كلام من روايات امل مجروح , من احلي العبارات المعبره

كلام من روايات امل مجروح

احبتي ..اخياتي الصغيرات عمرا والكبيرات قدرا..
اتقدم بخطى متعثره خجلى..
ل اضع بين ايديكم سطور متواضعه ل اقصوصه ..اتمنى ان تنال اعجابكم ..
لا تبخلوا علي ب انتقادكم قبل مدحكم ..
:
:
اهداء
(1)
لحبيبتي ..اختي الصغيره وابنتي الكبيره ..
ل من قرات سطوري قبل ان تظهر للعلن
ل من اصرت وطالبتني باكمالها واظهارها للنور
ابنه اختي الغاليه ” ن ”

(2)
ل الحبيبتان ..
المشاكستان ..صاحبات اغرب عداوه في الحياه

همسه ” فروحه ..هي ..المساند الثاني والمشجع ل ولاده ابنتي بين يديكم ”
(3)
لكل بنات ال مقلط ..
امنياتي للكل بقراءه ممتعه ومشوقه

:
:
:
:

[[ وريقات.. الم .. تنبض.. ب الامل ]]

:: ال ورقه الاولى ::

~ ~ مواقف ’’’ لاتنسى ~~

اذا لم تستطع ان تنظر امامك لان مستقبلك مظلم
واذا لم تستطع ان تنظر خلفك لان ماضيك مؤلم
فانظر الى الاعلى تجد ربك… تجاهك
ابتسم.. فهناك من..
يحبك.. يعتني بك.. يحميك
ينصرك.. يسمعك.. يراك
انه.. الله
ما اخذ منك الا ليعطيك
وما ابكاك الا ليضحكك
وما حرمك الا ليتفضل عليك
وما ابتلاك الا لانه يحبك

:
:
:

~~ الساعه 10 الصباح في مكتب شركه ال …للتجاه والمقاولات ~~

يا الله وش السواه اللحين انا اجلت سالفه العرس بكل الطرق وعمري قده بيصك الاربعين
ومالقيت لي حل والعجوز جننتني ببكاها ..[ تذكر شكل امه وجدته ]

السلام عليكم ..يا الله صبحهن بالخير ..
ويدنق غانم على راس جدته وامه
وينتبه لعيون امه اللي محمره وجدته تمسح عيونها بطرف ملفعها ..

جر دله القهوه من يد امه قال افا وانا ولد راشد تصبينها علي لا انا
اللي اقهويس انتي والشيخه ام راشد
ويمد الفنجال لجدته ثم لامه
اقول يا ام راشد علامها عويناتس انتي وام خالد عسى مابه خلاف
هنا انفجرن الثنتين يبكن
ارتاع غانم ما عرف يسكت من فيهن قام وحب راس الثنتين وايدينهن قال افااااا ياذا
العلم وش فيكن يا تاج راسي ليه وش الجاري

رد بصوت ثقيل وجاد …وش العلم يمه …كملت الجده اليوم الفجر اخوك خالد جا عليه
ولد وسماه غانم قطع عليها وهو يبارك بفرحه لكن كلمت جدته جمدته وجمده الفرحه /

كل اخوانك شفنا عيالهم حتى اخوانك وخواتك اللي اصغر منك وانت قد الشيب خاط عارضك
ولاهامك شي تبي تسوي مثل جار عمك اللي كلاه الخلا ولا نفعه لا ولد اخو
ولا ولد عم تدري وش قومه قومه يومنه خبل همل عمره ولا اعرس يجيب له
ولد ولا بنت يقوم فيه ولا يرد عليه الصوت

قام غانم وهو متكدر من ذا الاسطوانه اللي ماتنتهي وتزيد مع قدوم اي مولود لاخوانه
ولا حتى لعيال عمه
امه تناظره بعين رجاء
الله يرضى عليكن ماله داعي ذا الحزن والبكاء وعيال خالد وعامر عيالي ..

