صغيرات على الحياه / الكاتبه : ام وسن
هذه قصه للكاتبه المبدعه ام وسن وبالرغم من انها الروايه الاولى لها ومع ذلك رائعه
وافكارها جديدة
اترككم الان مع القصة
الجزء الاول
(ان حظي مثل رمل على شوك نثروه***
ثم قالوحفاه في يوم ريح اجمعوه
عجزوعنه ثم قالوااتركوه***
كيف من اتعسه الله انتم تسعدوه)
اموت في هالبيتين واكتبهاعلى كل كتبي وفي اخردفاتري تنهدت وسكرت كتابيب
سكرت كتابي وسمعت صوت رج البيت رج اعرفهاهذي وسن ام لسان شكل عندهاخبرجديد..
طلينا عليهاانا ووداد
خيران شاالله
(وسن)
طنشت حنين وطالعت ودادبخبث:الخبرلك ياجميل!
شهقت وداد:لاتقولين بنشدللرياض
ضحكت عليهاههههههه وانتي الصادقه انتي اللي بتشدين للشرقيه موللرياض الله يوعدناونطلع من هالديره
(وداد)
ياااااه لايكون اللي فبالي تحقق لاارادي احمررر وجهي على هالتفكيرقلت وش قصدك؟
قالت:انور ياحلوه خاطبك وانتضري امي تكلمك هاليومين بس ياويلك ان علمتيهاانك داريه..
وداد:طيب وش دراك..
وسن:انااسترقت السمع على امي وهي تكلم.
حنين:والله انتي يبي لك رجم بشهاب قابس على هالاستراق ودخلت غرفتي
وداد:سكرت باب غرفتي وسيده على الحمام اغسل وجهي الاحمر..اوووف ياانور اخيرتلحلحت بعدعشرين سنه اه اه
(عائلةسعدالتركي)
تركي سنه
نورهسنه
عبدالعزيزسنه
محمدسنه
جواهرسنه
وداد18سنه
حنين 17سنه
وليدسنه
وسن15سنه اخرالعنقود
(عائله تركي التركي)
العنود زوجه تركي
حمدزوج نوره بنت سعد
سلطانه متزوجه سعد ولدعمتها
وعساف ووافي وجواداخر العنقود25سنه
(سعدالتركي)
سالت عن انور ولدخاله بناتي
والكل مدح فيه وباخلاقه بس حاس الولدلسا صغيرعلى الزواج لانه بنفس عمر وداد بس ماحبيت
اقطع بنصيب بناتي_واعطيتهم الموافقه بعد
ماشاورت البنت وامهاواخوانهاوتكتمت عالموضوع لاني خايف من رده فعل اخوي الكبيروماخبرته الابعدماعطيتهم الموافقه وحددناالملكه حتى
ابوي وامي ماقلت لهم الابنفس اليوم بصراحه اناقلقان وماني مرتاح خايف يصيرشي يكدرفرحت بنتي وانامؤمن
ب(واستعينواعلى قضاءحوائجكم بالسروالكتمان)
واحط تركي اخوي امام الامرالواقع مثل يوم ملكت لجواهرعلى ولدصديقي
انامالي اعتراض على عيال اخواني بس ابغى ازوج بناتي من بعيدعشان مايكون بينامشاكل اوقطيعه لاقدرالله
مثل كثير من العوائل اللي تاخذمن بعض خلاص كفايه عليهم نواره بس تركي تفكيره صعب
الله يعدي هاليله على خيروخذت جوالي عشان ادق اعزمه بعدالعصر
سعد:السلام عليكم حياالله ابوحمد
تركي:عليكم السلام تحياوتبقى
وبعدالسلامات وتبادل الاخبار
سعد:العشاعندي الليله عندي ضيوف جايين من الشرقيه
تركي:عساك عالقوه منهم
سعد:خطاب لوداد ولدخالتهاانور
تركي بعدفتره صمت الموضوع ماينقال فالتلفون اناالحين بدق سلف واطلع من الرياض جهزقهوتي ساعه وربع
واناعندك.مع السلامه
تنهدت سعدوماحب يبين لمرته اوبناته شي
(في المجلس)
ابوحمدوعياله حمدوعساف وجوادووافي وقبالهم سعدوعياله
عيال ابوحمدمايدرون عن شي اللي يعرفونه ان عمهم عنده عشاولازم يحضرونه واشتغربوطلعتهم للديره العصرموبعدالمغرب
وتفاجئولماشافوعمهم فهدوولده موجودين
ن
وافي يهمس لعساف بعدماجلسو:عسافوه غريبه عمي فهدجاي من جده عشان عشا؟
عساف:اناحاس فيه شي كايدالله يستر
تكلم ابوحمدبصوت جهوري حاد:انت عارف ان بناتك لعيال عمهن والاتبي اللي صارلجواهريتكرر مره ثانيه
اناسمحب لك يوم زواج جواهرعشان ابوي حلف علي
ماخرب الملكه بس هالمره منيب ساكت..
ردعليه ابوتركي
يابوحمدتعوذمن الشيطان وخل البنت تروح بحال سبيلهاالبنت انامشاورهاوراضيه والناس مواعدهم ومتعنين من الشرقيه والمملك مكلمينه
والعيال رزقهم فيه باقي حنين ووسن توهاصغيره ام اربع طعش
قام ابوحمدمعصب ومعقدحواجبه هذا اخر ردعندك
ابوتركي:هذا اخركلام عندي
طلع من المجلس والتفت قبل لايطلع على اخوه:بهواك ياخوي بس رجلي ماعادهيب دايستن بساطك وبنتناباخذهامعي
وبكره تجيني ورقه طلاقها…
فزتركي:واناوالعنودوش دخلنابينكم مرتي وام ولدي
