عبارات عن الام والاب
يا بوي يا امي يابعد كل هالناس
يا قلب ينبض بالمحبه والاحساس
يا من غلاكم في حياتي حياتي
يسري بصدري مثل ترديد الانفاس
***********
لو قلتلك يا بوي عمري هدية
واقدمه لجلك براحه يديا
ما ظن بوفي ربع فضلك عليا
لانك عطيت الحب من غير مقياس
امي حنانك في عروقي ودمي
وان شفتك انسى كل ضيقي وهمي
وان قلت انا امي وامي وامي
تتبسم ايامي ولا احس بالياس
علمتني يابوي معنى السعاده
واهديتني من طيب قلبك قلاده
فيك الوفاء يلقى وطنه وبلاده
وانت الوطن ل عشت له رافع الراس
امي يا وجه النور والضي والخير
بيديك سنيني ياسنيني غدت غير
مهما كبرت ابقى وسط عينك صغير
وابقى بقلبك غير عن كل هالناس
***********
لا حرمني الله من غلاكم ومنكم
والله يبعد ضيق الايام عنكم
بدعي عسى الرحمن دوم يحفظكم
يا بهجه الدنيا ويا كل الاحساس
