كيفيه عمل طاقيات كروشيه للاطفال
للاطفال 4 سطور
للبنات والاولاد 5 سطور
للمراه 6 سطور
للرجل 7 سطور
يتبع ان شاء الله
شرح الباترون
بالبدايه نسوي 6 سلاسل ونختم بمنزلقه .
1 : نرتفع 3 سلاسل بمثابه اول عمود ونسوي 12 عمود في الحلقه راح يصير
عندنا 13 عمود .
2 : نرتفع 3 سلاسل ونسوي على كل عمود عمودين وباخر غرزه عمود ونختم بمنزلقه
.
3: نرتفع 3 سلاسل 2عمود فوق العمود الثاني عمود فوق العمود التالي 2عمود فوق العمود
التالي ويكرر ونختم بمنزلقه .
4 : نرتفع 3 سلاسل عمود بالعمود التالي عمودين بالعمود التالي ونكرر ( عمود عمود
عمودين )ونختم بمنزلقه .
5 :نرتفع 3 سلاسل عمود بالعمود التالي عمود بالعمود البعده عمودين بالعمود التالي ونكرر (عمود
عمود عمود عمودين ) ونختم بمنزلقه .
6: نرتفع 3 سلاسل فوق كل عمود عمود .
الان نبدا الورشة
السطر الاول : نسوي دائره من 5 سلاسل ونغلقها بمنزلقه وبداخلها نسوي 16 عمود بلفة
السطر الثاني : 3 سلاسل بمثابه اول عمود وفوق كل عمود عمودين بلفه .
السطر الثالث : 3 سلاسل بمثابه اول عمود وفوق كل عمود مره عمود ومره عمودين
( عمود عمودين وهكذا )
السطر الرابع : 3 سلاسل بمثابه اول عمود ونكرر مثل السطر الثالث .
السطر الخامس : 3 سلاسل عمود بالغرزه التاليه سلسله ونترك سلسله من السطر السابق 2
عمود بالغرزتين التاليتين ثم سلسله وهكذا للاخير ( عمودين سلسله عمودين سلسله ).
راح تبدا بالتقوس
السطر السابع : نمشي بغرزه منزلقه فوق العمودين حتى نوصل لاول فراغ نسوي 3 عمود
بلفه ثم سلسله وفي الفراغ الثاني 3 عمود وسلسله وهكذا لنهايه السطر .
نكرر هذه الخطوه مرتين بس بالبدايه نمشي منزلقه فوق اول عمودين مثل ما عملنا بالسطر
السابع .
السطر العاشر : نعمل داخل كل فراغ 4 عواميد وسلسله حتى السطر 13 والسطر 14
نسويه بغرزه الحشو على طول السطر نقطع بعدها الخيط الابيض ونبدي بلون ثاني .
راح نسويها بغرزه الاكس المزدوجه وهي ( نسوي 3 سلاسل بمثابه اول عمود ونترك اول
غرزه حشو بالسطر السابق ونسوي عمود بالغرزه التاليه ثم عمود اخر في الغرزه التاليه وبعدين
نرجع نسوي عمود في الغرزه الي تركناها ونقفله قفله واحده بتكون عندك 3 بكلات
على السناره تسحبي واحده وتخلي اثنين على السناره ثم تعملي في العين الخارج منها ال
3 سلسله بمثابه اول عمود اخر وتقفاي العمودين معا وبعد ان نكمل السطر نقطع الخيط
ونربط الخيط الابيض ونسوي السطر بغرزه الحشو مره اخرى .
الان راح نسوي اخر جزء ( الكشكشه )
نسوي غرزه حشو باول السطر 3 سلاسل نترك غرزتين حشو من السطر السابق وبالغرزه التاليه
حشو وهكذا لنهايه السطر (حشو 3 سلاسل حشو ).
نبدا السطر بعمل 6 عواميد بال 3 سلاسل من السطر السابق غرزه حشو بال 3
سلاسل البعدها يعني ( مره حشو ومره 6 عواميد ) .
السطر التالي عمود فوق اول عمود من المروحه ( الي فيها 6 عواميد ) وعمود
في العمود الثاني وعمودين فوق العمود الثالث وعمودين فوق العمود الرابع وعمود فوق العمود الخامس
وعمود فوق العمود السادس بس ما نقفله غير قفله واحده ونتلرك فوق السناره خيطين ونشتغل
فوق المروحه الثانيه عمود ونقفلهم معا .ونكمل باقي عواميد المروحه مثل الاولى يعني اخر عمود
بالمروحه الاولى واول عمود بالمروحه الثانيه ينقفلوا معا
السطر الثالث من الكشكشه نفس السطر الثاني بس ما راح نشتغل على العمودين الي قفلناهم
معا راح نشتغل فوق العمود الي قبلهم مع العمود الي بعدهم وينقفلوا معا ايضا .
التكمله لاخر سطر نترك اول عمود من المروحه من السطر السابق ونشتغل فوق العمود الاول
عمودين ثم بالثاني عمود وبالثالث عمود وبالرابع عمودين ونترك الاخير ونسوي غرزه حشو فوق الغرزه
الي تجمع العمودينالي اشتغلناهم معا بنهايه المروحه وهكذا يكرر نقطع الخيط الابيض ونشتغل باللون الثاني
داير القبعه بغرزه الحشو ونسوي الورود.
هذا باترون الوردة