قالت امه والله ياغانم لوتبي عبده ولا هوليه انا راضيه بس تعرس ..هنا انفجر غانم
من الضحك قال افااا يا ام خالد ارخصتي بي …ثم كمل بعد ما تنهد بوجع
..وانتي اللي عيتي على اللي بغيتها …دنقت امه وهي تبكي .. حب يدها وقال ماعاش
من ينزل دمعتس قومي فديتس انتي وامي سارا اوصلكن على دربي لمره خالد ومنها ابارك
لخالد
رده ام راشد وهي ضايقه احر ماعندهن ابرد ماعنده …مانيب رايحه معك ..افااااا ام راشد
حمسانه …قعد جنبها وقام يغط رجيلاتها ثم دنق يحبها قال يمه الله يرضى عليس خلي
مني الزعل وابشري انتي وام خالد باللي يرضيكن

انتبه من تفكيره … ااااااااه اللي يرضيهن صعب …ولا احد بداري بعلتي …مسح وجهه وتعوذ
من الشيطان ..وهو يتمتم يا الله انك تفرجهامن عندك ..لا اله الا انت سبحانك اني
كنت من الظالمين ..
والتفت على الانتركم يكلم السكرتير يجيب له ملفات المناقصه الجديده
ورجع التهى بشغله لعل وعسى ينسى او يتناسى مثل كل مره ..
:
:
:
:
:

~~ مدرسه …الثانويه …غرفه المدرسات ~~

امل فاتحه اللاب توب تعدل بعرض الدرس ومنيره جنبها تسولف كعادتها عن بيتها وعيالها وتشتكي
وامل مصغيه لها مع ترتيبها لدرسها

امل تضرب هيا على كتفها تقول ابي اعرف اللحين ماعادس بزر تنطين من الطاولات مايسوى
علينا انس مدرسه رياضه الله يعين ابو ناصر عليس
رده هيا ماعليس ابوناصر عاجبه ولا وازيدس انط انا واياه كل صبح العبه رياضه فتحت
امل عيونها بروعه وهي تقول انتي ماتستحين على ذا الحكي …..هههههههههههههههههه منيره وهيا ميتين من
الضحك على شكل امل اللي مستحيه من مجرد ذكر وحده منهم لزوجها ولا لسوالفهم معهم

ترفع منيره يدها وهي تقول يا الله يا امل جعل دور ذا اليوم تبشريني بملكتس
على اللي يستاهلس وتكمل بصوت واطي وتفتكين من الهم اللي اشوفه بعيونس حتى لو ماتكلمتي

ضحكت امل بوجع وقالت الحمدلله خليها على ربس ..والرزق بيد الرزاق مهوب بيد البني ادم
…وقفت مع رنه الجرس وهي تقول زين با الله جننتني وانا ماخلصت عرض موضي بتاكل
قلبي ذا اللحين يا الله بقوم لثالث جعل مابه ثالث ..وشله اغراضها متجه لمعمل العلوم
..
منيره بهمس ل هيا ..تدرين امل رغم هاله السعاده اللي تحوط نفسها بها والابتسامه اللي
ماتفارق محياها الا ان نظرتها كلها حزن ..ومع ذا عمرها مارده احد جاها يشتكي ولا
يطلب نصح اااااااه جعل ربي يزول ذا الحزن تنهدت هيا اااااااامين تدرين ما ارتاحت لا
وهي بنت ولا يوم اعرست وزود على ذا ترجع مطلقه عقب شهرين وكلن يحط اللوم
عليها وهي ساكته ماتبي تذكر الرجال بشي لازين ولا شين
تدخل العامله الغرفه ابله هيا ..الاداره طالبتج ..قامت هيا وهي تتافف ابي اعرف مابه الا
هيا بذا المدرسه يعطونها حصص احتياط

~~ جامعه قطر …قسم الاداره والاقتصاد … “الكفتريا”.. ~~

ريم ونوره قاعدات يفطرن ومها مقابلتهن تراجع من ملزمتها لاختبار ماده الاقتصاد ..
نوره تدرين البارحه سمعت امي تقول لابوي كلام عن عمتي امل يشيب الراس رده نوره
اااااااااحسن ليت الله يفك امي منها دامها مضيقه على امي ..رده ريم بس والله انه
حرااام اللي انقال وكان ودي اني طلعت وقلت لابوي مهوب صدق اللي قالته امي بس
عقب قلت امي بتضيع فيها وبنتشتت …ايدتها نوره اااااشوى انس ماطلعتي كان بتغضب عليس امي
ولا ابوي سوى شي بامي ثم بتندمين طول عمرس وتدرين عاد ان الام رضاها وااااااجب
وتمط الكلمه بدلع
انتبهوا على مها اللي نزلت ملزمتها وهي تقول انتوا ماتخافون الله في عمتكم
وش سوه لكم ولا وش سوه لخالتي عشان تحرش اخوها عليها
ماتخافون الله يبلاكم ……….رده ريم بدفاع وهي تشر بالشوكه عليها وانتي وش عليس منها عمتس
ولا عمتنا ثم اللي امي ماتحبه ماااااااانحبه قاطعتها مها هذا معناه انس امعه… تشر باصبعها
بكل قهر لها ..يعني انتي با الله ماتشوفين اللي يصير وتدرين من الظالم ومن المظلوم
عمتس اللي مثل البلسم قطعتها نوره وهي تحط رجل على رجل وتكتف ايدينها ..دلاله على
عدم رضاها بكلامها وانتي وش دراس بها ماعاشت معس ولا عاشرتيها
لا والله يانوريان نسيتي وش كانت تسوي لس وانتي بزر وحتى يوم كنتي بنفس المدرسه

