صواني جديده للعشاء بالصور
تتميز الصواني بسرعتها ولذتها ونكهاتها المختلفه
وتنفع غداء وعشاء
صينيه الدجاج بالليمون
صينيه الدجاج بالليمون خطيره وتتميز بطعمها الحامض مع البطاطس, المقادير:دجاج مقطع ومملح وعليه بهار اسود
وفلفل بابريكا بودر ورشه اعشاب
ايطاليه
قطعي كميه بصل شرايح وليمونتين
رصي الدجاج في بايركس وعقب غطيه بشرايح البصل والليمون
حطي ملح وفلفل احمر واسود
ورشه اعشاب
وغطي الصينيه ودخليها الفرن
هنا الصينيه عقب مرور 45 دقيقه
الحين بملقط ارفعي الدجاج على شرايح البصل
عشان تحمير الوجه
دخليها تتحمر
وقدميهاا
رهيبه وخفيفه ولذيذه
بالعافيه على قلوبكم
صينيه الشاورما والدجاج بالمخلل رهيبه
ع المقادير:
قطعي بصل وثوم ناعم واحمسيه
لين صار اشقر ضيفي قطع صدور الدجاج مقطع بطريقه رقيقه
مع قطع الفلفل الرومي
خليه لين ينشف الماء وبهري الدجاج:فلفل احمر مجروش بزار الدجاج ملعقتين خل وهني سر النكهه
الحلوة
نص مكعب ماجي فلفل اسود
وخلطي وخليه يتسبك شوي
وعقب ماتسبك الدجاج طفي النار
ورصيها في بايركس اول طبقه
فوقه طبقه الدجاج والفلفل
فوقه مخلل خيار
نجي للطبقه اللي بنغطي فيها الدجاج:علبه قشطه صغيره 4 ملاعق جبنه بوك بالثوم والاعشاب وجبن
سايل 3 ملاعق وموزريلا مبشور
صبيه على الدجاج ودخليه الفرن
دخليهاا الفرن
صينيه دجاج بخلطه رائعه ورهيبه
ع المقادير:::
في مقلاه احمسي كميه كبيره من شرايح البصل والثوم
لين اشقر ضيفي قطع الدجاج انا شلت الجلد وقليه شوي
بهري الدجاج بمكعب ماجي وبزار دجاج وفلفل اسود وفلفل احمر وملعقتين ماي عشان يتسبك
وغطي الدجاج على نار هاديه لين ينضج
قبل ماتطفي النار بعشر دقايق ضيفي السجق ونص كوب خضار مشكله
وردي غطي الدجاج ينضج السجق
هنا نضج الدجاج والسجق طفي النار
حطي الدجاج في بايركس
مقادير الخلطه الرهيبه:
3ملاعق مايونيز بالثوم
3ملاعق جبن سايل
2ملاعق زبادي
ملعقه طحينيه.ملح .كركم.بزار دجاج.فلفل اسود
تقدرين تضربيهم في الخلاط او باليد مثلي مااحب البقدونس يفرم كثير
نص كوب بقدونس مقطع
خلطي الخليط
وعلى الوجه اغطي الدجاج
حمريها في الفرن بس من قوق
يقدم جانبها الخبز >
صينيه الفرن بالبطاطا وصدور الدجاج
اول شي قطعي بصل ناعم مع ثوم وحمسيه في زيت زيتون
لين يشقر لون البصل
قطعي بطاط حلقات رقيقه
اقلي البطاط
نرجع للبصل لما يشقر ضيفي صدور دجاج مقطعه بشكل طولي ورقيق
لما ينشف ماء الدجاج بهريه
بمكعب ماجي ..فلفل احمر مجروش..بابريكا..اوريجانو…بقد ونس جاف…فلفل اسود
خلطي الدجاج
نجي لسر النكهه الحلوه في الصينيه ضيفي نص كوب زيتون اسود مقطع
ونص كوب فطر شرايح
خلطي المزيج وخليه كم دقيقه على النار
ابشري طماطم كبيره وضيفيها للدجاج
خليه على النار 5 دقايق عقب طفي النار
حطي الدجاج في صينيه الفرن
رصي طبقه الثانيه ..البطاط المقلي حطيه على الدجاج
رشي عليه نص كوب جبن مبشور تشيدر
نجهز الخلطه..3 ملاعق جبن سائل…3 ملاعق قشطة…2 ملعقه مايونيز استخدمت اللي بالفلفل الحار
حطيه على وجه الصينيه
حطي موزريلا على الخلطه
دخليها الفرن اول ولعي النار تحت ربع ساعه تقريبا عقب ولعي فوق
