قصائد الشاعر حامد زيد
بوقت من البطا،وبليل تترقص شياطينه”
“بعد شفت الضيا ينزع من ثياب المسا ثلثين
تحايلت المنام اللي مثل بيتك تمرينه ”
“وانا اللي من تفارقنا وانا ماغمضت لي عين
غريبة!!كل حلم يمر برقادي تزورينه”
“والاغرب..كيف احلم الحلم،وارجع واحلمه بعدين؟
قبل يومين،شفتك بالمنام..وقمت من حينه!”
“ونمت امس،ورجع نفس المنام اللي قبل يومين
انا اللي قبل اسافر شلت قلبي من شرايينه”
“تركته في يدك الامانه،واحفظيها زين
المباني
جابك الله من غياب ضيق صدور المباني
قبل لا الوحشه تزعزع بيتك الصلب وتبيده
بيتك اللي من رحلت وكل جدرانه تعاني
ماتحمل ينتظر شهرين وعيونك بعيده
الله العالم لو انك جيت متاخر ثواني
ماتشوف الا بقايا من حصاه ومن حديده
من عرفتك وانت تايه من مواني لي مواني
وتارك قلبي مولع من وقيده في وقيده
ضاعت سنيني احد بهاليالي وتحداني
وانت ماتشبع غياب ولاتخاف من النقيده
ودي اتحمد لك الله بالسلامه , مامداني
كل ماتوصل برحله ترجع برحله جديده
دام تدري كل وجه غير وجه الله فاني
ياخي اكسبلك ثواب وخاف ربك في عبيده
كان فيني عيب قلي:فيني العيب الفلاني
كان هرجي مزعلك في شي قلي:لاتعيده
عيب تصغر في عيوني وانت برقاب الغواني
كيف تستسهل طعوني وانت خابرني وليده ؟
لعنبوك ان مت بيدك من يفكك من اخواني ؟
لحزنوا ربعي على فرقاي شاللي تستفيده ؟
انت منت اللي عشقته انت اكيد انسان ثاني
ليه صرت بهالبرود وبهالاحاسيس البليده ؟
وين حبك للزعل .وين العناد الاولاني ؟
وين حنيه زمان وفرحه العمر الرغيده ؟
وين ذاك اللي اليا اقبل مايبات الا بماني ؟
وين راح اللي اليا اقفى مايروح الا فقيده ؟
واحد من جابه الله بس يامر ويعصاني
الوحيد اللي اخافه غصب وامشي معه سيده
(مابغيت اطيح بيده) لين ماربي بلاني
ولا انا لو هي بكيفي (مابغيت اطيح بيده)
ذاك بس اللي يامن جيته يلخبط كياني
اللي بنظره ينشف دم قلبي في وريده
قبل اشوفه اجمع اله احلى القصايد والمعاني
وان لقيته ماعرفت اقول لي جمله مفيده
الف مره قبله اعد القصيده من لساني
ولعنبوه ان جيت عنده قمت اخربط بالقصيده
امدحه وانا ادري انه لو تباطاني نساني
انطحه وانا اعرفه مجنون وافكاره عنيده
من يسوي بي سواتك يالرهيف الاسمراني ؟
منهو من الناس غيرك غلطته ترفع رصيده ؟
من يقص(جناح طيرك)وانت اعز انسان جاني ؟
ليه اخاف(رماح غيرك)وانت ضرباتك سديده ؟
ان تبعتك .اتبعك من طيبي وواسع بطاني
ولا انا لاجيت اكيد انسان عزالله بكيده
اقدر انزع لك ثيابي والبس ثياب الاناني
واقدر اطلع من عذابي والعب بدورك واجيده
ومستعد اكسب رهاني لو بغيت اكسب رهاني
واخدعك بحساس كاذب واتحدى من يصيده
ابك انا لي شفت خلي حط غيري في مكاني
والله اني لتركه وان صد لعشق سيد سيده
جيت مابيك تحقرني جيت ابيك تعز شاني
جيت ابي فزعه ظلوعك من مشاعرك البليده
خلني داخل (حدودك) واجبر بخاطر زماني
اكذب بباقي (وعودك) واصدق بلحظه سعيده
انتشلني من (برودك) لو تولع بالمحاني
عطني احساس (بوجودك) واخذ كل اللي تريد
تكفى واليا قلت :تكفى بيع خلق الله عشاني
لاتضيع من يديني فرصه العمر الوحيده
يعلم الله شفت منك ومن غيابك ماكفاني
كان ماتقدر تخفف هم قلبي !! لاتزيده
شف غيابك وش يسوي بالصدور وبالمباني
وانت تدري كيف كانت صدمت غيابك شديده
والله انك لو وصلت البيت متاخر ثواني
مالقيت الا بقايا
