كلمات عن اللهجة السعودية العامية , ابرز كلمات السعودين بلهجتهم في العامية

كلمات عن اللهجه السعوديه العامية

كلمات عاميه ..ومعانيها..

الدلخ :

وهذاا انسان غبي جداااا.ويرفع الضغط ….وينرفز ….

واكثر من يعااني منه المدرسين ….واهله.
المنسم :ذلك راجع الى تهريب الهواء من راسه و السبب

في ذلك هو ان في راسه فتق لذلك تلقاه دايم يغطس راسه

في سطل مويه عشان يعرف من وين التنسيم .
المهوي :

هو مرحله متاخره من التنسيم و المهوي وصل لمرحله متاخره جدا

بحيث يفقد اهله الرجاء منه …
الشخر المخر او ابو مشخر ! :

من نفس فصيله المنسم !
السلنتح :قليل الادب
جحلط ( بتشديد اللام ) :

وهم مرحله متقدمه للسلنتح
مزلب :يعني بايعها بتراب !
مسفح :

يعني طاير في العجه وهو ما عنده ما عندي جدتي

يعني بالعربي الفصيح من جنب العارضة
الصتيمه :

وهو الشخص اللي ماعنده ماعند جده جدتي …!!…

ويصدق اي شيء يقال له
المسبه او المسبوه :

هو الشخص اللي يكون مروع في صغره لدرجه انه يصبح شبه فاقد للعقل …
الفاهي :

هذا الله يخلف مهما تقول له او تصارخ عليه تلقاه فاتح فمه و بس

و اذا كلف عمره و تفاعل معك رد عليك و قالك : هه …
الحقنه :

هو الشخص الغثيث اللي ما يفكك لين تعطيه اللي يبيه منك

و مهما تسوي له عشان تصرفه عن الموضوع حقه ينشب في حلقك

لين ياخذ منك اللي يبيه , وهذا يفسر قول العرب : اغث من حقنه !!….

العله :

هذا اللي ما تاخذ انت منه اي شيء و لا عنده استعداد

انه يسمع منك مهما حاولت وهو كالمرض يعلك لين تنفقع مرارتك منه……
العربجي :

يظن معظم الناس ان العربجي هو الشخص الشديد

حق المشاكل و اللي ما يمشي الا وهو مشخص ببنت البكار

( اسم لطريقه لبس الشماغ عند العرابجه )

و حاط مفاتيحه في سلسله و لا بس نعال سجاديه و يسحبها تسحيب

لين جاء يمشي و دايم فاتح صدره و رازه على فوق

و كانك ولد ابوك قله شيء بس .

لكن في الاونه الاخيره ظهرت اشاعات تقول

بان العربجي هو اللي يسوق ال….(الله يعزكم)

لكن صرح مصدر موثوق من عائله العرابجة

بان هذه اشاعه مغرضه اطلقها عليهم احد الخكاري…
الكحلي :

يطلق مسمى الكحلي على ذوي البشره السمراء

و لان ذوي البشره البيضاء مساكين ما عندهم لقب احتجوا

عند الامم المتحده مطالبين باللون الفضي ….
المرجوج :

هذا ما عمره صلح شيء صح في حياته ما يمديك تفتح فمك

الا و طار في العجه بدون ما يفهم وش السالفة

و الارتجاج الحاصل له يختلف تماما عن مشكله المسبه او المسبوة

حيث يكون الارتجاج هنا نتيجه صدمه و ليس نتيجه روعه .
المطفوق :

من فصيله المرجوج …

الا ان مايميزه هو انه اذا مر من عند كاس او جيك او ابريق او
اي شيء

فيه سائل لازم يكبه ( اي يسكبه ) برجله وهو مايدري ،،

ولا تخليه يمر بجنبك وانت معك صينيه فيها بيالات لانه لازم يطقها بيده او بكتفه
..!!