كيف كانت تراعيس وتحل مشاكلس وبلاويس ..نسيتي ياريم يوم جيتيها وانتي نازفه من العاده (
الدوره الشهريه ) ولابه احد يجي ياخذس للبيت ..تقاطعها ريم افففف منس اسكتي قالت لا
مانيب ساكته لاني كنت موجوده وتمنيت عمتي مثل عمتس من غير قصور في عماتي.. تذكرين
يوم لبستس عباتها وودتس لمعمل الخياطه ودخلتس الغرفه الصغيره وخذت منس تنورتس اللي كلها دم
تقطر على كبر مقعدتس وحتى لبسس الداخلي الوصخ وراحت بها لمعمل التدبير تغسلها على يدها
ولا تاففت منها ورجعت تكويها لس وش جزاها اللي حتى ماذكرته قدام احد ولا انتظرت
منس مدح ولا شكر لكن ما اقول الا الله يعوضها خير وحسافه قعدتي معكن يالجاحدات
وعادكن بتشوفن عواقب سكوتكن عن الحق
وقامت مها وهي ماتشوف الطريق وهي تستغفر …

:
:
:
:
:
~~ بيت عوجان ..ابومحمد …~~

~ غرفه ام عوجان ~~
تدخل امل جايه من دوامها وادنق على امها المنسدحه بفراشها ..وهي تمسيها بالخير
ام عوجان تفز من هوجاسها ” سرحانها ” ..مرحبا وش وخرس يا امل؟ ……ردة.. امل
والله قومي زحمه الطريق وفيصل الله يهديه جنني يبي يمر الدكان ..تدخل مريم ..ايه تعذري
بولدي لا تاخرتي يعني انس البريئه ..سفهتها امل وهي تقول ل امها… يمه بروح ابدل
واريح قبل العصر تامرين بشي ..ايه خلي خديجه اجيني ..ردة.. ابشري …ومريم محترق دمها من
اسفهان امل لها …وطلعت قبلها صوب المطبخ ..امل تمشي وتضحك في خاطرها الحمد لله سبحان
اللي جعل الغنى غنى النفس
تدري ان مره اخوها رايحه تخب تغرف الغداء لعيالها وتخش الباقي في حرارات وتوديها غرفتها
عشان ماتخلي لها شي ههههههههههه الحمدلله ترفع نظرها فوق وهي تردد في نفسها يا الله
انك تغنيني بحلالك عن حرامك ..وبفضلك عمن سواك
:
:
:

~~ مستشقى الولاده الدور الخامس الغرف الخاصه ~~
الوقت ..{المسيان} …قريب المغرب ..

العامل يدق الباب تطلع له سوناتي وتاخذ باقه ورد على شكل قارب وبوسط القارب الكبير
مثبته شوكولاتها من باتشي …رفعه تطلب من خدامتها البطاقه لكن نجلاء نطت قبل سوناتي تشوف
البطاقه ..{ مبروك عليكم قدوم غانم جعله يغنم الخير والله يرزقكم بره
غانم بن راشد}
يمه من عمي غانم لبى قلبه الزين والغالي مايجي الا من الغالي رده رفعه الله
يكثر خيره مايقصر خيره عام الكل… ويسمعون دق على الباب وبدال مايشوفون مودمي يدخل عليهم
الا بعصى ام راشد تدف الباب بها ومن وراها ام خالد اللي ماجن الصبح من
كثر بكاهن…..نجول تسلم على جداتها …وتسند ام راشد وهي تقول لها جدوه عصاس المفتاح السحري
هههه..طالعتها العجوز بنظره نقمه ..يوم شافت العجوز مهيب متفيقه لتغليساتها..تداركت الموقف .. وحبت خشمها ..
فديتس وفديت عصاس …. عقب ما ادخلن وسلمن قالن لرفعه تغطي غانم بيسلم عليس …نطت
نجلاء للباب تقول هلا والله بتاج راسي وعزوتي هلا بابوي غانم …ضمها غانم اللي عاد
عيال خالد عياله قال لبى قلبس يانور عيوني ..وسلم على رفعه وهناها بالسلامه …نجول جيبي
غنوم ..رده ابشر على خشمي ….. عليه الشحم… نجلا اتكلم الصغير وهي جايبته الله ياغنوم
بتاخذ الغلا وبيطيح كرت نجول واخوانها عند ابوي غانم ضحك غانم قال غلاس ما احد
يجاريه حب غنوم وسال رفعه خالد اذن في اذنه قالت لا والله وصانا انه ما
احد يذن في اذنه الا انت ..اذن في اذن سميه واقام في الثانيه وحط ظرف
في مهوده ثم قال لهم يا الله ارخصوا لي ..التفت على امه تبون ارجعل لكم
اردكم ..؟…رده امه لا ياقلب امك روح لاشغالك ومجلسك وبكلم رميش يجيب الموتر عادنا ريضين
محنا براجعين ذا اللحين… رد اجل فمان الله …

