كلام للفيس بوك روش
( استمورنينج )
دي كلمة بنقولها الصبح لما بنحب نفطر و لا نشرب شاي او قهوة نقوم نقول انا رايح اعمل استمورنينج على القهوة يعني رايح اصطبح .
( الابلتين لدع فدهاليز الحياة )
دي بقي بنقولها لما الواحد يبقي مفلس او مخنوق من الدنيا نقوم نقولها .
( اعمل دماغ )
دي بالتاكيد الكل عارفها و هي جملة مشهورة قوي للشباب المدخنين تيجي تقوله انت رايح فين يقولك انا رايح اعمل دماغ .
( بيرمي و دن )
دي بنقولها على الواد او البت الي بتبقي قاعد تتسنط على حد نقوم نقول شوف الواد عامل كيف دة بيرمي و دن ياعم .
( بكابورت )
دي بتتقال على الحاجة الي ريحتها و حشة او البنت الي ريحتها و حشه
نقوم نقول البت دي بكابورت .
( ابعتة )
دي معناها اخدعة او توهة نقوم نيجي لواحد ياعم ابعتة يعني اخدعة و ادخك عليه .
( بونتي )
دي بقي بتتقال على الواد الي داخل الشلة جديد و فارد عضلاتة علينا نقوم ننادي عليه و نقوله بقولك اية يابونتي .
( باكس )
دي بنقولها على الواد العبيط او الي يمكن تدحك عليه بسهولة نقوله خد ياباكس .
( باشكا )
دي معناها العب بورق مكشوف يعني كلمني بصراحة و بنستخدمها كمان فلعب الكوتشينة نقوم نقول العب معايا باشكا يعني خلي و رقك مكشوف و كلمني بصراحة .
( باترينا )
دي بقي بتتقال على الواد او البت الي بتبقي لابسة نظارة بنشبة بها النظارة بتاعتها بالبترينة بتاعت العرض .
( بلبع )
دي بنقولها على الواد الي مش موذن الي بيبقي ضارب كيمياء او شارب مخدرات بنقوله انت مبلبع اية .
( بروبجندا )
دي بنقولها على الواد الي عمال يسيح عليا و يتكلم فاسراري بقوله اية ياعم انت عاملي بروبجندا لية .
( بتهوبص )
دي بنقولها على الواد الي هو عامل بها غبي و هو فاهم الي بيتخابث يعني نقوله انت شكلك بتهوبص عليا .
( بيظيط )
بنقولها على الواد الي عمال يتكلم كلام فارغ و مش عارف معناة و اهو بيتكلم و خلاص
نقوم نقوله انت شكلك بتظيط .
( بتخبط فالحلل )
دي بقي بنقولها للواد الي عمال يسيح فيا و يجيب فسيرتي بكلام مش كويس اقوم اقوله انت كدة شكلك بتخبط فالحلل .
( فتاة فالزيف )
دي بقي لما بنبقي و اقفين بنعاكس و تعدي علينا فتاة رائعة قوي قوي نقوم نقول عليها البت دي فالزيف يعني البت دي رائعة قوي و روعة .
( برطعة )
دي معناها طعام و مرعي و قلة صنعة يعني مش لية هدف فالحياة نقوم نقوله انت بتبرطع و لا اية .
( بيجيب لورا )
دي بنقولها على صاحبك الي اخد قرار و ايدة خلاص و رجع به تاني علشان فتاة اثرت عليه بكلمتين حنينين نقوم نقول ااااااااة دة بيجيب لورا ياعم .
( بستف )
دي بقولها على واحد اكون هزات كرامتة اقوم اقول دا انا بستفتة .
( بؤلة )
دي بقي لما يبقي واحد داخل فمقال على انه شاهد بس و يبص يلاقي المقال يهمة يقوم يقول لا ياعم كدة البؤلة دي بتاعتي يعني المقال دة خلاص بتاعي و يهمني .
( تنشن )
دي حالة بتيجي للواحد لما بيبقي زعلان من حالجة او غضبان نقوم نقوله انت متنشن لية كدة .
( تسالي يالوز )
دي لما فتاة تيجي تقولك انت خلاص مش بقيت تحبني و عاوزة اعرف اخرت مشينا مع بعض تقوم تقولها تسالي يالوز يعني عيشي اللحظة انا مش بتاع حب و لا جواز على رائ عصام كاريكا .
( تس تس )
دي بتتقال على الواد او البت الي هي خنيقة نقوم نقول البت دي تس تس يعني تخنق .
( تعبانة مولة )
دي بقي بتتقال على البت الوحشة او الي هي مش ربما كدة نقوم نقول البت دي تعبانة مولة .
( توت فروت )
دي بتتقال على الواد او البنت الي شايفة نفسها قوي و مهتمة بنفسها ذيادة عن اللزوم نقوم نقولها مش تعمليلي بها توت فروت .
( ثبت )
بالتاكيد الكل عارفها و هي لما واحد بيبقي مزعل فتاة و لا منفضلها و كيفة طلب انه يمشي معاها تاني يقوم يروح يقولها كلمتين حلوين و حنيينين فا نقوم نقول شوف الواد راح ثبتها بكلمتين او ثبتها بمسمارين .
( ثلج نار )
دي لما الجو بيبقي ساقعة قوي قوي نقوم نقول يااااة دة الجو انهاردة ثلج نار .
( جلياط )
دي بنقولها على الواد الي هو قليق الزوق فكلامة او تعبيرة نقوم نقوله انت عيل جلياط .
( جبت جاز )
دي بنقولها لما بنوصل لاخر مرحلة فالتعب نقوم نقول انا خلاص جبت جاز يعني تعبت قوي قوي و مش قادر .
( جيب لب من تنزانيا )
دي بنقولها لواحد عاوزين نمشيها من جنبنا علشان نقدر نتكلم براحتنا نقوم نقوله روح جيب لب من تنزانيا لحد لما نخلص المقال دة .
( جيبة مخروم )
دي بقي بنقولها على الواد الي هو مبزر و فلوسة كتير و بيصرفها بدون حساب نقوم نقول دا و اد جيبة مخروم .
( جلدة )
الكل بالتاكيد عارفها و معناها بخيل و هي بنقولها على البنت الي هي بتبقي بخيلة فمصارفها نقوم نقولها دا انتي جلدة .
( جالي جرب فو داني )
دي بنقولها للبنت كتيرة الكلام الي مش بتبطل نقوم نقولها جالي جرب فو داني علشان تسكت و تبطل كلام علشان صدعنا منها .
( حطيت ايدي على البلف )
معناها انني خلاص عرفت خلاصة المقال او عرفت الحل اقوم اقول خلاص انا حطيت ايدي على البلف
وممكن اقول انا حطيت ايدي على بلف الواد دة يعني عرفتة على حقيقتة .
- صور بنات مكتوب عليها كلام روش
- كلمتين حلوين للفيس
- كلم روش
- كلام روش للبنات
- كلام فيس روش
- نشرب روش
- كلام روش بنات
- كلام روش
- صور مكتوب عليها مخنوق قوي
- روش شرارب