واهم حاجه فى نجاح الكيكه محسن الكيك وبتجبيه من عند العطار ومش مكلف خالص
وكمان بتضربى فى الكيكه براحتك ومتخافيش لا الهوى يطلع وتبوظ
المقادير
6 بيضات *** كوب سكر مش مطحون
كوبايتين دقيق *** كوب ماء
فانيليا ومعلقه صغيره بكنج بودر
واهم حاجه معلقه كبيره محسن كيك
الطريقه يا حلوين
هنضيف كل المقادير على بعضها
اللى هى السكر والبيض والمايه وتكون دافيه والفانيليا ومحسن الكيك
وهاتيك يا ضرب فيها ماترحمهاش لغايه ما تتقل وتملى الطبق ومتخافيش ان شاء الله مش
هاتهبط
طبعا لازم مضرب كهربى
وطبعا تكونى ناخله الدقيق والبكنج بودر
وتضيفى شويه بشويه وانتى بتضربى بالمضرب على السرعه الهادي
ومتخافيش مش بتهبط ولا بتتعبك خالص
وتكونى مسخنه الفرن من قبل ماتشتغلى وتدخليها تقريبا على حراره 200 او على حسب فرنك
التورته الاسفنجيه بتحب الحراره الهاديه بس مش هاديه اوى يعنى
واوعى تفتحى الفرن قبل تلت ساعه وتكون فتحه صغيره ولما تستوى اقلبها على منخل سلك
وسبيها تبرد خالص وبعدين قطعيها وزوقيها طبعا كل واحده وزوقها
اسيبكوا بقى مع الصور
ماهو اصل كلوا عندنا كسبان
- انواع محسنات الكيك
- محسن الكيك في السعودية