~~ تحطيم روح ~~

واقفه بنص الصاله وهو طالع من قسم الغرف اللي تحت وهو يصرخ وعيونه تنطق بالشر
وقفت بكل شموخ وقالت وش عندك قال انقلعي ولا اتكلمين على امي رده بكل هدوء
وبصوت مليان ثقه لا تلعب دور البطل اعتقد انها امي مثل ما هي امك فلا
تسوي فيه الولد البار يمد يده بكل سطوه يبي يكفخها فصدت يده وقالت اتخسي وانا
بنت علي فثار ولا عاد شاف قدامه ودزها بكل جبروت على الكرسي اللي قدامه وانهال
عليها بالضرب بعقاله ورفسها برجله وهو يصرخ وكانه كاتم من سنين ويبي يبرد حرته ..في
اللي كااااااااانت الصدر الحنون له في ضيقه والبلسم لجروحه نسى او تناسى لانها ماعاد صارت
على هواه اللي طامع بكل ما في يدها وما يرده شي عنه الا قوه شخصيتها
اللي يبي يحطمها ..يدخل سلطان ومحمد ويمسكون ابوهم وهم يهدونه وفيصل يجر عمته ويطلعها برى
الصاله وخلاها بالمرر وهي تبكي نفسها وكرامتها اللي مرغها اللي المفروض يكون السند صار الجلاد
جرت نفسها جر وهي تدخل غرفتها ..خذت التيلفون تكلم اخوها الثاني لعل وعسى يوقف الكبير
اللي انجن عند حده …لكن جات الصدمه الاكبر وهو يرد على طلبها لفزعته… ماجاس حقس
وتستاهلين يالكلبه ليه تمدين يدس عليه ما اضربس الا يوم حذفتيه باللي في يدس ومافاد
دفاعها عن نفسها…. رده بصوت مليان قهر واحساس بالخذلان من اقرب الناس وهي تقول له
….مافزعت لي ياولد ابوي جعل ربي مايفزع لك ..سكرت عقب ما ابلعت غصتها وقالت مهوب
انا اللي تبكي ..توضت وصله ركعتين وهي ساجده …تدعي من قلب جريح من اقرب الناس
لها
“اللهم اني اشكو اليك ضعف قوتي وقله حيلتي وهواني على الناس انت رب العالمين وانت
رب المستضعفين وانت ربي، الى من تكلني الى بعيد يتجهمني ام الى عدو ملكته امري،
ان لم يكن بك علي غضب فلا ابالي رحمتك وسعت كل شيء ربي”

