كيفية تحضير نوعيات خبز الدار ,
عيش للسندوتشات لحضانه الأطفال
المقادير
فى صحن كبير ديرى ثلاث بيضات مع نصف كوب اينوكس زيت و معلقة كبار خميرة خميرة الخبز و مغرف ملح و مغرف كبار و نص سكر زيدى فوقهم كوب و ثلاث ارباع حليب سائل دافى و ربع الكاس ماء زهر يعني زوج كيسان اينوكس بين الحليب و ماء الزهر و الي ما تحبش ماء الزهر تعوضو بالحليب يعني زوج كيسان حليب
خلطى الكل مليح مليح بالباتور
وزيدى 1كلغ بالضبط فرينة من دون زيادة و لا نقصان و زيدى 1خميرة نتاع القاطو و مغرف اخرى من خميرة الخبز
خلطى من غير ما تعجنى بملعقة خشبية رح تتحصلى على عجينة تلصق خليها فنفس الصحن
وغطية بكيس بعدها منشقة
وخلى العجينة تتخمر نص ساعة فمكان دافيء
ادهنى زوج سنيوات نتاع الفرن بالزبدة و ادهنى يدك مليح بالزيت و اقسمى العجينة على السنيوات الزوج
زيدى ادهنى يدك و حلى العجينة فالسنيوة حتي تولى قيسها سقميها مليح راهى تاخد شوية وقت لان العجينة طرية بزاف و ايلاستيك
ادهنى الوجة بصفار البيض و رشى الجلجلان و السينوج
زيدى خليها تتخمر مرة تانية ربع ساعة فمكان دافء و هدا امر مهم و يعمل فرق بعدها انقبى القرصة بفرشيطة و دخليها تطيب
ماتاخدش وقت كثير
ومبعد قدميه
وبالصحة و العافية
- انواع الخبز فى العالم
- انواع خبز الدار
- انواع خبز الدار بالصور
- جميع انواع الخبز بالمقاديروالصور
- خبز دار
- خبز دار بملعقة
