نكت جزائرية مقودة مضحكة

نكت جزائريه مقوده مضحكة

قالك مره واحد ديما تسقسيه صاحبتو: واش تغديت? يقولها: لوبيا .ديما هكا واحد النهار قالوا
صاحبوا: اكذب شوي قولها تغديت شواء . كليت كفته . تغديت بيتزا …..
ايا هذاك خدمتلوا قال و الله عندو الحق . الغدوى هذيك سقساتوا صاحبتوا: واش تغديت
? قالها :بيتزا قاللتلوا :واش مليحه (بنينة)? قالها : و الله كليت 2 مغارف شبعت

*************
قالكم مره كاين واحد الشايب مريض قريب يموت وهو على الفراش عيط لاولادو باه ينصحهم
وقالهم كل واحد يجيب معاه عصا صغيرة

ايا دارو عليه ولادوا وجابوا معاهم العصي عطا الشايب لواحد من ولادو 2 عصيات وقالوا
كسرهم ايا ولدوا حكم كسرهم زاد عطالو 3 زاد كسرهم وبقى يزيدلوا حتى
وصل ل 9 عصيات قالوا هاك كسرهم قالك حكمهم الطفل هذاك زاد كسرهم !!!شاف فيهم
باباهم وقالهم: روحوا يا ولادي مدام معاكم الجحش هذا ما نخافش عليكم
******************

قالك مره وحد الراجل متزوج زوج نسا وحده من ولايه ……ووحده من ولاية…… وهوما ماشيين
طريق طاحتلو السياره اونبان. نزلت الاولى وقالتلو شوف بالاك لابوجي بالاك
الموتور بلاك…بالاك..بالاك…قالت الثانيه كيفاه هذي تفهم خيرمني زعما تفهم في كلش راحت للراجل وقالتو ..يا
راجل شوف شوف بالاك نسيت البرمي علابيها
طاحه اومبان
**************
قالكم كاين واحد عندو الغنم بزاف بزاف بصح ما يصليش واحد المره جاه الامام
تاع المنطقه نتاعو وقالوا انت لوكان تزيد تصلي الغنم نتاعك يوليو الضعف
مالا هذاك السيد داه الطمع و عاد يصلي باه يزيد العدد نتاع الغنم وكل مره
يصلي يموتلوا
4ولا5والسيد صابر يقول ضرك يزيدو ضرك يزيدو حتى بقى ليه كبش واحد
فات عليه والكبش يقول بع بع بع بع بع بع بع ما حبش يسكت
دار عندو السيد وقالوا :بلع علي فمك تزيد تهدر نصلي عليك 2 ركعات نجيبك ميت

***********

قالك مره سائق الحافله دار اغنيه التيتانيك

ايا بداو الركاب يطيشوا رواحهم بانتلهم راح يغرق الbus
****************
قالك واحد جزائري لقى وحده مصريه قالها واش مدايرا في حياتك

قالتلوا :انا بقرا في الكليه (باللهجه المصرية)

