كلمات قصيده ريم حصري جدا
فتاه اسمها ريم شافت حبيبها في السوق بعد انقطاع خمس سنين قالت
بعد خمس سنين مريت
انا بالسوق وشفته
صدفه جابتني لدربه
من بعد خمسه سنين
والله اني من سمعتنه
كلم البايع عرفته
التفت
بلهفت اللي حيل مضنيها الحنين
لكن بيديه بنته
ومعه ام البنت تمشي
شابكه فيه اليدين
وقتها دارت بي الدنيا وحزني ما احتملته
حارت دموعي
واواسي نفسي يا ريم اليقين0
وصرت افكر
يعني يعرفني مثل ما انا عرفته؟
والا ناسي قلبي
اللي ما رضى بغيره ضنين
دق جواله
ونزل من على الاحضان بنته
وركضت بنته ونادى ريم لا لا توقعين
قمت اناضرها
ودمع احتار بعيوني ذرفته
استوت هالدنيا عندي
عادي لو موتي يحين
انحنيت ابوس ريم
وخدها الايمن لمسته0
التفت لي وقال لي
يا هيه فيها وش تبين
قمت اتجاهل
واسوي نفسي كني ما سمعته
قال:يا اختي
ابعدي عنها ولا تستهبلين
ويوم قرب لي
بعيني من ورا البرقع خزرته
وانكسر صمتي
وقلت :الله ع الدنيا يعين
طاح جواله
تلعثم قال:انا بحلمن حلمته
والا واقع
فهميني ليه عني تبعدين
ليه عني ما سالتي
وانا هذا الكون بعته
لجل عينك يا عيوني
وما اضنك تجهلين
انا من بعدك يا ريمي
حتى طاري العرس عفته
ناظري فيني
وشوفي كيف من بعدك حزين
والله اني ما انام الا وماضينا ذكرته
انتي وحدك
من جعلتي قلبي القاسي يلين
اقسم بربي
غلاك بيوم ما عمري جحدته
ما التفت لبنت غيرك
ما سمعت العاذلين
ما سهجت دروب غيرك
دربك اللي بس سهجته
وش اسوي
لجل كلامي تصدقين حتي
شوفي
هذي اختي تشهد بصدق اللي
قلته
وهذي طفلتها
علي اسمك اسمها وتستاهلين
صدقيني ما نسيتك
حبك الصادق حشمته
حتى حرف الرا ء منك
باقي له باذني رنين
قلت انا والله صنته
حبك الله كان
اصفى من ورود الياسمين
كم طلبني واحدن غيرك
وانا لجلك رفضته
وكم تحملت الغثا
واسمع شماته شامتين
وكم لجل عينك
بكيت وحتى ليلي سهرته
حيل ذابحني غيابك
وفرحو بي الحاسدين
وانت تدري
بان حبي ما ابالغ لو وصفته
بانه اصدق حب
يحصل في حياه الصادقين
قال لي:ريم
ربي يشهد بدمع نثرته
ويشهداني وافي لحبك
ولاسرارك امين
ارجعي لابوك
قولي:نصفي الثاني وجدته
واحتريني
جايبن مهرك ودبله باليمين
ابتسمت
وقلت في نفسي
حرام اني ظلمته
ثم طلعت من المحل
والفرحه بعيوني تبين
وقمت اتمتم
في طريقي
هذي اخته
هذي اخته
اه يا زين الوفا
الا صار بين العاشقين