شوي الا الباب يدق ..قالت في خاطرها يا ربي اكفني شرهم بما شئت ..اول ما
افتحت الا سعيد بوجها وخرت من الباب عشان يدخل …وبكل ترفع وقسوه قال اسمعي ..امي
جنبيها ..ولا تتكلمين عليها ..رده وانا وشقلت انا ماقلت لامي شي اخوك اللي لعب براسها
وكبر السالفه ..رد..مالي شغل فيكم وجعله يكسر ضلوعس مااااهميتيني واحمدي ربس متحملينس ولا انتي مااحد
يبيس ….. حتى الرجل اللي خذاس عافس عقب شهرين …..بكل قوه ماتدري منين جاتها بس
اللي هي واثقه انها زاده ثقه بان الله ماراح يخليها حتى لو تخلوا عنها كل
اللي حواليها …خير ان شاء الله .. امي وبتكلم معها لانها امي مثل ماهي امك…
رد..بحده والله لو قالت ولا قال لي عوجان شي ازعلهم..منس .. ان اجي وافرم عظامس
رده سوى اللي تبي والله كفيل يرد عليك دامك مستضعفني فا الله بينتصر لي وماراح
يخليني وهي تنظر له بنظره كلها ثقه وقوه ..ان غدا لناظره قريب ..ضحك بسخريه ..هه
ما ادري منين جايبه ذا القوه ..ردة… من ايماني ان الله مايضيع الحق …وقف وهي
يقط عليها رزمه فلوس ..” 16000ريال ” هذا اللي كليتي قلبنا عليه رده باالله من
المجنون اللي يصدق اجار عماره في السد اغلى منطقه في قطر ..من 17 سنه لين
اللحين بس ذا المبلغ..هه ليه ماجرينها بريال ..واذا انا طالبت طالبت بان كل ياخذ حقه
ليمتى واخوك ياكل الاجار ولاعليه من غيره وامي عشانه بكرها ساكته وتداريه ….. تلعثم وارتبك
بس القسوه وحب النفس زين له الاعذار ورد لاتنسين الصيانه والتجديدات اللي سويناها وانتي وش
يعرفس بذاااا الامور ..قالت تكفى لا تحط اعذار مهيب معقوله والله لو انكم بانينها من
جديد ما كان ذا الباقي من الاجار لا تحسب اني ما ادري بعمارتك انت واخوك
اللي بنيتوها من اجار ذا العماره …رد…. على تبن نسوي اللي نبي والعماره لي انا
واخوي وهذا من عندي واحمدي ربس لا اخذها بعد ….ويطلع وهو يصفق الباب …تقعد وهي
منهاره و تردد لا اله الا الله سبحانك ربي اني كنت من الظالمين ..اااه الله
يسامحس يمه انتي اللي حطيتيني في ذا المواقف …وقويتيهم علي ..
ليت ولدس يحط الفلوس في خير الا يلعب بها شي في كاسه اللي مايفارقه في
ليله والباقي في بطن مرته ..وعاده حاط عينه على راتبي وكل شوي يقول ليه راتبها
لها لحالها ..الله يعين هذا وانا شاريه سياره لامي وحاطه درويل وخدامه وراتبي رايح على
الاقساط ..ااااااه يا الله انك تفرجها من عندك ….
:
:
:
:
:
:
~~ بعد وقت ليس بالقصير ~~

تدخل على امها الحجره ” الغرفه” وهي على سجادتها وتسمعها تدعي يارب تفرجها لبنيتي وترزقها
بالزوج الصالح ..وتبكي ..دمعت عينها لحال امها المتناقض ..يعني امها حاسه بظلمهم لبنتها بس ليه
تسكت وما توقفهم عند حدهم ليه …ليه تساعدهم عليها …تسلم من صلاتها ..وتنتبه ل امل
قاعده على طرف سريرها.. قربت ل امها ..وقعدت عند ارجيلها ..
شلونس يابنتي اربس ما استاجعتي ..ابتسمت امل بوجع يمه الوجع اللي بقلبي اكبر من اللي
في جسمي ..الله ..تقاطعها وتحط يدها على فمها عشان ماتكمل .. وتقول تكفين يابنتي لاتدعين
عليه….رده ابشري يمه ما اقول الا الله يفرجها … بنتي سامحيني ..وتحط جلالها على عيونها
و تبكي ..رده وهي تبي تغير مزاج امها ..افاااا يا ام عوجان انتي ما تطلبين
السماح انا اللي اقول لس ساااامحيني ..وتحب رجلها ويدها ..تدللي ياروح قلبي وتاج راسي ..تمسح
على راسها وهي تقول جعل ربي يرضى عليس يا امل ويوفقس ويرزقس الرجل الصالح اللي
يخلصس من ذا الهم ..يابنتي والله اني صرت بين نارين ..ولا يرضيس اخلي اخوانس يتذا
بحون عشانس وهم مهما كان اخوانس ولا لس بد منهم ..امل ساكته تبتسم لامها و
بخاطرها ….يمه عيالس ماهميتهم وكل واحد منهم مان بوجودي عنده …ااااه طلعتيني من بيت ابوي
عشان ولدس طمعس بانه ياجره وفي الاخير حوله دكاكين وكلى الاجار ..ماكفته العماره ..وعيشتيني عنده
وزود على ذا يبيني اصرف على بيته عشان يفتك..ههه وعياله يجمعون رواتبهم للسفرات واللي يبي
يجمع مهر عروسه.. انتبهت من تفكيرها …على هز كتفها ..بنتي وش فيس .. ابد سلامتس
مافيني الا العافيه …تامريني بشي ..بقوم اكمل شغل المدرسه..ما يامر عليس ظالم قومي فديتس ..وسنعي
شغلس اللي مغنيس عن الناس ..
:
:
:

