كلمات اغاني سودانيه طرب
انا في التمني – غناء خلف الله حمد
كلمات ود الرضي
انا في التمني ديمه هديلي ساجع
ما لقيت لي مغيث ولا لقيت لي مراجع
داير اشوف حبيبي اليوم داك شفته رايق ودمعه ناقع
اسود شعره حالك اما صفاره فاقع
تتلاصف خدوده لا حجاب ولا براقع
اشوف لعسو ونواعسو جل الباري صانع
اشوف في خده شخصي وفي صدري المضارع
يفر خيت بسمه برقا ليله هاجع
يرفع لي رشاشه يسبل نظره واقع
داير اشوفو غافل وداير اشوفو جاذع
يتغطى بي سواعده ومحنو كان واجع
يردد لي نغيما تشتاق لي المسامع
اعاين فيه واضحك واجري واجيه راجع
متلاعب ليس الا ما موضوع مطامع
اقيس بالليل شعره القى الفرق شاسع
دي ما بيلقاها زول زي صيده ناجع
يا قائد الاسطول
كلمات سيد عبد العزيز
يا قائد الاسطول تخضع لك الفرسان
ياذو الفخار والطول ارحم بنى الانسان
مين لسماك يطول ما يطولك اللمسان
معناك شرحه يطول والله يا انسان
اصدق كفانا مطول ياذو الحسن احسان
انا عقلى بيك مختول والناس عقول ولسان
ما بنكر المعقول امنت بالايمان
بالطلسم المصقول بدل لخوفى امان
بالنور سحرت عقول كانت صميمه زمان
يا من تحق القول قتل النفوس حرمان
وما الجندى والمكتول و طالب الغفران
من ايده راح منتول واتوهد النيران
فاقد الصواب مبتول مما راى حيران
اصبح زهر مشتول وفاح ملا الجيران
يا عله المعلول كم اومى ليك بنان
كم من اسير مغلول مالاقى فى لحظه حنان
يرى وعدك المحلول زى حجه الوسنان
والكان سكونه تلول ما ببدلهم بجنان
يا حبيبي كون ممهول وليكون ماكان
الفى غد مجهول والماضى اسمه الكان
نفديك شباب وكهول ونبقى ليك اركان
فى حبك الماهول ونخدم السكان
يالفى سماك مفصول تنشاف عيان وبيان
ما عرفنا ليك وصول وما دنيت احيان
انت الخطاك اصول يعلم الديان
مثلت فينا فصول ما بدرسها النسيان
انت حكمة
الشاعر محمد علي عبدالله” الامي”
انت حكمه انت ايه ولا انسان
انت صاحي ولا نايم
ولا طرفك من طبعو نعسان
انت راحي انت روحي انت انسان
عيني يا صاحي وانت احسان
انت نادى انت هادى وانت ميسان
انت ظافر انت ضافر اسود وفرسان
انت شادن انت لادن انت فتان
انت ضامر انت سامر انت هتان
انت نادر انت ناضر انت بستان
انت صافى انت نافى زور وبهتان
يا حياتى يا مماتى هاك سطران
الصبابه ومر عذابها وقلبى اقران
وانت ساهى انت لاهى انت بطران
يا صفائى يا وفاى هاك برهان
عن غرامى وطول هيامى السابنى ولهان
عز قربك اما بعدك ماله لى هان
قلبى خافق هل توافق قدرى ينهان
يا حبيبى كن طبيبى امرى حيران
طول نهارى ثم ليلى ساهى سهران
طال عذابى وصاح غرابى جوى عكران
دمعى هامى وشوقى نامى وفرشى نيران
انت حالى انت عالى انت سلطان
انت ساطع وانا ساجع بى غناك طان
طال انينى وفاق حنينى الحان لاوطان
واليلومنى فى هواك يا سيدى غلطان
للراحل سيد عبد العزيز مع قصيده انه المجروح
يا انه المجروح
يالروح حياتك روح
الحب فيك يا جميل
معنى الجمال مشروح
للحب زناد فى الجوف زى الزناد مقدوح
منه الجبابره تلين لصوت بلابل الدوح
وتصاحب النسمات تفضل معاها تروح
بين نغمه الاشواق ومحاسن الممدوح
الناس تحب رؤياك بالخاطر المشروح
يا ملفت الانظار يابسمه المفروح
وانا اهدىليك الحب حب من فؤاد مجرود
حب الشحيح للمال حب الجبان للروح
سوريه فى السودان بحبى ليكى ابوح
عنب جناين الشام اتمنى منه صبوح
وانشد فؤادى الضال بين الرياض مذبوح
وارى الهلال فىظلال تلك الخميله يلوح
انا لو ضمنت رضاك اكون سعيد ممنوح
يا من تسر رؤياك تفرح وتنسى النوح
تكسى النهار بجمال خديك جمال ووضوح
منه الغزاله تقيف فى موقف المفضوح
من الوله للقاك دمعى الغزير مسفوح
ناقم على الايام مع انه طبعى صفوح
انا والخيال فى جدال وانت بنداك منفوح
كل ما النسيم يغشاك زى الحديقه تفوح
رايق كحيل نعسان انسان رقيق وجموح
ساحر العيون بجمال فى سواك ما مملوح
ان كان تميس بنميس ان كان تموج بنموج
