عندى عزومه اعمل اكل ايه
حددي عدد المعزومين
اول خطوه المفروض انك تعمليها هي انك تحددي عدد المدعوين اد ايه بالضبط؟!
وعلى الاساس ده هتبداي تحددي كميه الاكل اللي هتعمليه، وخدي بالك ان لو كان عدد
المعزومين قليل؛ يعني مثلا 3 افراد هيبقى عدد الاصناف قليل ومحدود…؛ لكن لو عدد المعزومين
كبير هيبقى فيه تنوع في الاصناف المقدمة، وده علشان ترضي جميع الاذواق…
-2-
حددي اصناف الاكل
الخطوه اللي بعد كده هي انك تحددي اصناف الاكل اللي المفروض تكون موجوده على السفرة..
وده جدول بيحتوي علي قائمه بالانواع اللي المفروض انها تكون على السفره في اي عزومة…
اولا: السلطات
شوفي يا ستي المفروض يكون عندك على السفره في اي عزومه نوعين من السلطات، وليكن
مثلا طبق سلطه طحينه وطبق سلطه خضراء.
ثانيا: الشوربة
كفايه اوي في عزومه رمضان وجود نوع واحد من الشوربة؛ خاصه لو كان عدد المعزومين
مش كبير؛ لكن لو عدد المعزومين كبير يبقى اعملي نوعين او ثلاثة…
ثالثا: اللحوم
طبق اللحوم ده بيعتبر من الاطباق الرئيسيه على السفره علشان كده لازم يكون على السفره
في اي عزومه نوعين من انواع اللحوم، وليكن مثلا طبق بوفتيك لحمه وطبق فراخ مشوية.
رابعا :النشويات
النشويات زي: الارز او المكرونه او المحشي، لازم تكون موجوده على السفرة، بس يا ريت
تكتفي في عزومه رمضان بوجود نوع واحد من النشويات.. يعني اما مكرونه او رز، او
اكتر من صنف من اصناف المحشي.
خامسا: الخضار
يا ريت انك تعملي نوعين من انواع الخضار في عزومه رمضان علشان ترضي جميع الاذواق.
سادسا: الحلويات
اكيد لو عندك عزومه هتقضي وقت كبير جدا في عمل الاكل، علشان كده اختاري الحلويات
السهله في التحضير او اختاري الاصناف اللي ممكن انك تعمليها قبل العزومه بيوم… زي البسبوسه
او اي نوع من الحلويات اللي بتتقدم بارده زي الايس كريم او المهلبيه او الارز
باللبن.
-3-
جهزي للعزومه قبل يوم العزومة
يا ريت انك قبل العزومه بيوم تجهزي ادوات المطبخ زي “الصواني والاطباق والكوبايات والكاسات”، وتتاكدي
من نظافتها؛ بحيث انها تكون جاهزه على الاستعمال…
كمان ابداي في تحضير الاكل قبل العزومه بيوم… طبعا هتسالي نفسك دلوقتي، وتقولي: ازاي احضر
الاكل قبلها بيوم، كده الاكل يبوظ؛ خصوصا ان الجو حر اوي اليومين دول؟!
هاقول لك: ان فيه حاجات ممكن انك تجهزيها قبل العزومه بيوم وتحطيها في التلاجة…
وده جدول بالحاجات اللي ممكن انك تحضريها قبل العزومه بيوم..
العصائر
ممكن انك تعمليها وتحطيها في كوبايه كبيره وتحطيها في التلاجه او تحطيها في اكياس وتحطيها
في الفريزر وتطلعيها يوم العزومه قبل المغرب بخمس ساعات.
