البيت الاسبوع
ده كله
وقالت : اول يوم ما شوفتش حاجة
تاني يوم ما شوفتش حاجة
تالت يوم بدا يغسل ويمسح
وقالي “انتي بتتعبي اوي يا حبيبتى”.
وقالت الزوجه الانجليزيه : انا قلت لجوزي انا مش هعمل حاجه خالص في البيت الاسبوع
ده.. اول يوم مشوفتش حاجة
تاني يوم بدا يعمل الاكل
تالت يوم عشانى وغدانى برة.
جت المصريه وقالت : انا قلت لابو العيال انا مش هعمل حاجه في البيت الاسبوع
دة
وقالت اول يوم ما شوفتش حاجة
تانى يوم ما شوفتش حاجة
تالت يوم بدات اشوف شويه بعيني الشمال.
مره واحده قالت لجوزها : اهدي يا حبيبى كده وارجع زي زمان الراجل طلقها ورجع
لايام العزوبية
