طريقه التخلص من السواد حول الفم
ومن الاسباب الخارجيه اللي بتسبب كده
هي طبعا معجون الاسنان واننا نسيبه يسيل خارج الفم وفي منطقه جوانب الفم بالذات
وكمان اكل بعض الفواكه والموالح منها خاصه و اننا نسيبها تنزل عصارتها حوالين الفم
واكيد طبعا استعمال انواع روج وتحديد رخيصه ومجهوله المصدر من اللي ب 2.5 مثلا و
ديه من الحاجات الخطيره جدا لانها بتغمق لون الشفايف وكمان لما بتيجي تمسحي الروج ده
بيسيب اثار خارج الفم ويبهدلها ويسبب السواد ده
الخطوه الاولي الوقايه
يعني تاخدي بالك من المسببات الطبيه اللي قلنا عليها وكمان تعملي تحاليل كامله وتعرضيها علي
الاخصائيين وتشوفي العلاج المناسب لك ده اذا كان السبب عضوي ولما السبب العضوي يروح اكيد
بامر الله وبالثقه في الله السواد ده هيروح هو كمان.
الخطوه التانية:العلاج
وده علي خطوتين:واحد
هي الانتظام علي ماسكين اتنين فقط هتعمليهم بالتبادل اسبوعيا
يعني في الاسبوع مرتين ماسكات مره من الماسك الاول ومره من الماسك التاني.
الماسك الاول
عباره عن عسل النحل الصافي مضاف له شويه زبادي وتدهني بيه المنطقه من تحت الفم
لحد الدقن ولما ينشف تشطفيه كويس جدا بالميه بس من غير صابون عطري او اي
شيء.
الماسك التاني:
عباره عن النشا العادي بتاع المطبخ ده مضاف اليه ميه ورد(هي المفضله طبعا وكل ماكانت
طبيعيه كل ماكانت النتيجه افضل)
او ميه عاديه ولكن مغليه وتسيبها تبرد وتخلطيهم كويس جدا لحد ما يبقوا عجينه متماسكه
وبنفس الطريقه افرديه ولما ينشف قشريه من علي المنطقه واشطفي بالميه بس.
خطوه العلاج التانية:
استعمال كريم طبي للتبييض
ومن التجربه الشخصيه بمنتهي الامانة
كريم مون ليت Moon Light Cream
وان ما لقيتش الاول تقدري تستعملي ده لانه نفس التركيب تقريبا
Moon Face Cream
بتشتريه من اي صيدليه وسعره بين 38 او 40 جنيه تقريبا والعبوه بتكفي تقريبا تلات
شهور
وبتستعمليه مرتين في اليوم وانتي في البيت ما تخرجيش بيه بره ومع المواظبه بامر الله
في خلال اسبوع عشر ايام بالكتير بتشوفي تاثير.
وهو طبيعي جدا مالوش اي اضرار ان شاء الله
