طريقه عمل الفراخ المشويه فى الفرن جديده وسهلة
المقادير
فرخه كاملة
1/2 كوب زبدة
2 ملعقه كبيره زعتر
2 ملعقه كبيره عصير ليمون ( ليمونه كامله كبيرة)
بشر ليمونة
كسبره ناشفة
بهارات
ملح وفلفل
نجيب الفرخه ونغسلها كويس اوي
وانا هنا جبت فرخه بلدي لاني بحب البلدي جدا
بس براحتك لو بتحبي الفراخ البيضا مفيش مشكلة
بس الفرخه تكون صغيره مش كبيرة
علشان مايكونش فيها دهون وكمان تستوي بسرعة
ونفصل الجلد عن اللحم
بعد كده نعجن الحشوه مع بعضها
وعلى فكره بالنسبه للناس اللي بتعمل ريجيم مايخافوش خالص من الزبده اللي هتحشوا بيها الفراخ
هي هتدي لون ذهبي بس للجلد من بره
وهتسيح وهتنزل كلها مع الصوص
وممكن تكبيها بعد ما الفرخه تستوي
غير كده احنا بنشيل جلد الفراخ عند الاكل
بعد كده نجيب صينيه نخرط فيها بصله كبيرة
وتكون متبله بالملح والفلفل
وممكن نحط عليها اعواد زعتر
بعد كده نتبل الفراخ ونحشيها بالحشوه من جوا
مابين الجلد واللحم
ونكتفها كويس جدا
نلف الجناح من ورا عكسي
والوراك ممكن ندخلها في الفرخه نفسها او نلفها بخيط دوبارة
ونحطها فوق البصل في النصف
ندخلها فرن يكون متسخن قبل كده ونسيبها لمده 10 دقائق على نار عالية
ونخرجها تاني نلفها بورق سيلفر
بعد كده ندخلها الفرن على نار متوسطة
نسيبها لمده نصف ساعة
وبعدين نهدي عليها النار ونسيبها تستوي براحتها ع الهادي
