كلام عن المظلوم والظالم في الحياة
ظلمتني والله قوي يجازيك
باللي بلاني خالق الناس يبلاك
شابهت عدواني وانا طامع(ن)فيك
اقرب قريب(ن) لي هقيت انه اياك
اللي جرالي منك ماهوب خافيك
روحي على حد الخطر من سواياك
والله ماغيرك بقلبي يوازيك
اغلى من الدنيا على الخد ماطاك
اشفق على اللايم الى جاب طاريك
ودي يطول الشرح في حال طرياك
الشاهد الله من كثر ماني اغليك
في سبتك لو راحت الروح تفداك
يالله دخيلك تفرج لعبد مظلوم
جارت به الدنيا وكثرت همومه
عبد(ن) شكى لك حالته حزن وهموم
ولا شكى للناس كثره همومه
عبد(ن) عن الزلات ماهو بمعصوم
ونفسه على كثر المعاصي تلومه
يارب وحدك تطعمه لذه النوم
وانت الذي لاشئت تحرمه نومه
ضاقت عليه ديار واشتدت علوم
تلوي ذراع اللي رجل وسط قومه
واليوم ماله في هوى النفس مقسوم
مادام صار الوقت اقوى خصومه
ولا نوى يكتب من الحرف منظوم
لكن حداه الوقت واخفى حلومه
يالله ياللي عالم بكل مكتوم
انت الوحيد اللي يثبت عزومه
تشرح صدر عبد(ن) مقدرومحشوم
وتكفيه شر اللي يقطع هدومه
وتعطي ردي الحظ بسمه ولو يوم
وتذوقه طعم السعاده بيومه
وتروف باللي للقدر صارمحكوم
وحكم القدر محد(ن) بيكره قدومه
يالله دخيلك دام انا عبدمظلوم
ترفق بحال اللي شكى لك همومه
البارحه كثر الهموم اوجعتني=بمد كفي لاقرب الناس وازريت
هزت معاليق الحشا وازعجتني=وانا احسبني تالي الوقت سجيت
اكنها ما بين ضلعي ومتني=واليا طرت سود الهواجيس.. سميت
من قبل لانطقها جزت وانطقتني=ماعاد يمدي كبحها لوتقويت
والسيره اللي فالعتب سيرتني=تثبتت في مركز القلب تثبيت
وان جيت ابعثرها شتات اجمعتني=كني على درب المصافين حنيت
اطلقت مدات العطا واحبستني=ماجت على كيفي حسب ماتمنيت
مانيب ندمانه.. ولاحسفتني=لني من اسباب الفضايل تحليت
لكن ليه (ام المشاكل).. جفتني!=وانا لها من صافي الود مديت
كم ليله الهمتها.. والهمتني=عشانها من حالي النوم ..فزيت
حتى من اغلى ناس عندي خذتني=اقبلت في رغبه هواها ولا اقفيت
تنكرت لي بالغلا.. وانكرتني=ماكني اللي من غلاها.. تعنيت