قالها :انا ثور في السوناطراك
*************
قالك جماعه ……. لعبوا لعبه الاختفاء من 1962مازادوش ظهروا
***********
قالك مره واحد حلم فالمنام الحمار نتاعوا يهدر معاه قالوا روح تحت الشجره تلقلى 20
مليون
اديهم و اعطي للقاضي 5 ملايين بشرط كي تلقاني ميت ادفني فالمقبره نتاع العباد
فاق السيد من الحلم و ما صدقش راح تحت الشجره لقى 20 مليون دينار زاد
رجع للدار لقى الحمار ميت
ايا بدا ينفذ وصيه الحمار و دفنوا فالمقبره نتاع العباد سكان المدينه رفضوا هاذ الشىء
و شكاو بيه للقاضي ناداه القاضي و قالوا واش بيك تدفن الحمار نتاعك مع الموتى
نتاعنا حكالوا السيد الحلم وقالوا راني لقيت 20 مليون والحمار راه وصاني وقالي مد 5
ملاين للقاضي
القاضي ما صدقش و قالوا واش قال المرحوم؟
************
قالك هاذي ناموسه دور على واحد في الصيف تقلق فيه ايا ضربها طاحت داخت هزوها
صحاباتها دخلوها للعنايه المركزه جابت 3 ايام و هي في غيبوبه كي فاقت لقات
قرلو(حشرة) بالقرب منها شاف فيها القرلو و قالها : واش فليت? (مبيد) قاللتلوا:لا لا .
بشماق (حذاء)
**********
قالك وحد الخطره وحد السيد اشرى كبش العيد قبل عيد الاضحى بشهرين امالا كانت العائله
كلها تدلل فيه وتلعب معاه حتى انه ياكل معهم و ينام معهم في المنزل و
عشية
عيد الاضحى راح الكبش جبد روحو على العايله و بدى يبكي جات العايله سالتو واشبيك
تبكي قالهم ” قعدنا بلا عيد الناس اكل شراو الكباش غير احنا ”
***********
واحد ماعندوش الزهر، راح عند عراف لقاه مات ouuuf كيجا مروح حكموه فوباراج، قالهم الامير
لييديري عفسه شابه مانقتلوش، السيد تفكر بلي عندو 2 سرات،
قالو الامير (كان في bus) : انا و صاحبي قداه من سره عندنا؟ رد عليه:2،
قالو و لوكان تلقاهم 3؟ رد الامير مانقتلكش!!! قالو السيد لي ماعندوش الزهر oki و

نعتلو لقاه عندو 2 سرات زاد اللي راكب معاه نعتلو لقا ماعندو حتى سرة!!!!!!!!!!!!!! ياخي
زهر ياخي
**********
قائد الطائرة: الو، برج المراقبه هل تسمعني؟
برج المراقبة: نعم كابتن، نسمعك بكل وضوح.
قائد الطائرة: كاين ثقب في خزان البزين وراه فرغ و نحن على ارتفاع 10 الاف
قدم، واش نديروا؟
سكت اللاسلكي لحظات.. ثم:
برج المراقبة: كابتن، هل تسمعني؟
قائد الطائرة: نعم، بكل وضوح.
برج المراقبة: اوك، قول ورايا ” اشهد ان لا اله الا الله، و ان محمدا
عبده ورسوله
************
هادو زوج خاوه واحد منهم دركي وواحد حفاف, قال الحفاف لامه نوضيني بكري غدوة.. جات
امه نوضتو, غلط الحفاف لبس لباس الدرك تاع خوه وهو نعسان شاف
روحو في لمرايا وقال: هيه… قلتلها نوضيني نوضت خويا
*************
واحد دخل للملعب وهاز في يدو مغرف علاه؟…………………………حاب يحرك اللعب
************
كان يشاتي في الانترنيت مع فتاه قالها كيفاه اسمك كتبتلو فاطمه و حطت قدامها ورده
يعني (فاطمه الزهراء) هو واش كتبلها ……le pere vendredi (اسمه بو جمعة)

***********
قالك زوج دخلوا للمطعم واحد غني و الخر فقير الغني طلب اكله باللحم والفقير طلب
صحن من الفول ايا الفقير بدا ياكل بسرعه شاف فيه الغني و قالوا قول بسم
الله باش
ما يكلش معاك الشيطان دار عندوا الفقير وقالوا واش بيك الشيطان يخلي اللحم و يجي
ياكل الفول
************
قالك زوج جيران واحد غني و الاخر فقير. الفقير عندوا المصباح السحري كل صباح يمسحوا
يخرج العفريت يقولوا شبيك لبيك اطلب كل شيئ بين يديك الفقير يقولوا
اعطيني كاس شاي شافوا الغني و حسدوا على المصباح السحري و بغى يديلوا المصباح قالوا
نعطيلك الفيلا و السياره واعطيني المصباح الفقير قبل بالمقايضه . مسح
الغني المصباح وخرجلوا العفريت قالوا شبيك لبيك كل شيئ بين يديك قالوا بغيت فيلا على
شاطئ البحر قالوا العفريت اسمحلي خويا نسربي غير الشاي
***********
قالك واحد جزائري راح للبحر لقي ليوناردو ديكابريو قالو واش يا روج مازلت ماشهمتش
*************
خابط واقف قدام داره سالو شرطي
انت من اهل البيت ؟
رد عليه الخابط(السكران)
لا انا من كفار قريش