قصص حقيقيه حزينه جدا
كان في شاب عمره 23 سنه وكان هذا الشاب جميل المنظر وخليق , وكان عايش
مع اهله فبعدين جاته وظيفه في منطقه ثانيه وقبل بالوظيفه وسافر ,وكانت الوظيفه اللي يشتغل
فيها او المكتب اللي يشتغل فيه اكثر زباينه الحريم,المهم هذا الشاب ماكان يعرف شي اسم
حب ومغازله وهذي السوالف ,في يوم من الايام كان هذا الشاب قاعد في مكتبه فدخلوا
عليه كم من حرمه وكان معاهم شابه هذي الشابه لما شافت الشاب اعجبت فيه وطبعا
مثل ما قلتلكم هذا الشاب ماكان يعرف شي اسمه مغازلة.
المهم البنت طلعت من هنا وتركت قلبها عند الشاب,ثاني يوم البنت راحت دقت على المكتب
اللي يشتغل فيه الشاب وكانت عرفه انه رح يرد وصار اللي في بالها ورد الشاب
على التليفون, في البدايه كانت مجرد اتصالات بس بعدين البنت ما قدرت تخفي مشاعرها فقالت
للشاب انها تحبه فقالها :بس انا ما عرف في الحب شي وبعدين انا ما اعرفك
ولا انتي تعرفيني,قالتله الاولى خلها علي رح اعلمك اصول الحب من الالف الى الياء والثانيه
الوقت قدامنا ونقدر نتعرف على بعض ,المهم صار في اتصال دائم بين البنت والشاب وفي
مده ما هي بطويله تعلم الشاب كلام الحب والرومنسيه وتعلق قلبه بهذي البنت اللي علمته
كلام القلب والمشاعر.
في يوم من الايام ولمن كان الشاب يكلم البنت قلها انا ابي اشوفك انتي شفتيني
وتعرفين عني كل شي انا ابي اشوفك بعد قالتله طيب يوم الخميس احنا طالعين مع
ابوي رح اقولك وين ومتى طالعين ورح يكون التليفون بيننا قالها طيب وكان هذا اليوم
يوم السبت فالشاب شاف المده طويله وش يصبره من السبت الى الخميس كان اليوم يمر
عليه بسنه وكان يقضي اغلب وقته نايم عشان تعدي الايام .
المهم جا يوم الخميس وكان الشاب صاحي من الصبح مو مصدق انه اليوم خميس دقت
عليه البنت وقالت له انهم طالعين اليوم الساعه 8 الليل ورايحين الكورنيش واذا قربوا رح
تدق عليه مس كول
وهذا اللي صار طلعت البنت مع اهلها ودقت على الشاب مس كول حرك الشاب سيارته
وراح للكورنيش وهو قريب من الكورنيش دق عل البنت مس كول على اساس تقوله وين
هي,قاعد الشاب يدق على البنت بس هي ما ترد فقال يمكن عشان اهلها معاها ,
فقال بحاول بعد عشر دقايق. مرت العشر دقايق دق مس كول ما حد يرد الا
شوي وهو في الطريق شاف الشارع مسدود فنزل يشوف وش السالفه لقا سياره مقلوبه وكل
اللي فيها طايحين في الشارع وكان في يمكن اربع ولا ثلاث بنات شابات والابو طايح
في جهه وكلهم منثرين في الشارع الا وفي وسط تجمع الناس على الحادث سمع تليفون
يرن في ايد وحده من اللي طايحات من السياره رح يدور بلا وعي بين اللي
طايحين من السياره على الصوت لقاه في ايد وحده من البنات ومكتوب المتصل :امل عمري
والرقم رقمه كشف الطرحه من وجهها الا وشاف وحده ربي ما خلق منها ثنتين احلى
من القمر.
الا شوي جات سياره الاسعاف وجو يشوفون اللي طايحين الا لقوهم كلهم ميتين الا هذي
البنت فجو الاسعاف يشلونها ويحطونها في سياره الاسعاف يمكن ينقذونها , هم حطوها في السياره
من هنا وهي لفظت انفاسها الاخيره من هنا .الشاب لحظتها اغمى عليه وشلوه المستشفى ,بعد
ما صحى من الاغماء تذكر كل اللي صار, وجاته زي الحاله وصار ما يطلع ولا
يروح مكان ورد ديرته عند اهله .
بس اطلب من الاخوان اللي يقرون القصه يدعون للبنت بالرحمه وللولد بالشفاء انشاء الله انا
قريتها من فتره واتمنى انه يكون الشاب تشافى الحين بس لا ضير من الدعاء.
