قصائد خليل الشبرمي مكتوبه
قصيده بعنوان فنار الجود:
قال التميمي انا موجود
والليله الميدان ميداني
بذن الولي لا اجود بالماجود
لعيون جادا واقوس الحاني
بيت القصيد وغايه المقصود
شي تسشوفونه بالاعياني
من رحمه الرحمن والمعبود
ومن حكمه الله عالي الشاني
الطيب ماله منطقه وحدود
والطيبين بكل الاوطاني
الى ان يقول في بيت نال استحسان الحضور:
وانجيت جيت لديره ابن سعود
وان رحت رحت لديره ابن ثاني
ويواصل:
شاعر واهاب العيب والمنقود
وازن كلامي قبل قيفاني
ما جيت اتايش والرجال شهود
ولا اهذي وامذرع لساني
ماني على ذم العرب محدود
ولاني سفيه ولاني ولاني
وقال:
المختلف صديت عنه صدود
والمنحرف ما هو من اخواني
والخثرقه والغطرسه والزود
تزود الرجال نقصاني
الصمت حكمه والسخا محمود
ورمي الركاد يغيض عدواني
الى ان قال:
سوقوا سلامي وافي ومفنود
لسلمى واجا وجبال رماني
وحايل واهلها هم فنار الجود
ورمز الوفا من ماض الازماني
وثنوا سلامي للامير سعود
ريف الضعيف ومدهل العاني
وثنوه للنايب سمي العود
عبدالعزيز وطير حوراني
وعلى الطرق الطويل القى الشبرمي قصيده (صيف حايل) :
التميمي تهيض وابتدا القيفان بسم الله الرحماني
الحليم العليم الواحد اللي كلنا في رجا غفرانه
مرحب وبعدها يا مرحبا مدى عبت عود الحبق نسمه مسياني
وعد ما غرد القمري على حدب الجريد وشجن بالحانه
جيت اغني بحايل واتغزل في هواها وابث اشجاني
يا شخاني بجانا جات قلب انسان والترجمان انسانه
وقبلي القاظي محمد وابن لعبون وابديوي الوقداني
كلن بديرته مفتون والشعار باوطانها هيمانه
همت في حب حايل مثل ما هام بهيا محسن الهزاني
تتوب عن حب حايل قل لالا حب بقلبي راجح ميزانه
فضفضي يا حروفي عن شعور الشاعر المترف الولهاني
وسبحج الليله معزب وانا والوزن والقافيه غيثانه
صيف حايل لحاله صيف هايل صيف ما له ولا له ثاني
يالله اللي وهبه الشاعريه والحلى والبها سبحانه
وجو حايل طبيعي والحراره حسب نشرت حسن كراني
جو حايل معتدل وانسان ما بالندى ريانه
قصيده خليل ابراهيم الشبرمي
اللي شارك فيها في الحلقه الثامنه في المرحله الثانيه في برنامج شاعر المليون
يامن دهتني عيونك واحتوتني يديك
الله يسامحك كيف تقول ماذا دهاك ؟
ماتدري ! اني متيم بك ! وكلي لديك
مملوك! ماسور! مسبي! مستهام! بهواك !
واموت كلي معك.. واموت فيك وعليك !
واغليك .. لكن عسى الله مايبين غلاك
واحن اليك .. وعليك احن من والديك
ومن لهفتي عين قدامك وعين(ن) وراك
اشتاق لك واشتكي لك منك واشكي اليك
كلك ملكني وكلك في عيوني ملاك
جادلك! جيدك! جبينك! خنجرك! حاجبيك !
اسمك ! سماتك! سموك! سستمك! مستواك
جوريك! جمرك! لجينك! عسجدك! وجنتيك!
ذرابتك! رقتك! روعه حضورك ! بهاك !
وجهك ! وهج مبسمك! بسمتك ! غمازتيك!
براءتك! خالك الي لاذ بايسر شفاك!
سجنجلك! جلنارك! نرجسك! كركديك!
كاديك! مسكك! نسيمك! شمس صبحك! مساك!
سهام عينك! نعس طرفك! حور مقلتيك!
طلتك! ملحك! حلاتك! خف دمك! حياك!
ماعرف اعود ولا اهدي ولا امسك بريك
لاجيت.. اجي كلي .. وكلي عساني فداك
اقدم الروح كاش ! وباقي العمر شيك
باسمك مصدق .. ولا يصرف لحي(ن) سواك
قصيده ترحيبيه :
اللي لا دعته الناس لبى واجاب
رب عطوف يشوف ظروفها ويروف باحوالها
ومن بعد ذا مرحبا واهلا هلا ماهل وبل السحاب
وعداد ماناح ورق ولاح ضوح البرق بخيالها
اهلا هلا بالضيوف اهل الوفا والطيب شيب وشباب
اهلا هلا بالجميع ومرحبا مليون برجالها
روس الحمايل زحازيح الرجال مصخرين الصعاب
نشهد وتشهد لهم ماض السنين وحاضر اجيالها
والمدح لاجا مجاله وانفتح للمدح باب وجواب
اشد الامه تميم اليا ظهر للناس دجالها
ومن فضل رب الخلايق والملا جزل العطا والثواب
ربعي اليا عدت افعال الرجال تنومس افعالها
ولا شك بان الحسب ماينفع المخلوق يوم الحساب
وان النسب مايفكه من عذاب النار واهوالها
واصله وفصله وماله باكر اليا حط حدر التراب
والله ماتنفعه والناس يوم العرض باعمالها
تمسكوا بالفلق والناس والاخلاص وام الكتاب
تلقونها يوم الحشر لازلزلت ذا الارض زلزالها
والهرج لازاد زروده نقص والحكمه بفصل الخطاب
والحر حر يرى مخراجها من قبل مدخالها
والحمد للواحد اللي لادعته الناس لبى واجاب
رب عطوف يشوف ظروفها ويروف باحوالها
والختم صلوا على خير الملا مابان نجم وغاب
وما حمس بن اليمن والشاذليه دار فنجالها