~~ غرفه امل ~~

منظمه جدا ..كل جانب فيها ينطق بشخصيه قويه مفكره ومنظمه ..جالسه على كرسي مكتبها وتضيف
الرتوش الاخيره ..لورشه العمل اللي كلفت بها من توجيه العلوم لمدرسات ثالث ..للمنهج الجديد المطروح
وكيف يتعاملون مع برامج الكمبيوتر لمجاراه بعض التجارب اللي مهيب متوفره ادواتها في المعامل …وفي
قمه تركيزها ما حست بنفسها وهي تفتح ملف ثاني خاص جدا [ ام مجروح ل
] وتكتب بكل سلاسله ..ودون وعي..

ابسالك يا دنيا…؟
ليه الامانه بالقلوب في زماننا تحتضر ..!
وليه المحبه والموده تنداس باقدام البشر ..!
وليه الصداقه ذابله ومن الخيانه لا مفر ..!
و لامن زرعت الخير في الدنيا يحاصرك الخطر ..! ..؟
ليه نلقى في زماننا جروح واحزان وهموم …!
ليه التفاؤل والفرح يبقى ثواني ما يدوم ..!
ليه العيون الخايفه ..!
وبعض المشاعر زايفه ..!

ابسالك….ياادني اا..؟
ليه دايم ننتظر …!لين اخر هالعمر .!
حتى الصبر
مل واختار السفر ..!
وما بقى الا الهموم .
مكتوبه لك طول الدهر ..!
ابسالك .. … ياادنياا ..؟
دامك الدنيا..ابسالك ..!!
يمكن القى منك جواب
او يمكن بس افهمك
اني تعبت من الهموم
وكل جرح من جروحي يعلمك …!
انه تعود على العذاب
وابسالك….ياادني اا ..؟
ليه في كل ابتسامه القى امامي دموع ..!!
وكل دمعه من دموعي تطفي شمعه من الشموع …!
وليه ارحل دام همي هو همي …!
ما يتغير وما يزول ..حتى لو حل الفرح هو ثواني ما يطول.. .
ابسالك…. ياادنياا..؟
دامك الدنيا….اكيد عندك جواب
لكل سؤال وكل عتاب ….!!
ابسالك … ؟؟؟؟؟
فهميني.. !!!
بس سؤال وصارحيني…..كل الناس مثلي
او انا وحدي…..همومي تسري فيني

جاوبيني.. يا دنياا …! ..

( ويبقى السؤال بلا اجابه ) ليه في كل ابتسامه القى دموع !!

:
:
ااااه وش السواه كل ذا الضغوط منهم يبوني اوافق على الشيبه اللي هم فرحانين به
مهوب حرام عليهم يبوني ادفن روحي مع شويمي بن مبارك ولا شلويح بن ظافر اللي
محرول واللي ايتعكز له على عصى وعطره فقس من كثر الاوجاع ,,اااه ولا اللي مايلبس
حتى السروال من كثر الحكه ودوم هبابي ترفع عينها لفوق وبعين الرجا …..ااااااااااه يارب وش
حيلتي غير اني ارجاك تخلصني من القوم الظالمين … نزلت نظرها وبالها رجع لاسبوع مضى
..هه يوم قلت له بنتك عندك جوزها اياه قال بنتي بنت ولا انتي مطلقه احمدي
ربس …ووافقي برضاس قبل.. اغصبس ..رده تدري انك ما تقدر واني بفضحك لو سويتها ..ولا
نيب ساكته لك كثر ماسكت وانت داري بعلومك وسواد وجهك….رد بضيقه وخوف حد يسمعها على
تبن …يا الكلبه ..تعوذت من الشيطان شافت الساعه وحده الفجر ..قامت ..وهي تردد “اللهم اجرني
في مصيبتي واخلفني خيرا منها” وصلت ركعتين قبل تنام ..موكله امرها للي بيده الامر ..

:
:
:

دع الامور تمشي في اعنتها ولا تنم الا وانت خال
مابين غمضه عين والتفاتتها يبدل الله من حال الى حال