طريقة عمل احلى طبخة دجاج , أرز مع الدجاج روعة للعزومات
المقادير
فرخه طبعا مغسوله غسله تمام يعنى زى حمايه العيد ومتشال من عليها الجلد والدهون الى
فيها ومتقطعه 8 قطع زى كده
انى حاجه
3 فلفلاات مقطعين صغير
2 طماطم كبار مقشرين ومقطعين قطع صغيرة
2 بصله مقطعه قطع صغيرة
2ليمونه عشان تعصريهم
.نيجى للبهارات
ملعقه كارى كبيرة
ملعقه زعتر كبيرة
ملعقه فلفل اسود صغيرة
ملعقه بهارات كبيرة
ملعقه ملح صغيرة
كده خلصنا تيجى بقى زى الشاطره وتلخبطى الحجات دى كلها على بعض والبهارات وكلو
وفى الاخر تحطى عليها ربع فنجان زيت
.وبعد كده تقلبى كويس زى الشطوره تقليب تمام عشان الحجات تتجانس مع بعضها وتغطيها وتحطيها
فى التلاجه 6
ساعات او من بليل عادى يعنى كله شغال
عدو ال6ساعات وطلعت كده يا سلام بقى على الريحه
تجيبى حله وتحطى فيها شويه زيت صغيرين كانك بتمسحى الحله يعنى
وتحطى فيها ورق فويل وتحطى الفراخ
وتغطيها كويس بالفويل وتغطى الحله وكلو تمام وتسيبيها على النار ساعه
طبعا نار هاديه
كده كلو تمام
بعد ساعه بالظبط على نار هاديه هتشمو بقى الريحه واو ودى النتيجه
نقدم معها بطاطس ومكرونة