ايضا لاتخليه يصب قهوه لضيوف لانه لازم يكب القهوه على ثوب واحد منهم..!!!!!…..
السربوت :

هذا اللي ما يخلي مكان ما يروح له

و قد كان الاولين يطلقون لقب السربوت على من يشرب الدخان

لكن الحين الله يخلف الناس تدخن بيديها و رجليها و لحد يقول لهم شيء.
السمرمدي :

وهو من نفس فصيله السربوت.
الداشر :

هذا قليل الادب و لا يحب يماشي الا السرابيت

و اذا قيل فلان دشر فلان اي خرب اخلاقه لكن في الاردن

الشقيق كلمه دشره تعني اتركه..
الملكع :

اما هذا فيعرف حتى السكني (اي الجن )

و مقطع السمكه و ذيلها و مهما تحاول تلف و تدور معه تراه

فاهم و عارف وش تبي بالضبط فلا تتعب نفسك .
زعيط :

مسوي نفسه يفهم في كل شيء وهو من جنب العارضة.
المصرقع :

هو كل شخص ما يهمه شيء و اللي يطري على باله بيسويه

لانه ماخذ الدعوه سعه صدر و هبال …
المفلت :

هو كل شخص ما تقدر انك تامنه على شيء

لانه مهوب تكانه و يتميز بكل انواع الاهمال و التطنيش….
الخكري :ببساطه الخكري = نعومه + دلع

الل:

هذا الشخص اللي على طول معك وقدامك ووراك وكل شي

وتطلع مع الباب تلقاه تركب في السياره تلقاه يطق القزازه وهاكذا.

الزنقبي :

(بتسكين النون وضم القاف ) يعني العزوبي.

الصديع :

اي كلمه في راسه يطلعها ولا يتنباء بافعاله سواء كانت صح ام خطء .
الجنط :

من فصيلت الدلخ.

المريوح:

هذا اللي نفسه شينه .

الزااااااحف..

انسان اخذها عرض مبسوط ويبسط من حوله سريع البديهه ولايفوته شئ..

والخرس..

من نوع الكمخه والفاهي يقول ايه وهو مايدري وش السالفه..

الطبله

..باااااااااارد من كثره الغباء..

الارفل

..من نوع المطفوق يعني لاتقرب له ولاتخليه يقرب لشئ وخصوصا الاعمال الدقيقه لانه ماينفع فيها..

المسلس..هذا المسكت واللي ماتدري وش وراه تشوفه تقول اتلى الاجاويد وهو وراه بلاوي..

الرجه..مصرقع مايجي بمكان الا ويرجه بصوته على غير سنع..

المسكت

..هذا اللي مابعده مسكت بتشديد الكاف..

المهفه..

هذا كلمه توديه وكلمه تجيبه..

اللوح..

يعاند على غير سنع..

الكرتون.

.تحسه غبي على السليقه لاتكلمت معه تقول من وين جاي هذا..

الشراره..

هذا مايجي بمكان الا والمصايب وراه يتسبب على من حوله بالقرادات..

المقرود..

كل شئ متسلط ضده يعني مقرود حظ

الاصلي..هذا من نوع المسكت..

الصل..

هذا صاحب اللون الاسود بس مو اي اسود ..اسود اسود صح..

المنتهي..

مابعد النهايه شئ بايع كل شئ لو تقوله اي شئ ماقال لا..

القاضي..

حول المنتهي ماهو بعيد عنه يعني تقول من عيال عمه..

الخالص..

حول الدعوى ولد خالهم..

المولي..هذا يقرب لهم بس من بعيد شوي..

المدحدر..

هذا من عيال جيرانهم حاول يحتك بهم طردوه
المطنوخ..

هذا تحطه على يمناك يعني تعتمد عليه..

الاكه..هذا اللي تصرفاته صح ويعلمك وش تسوي لاتوهقت بشئ..

الداج..

داج وش معناها يعني ؟؟ داج بالمال والتفكير يعني الله يخلف..
القفل..

هذا اللي مافيه امل يفهم لو تقعد تشرح له من هنا للسنه الجايه..

الطرمبة

من فصيله الدلوخ

الفدغ او الافدغ ……
من يحاول يستخف دمه ويبيك تضحك غصبا عنك
واذا ما ضحكت من بلاهته يضحك هو الين تحس ان الشي اللي سواه من اجد
مضحك

• كلمات من اللهجه السعوديه