عمل كيكة التورتة بالصور
المقادير
6 بيضات *** كاس سكر مش مطحون
كوبايتين دقيق *** كاس ما ء
فانيليا و ملعقة صغار بكنج بودر
واهم حاجة ملعقة كبار محسن كيك
الكيفية يا حلوين
هنضيف جميع المقادير على بعضها
اللي هي السكر و البيض و الماية و تكون دافية و الفانيليا و محسن الكيك
وهاتيك يا ضرب بها ما ترحمهاش لغاية ما تتقل و تملي الطبق و متخافيش ان شاء الله مش هاتهبط
بالتاكيد لازم مضرب كهربى
وبالتاكيد تكوني ناخلة الدقيق و البكنج بودر
وتضيفي شوية بشوية و انتي بتضربي بالمضرب على السرعة الهادي
ومتخافيش مش بتهبط و لا بتتعبك خالص
وتكوني مسخنة الفرن من قبل ما تشتغلي و تدخليها تقريبا على حرارة 200 او على حسب فرنك
التورتة الاسفنجية بتحب الحرارة الهادية بس مش هادية اوي يعنى
واوعي تفتحي الفرن قبل تلت ساعة و تكون فتحة صغار و لما تستوي اقلبها على منخل سلك
وسبيها تبرد خالص و ثم قطعيها و زوقيها بالتاكيد جميع واحدة و زوقها
