شعر غزل عراقي جديد ورومانسى , أحلى غزل رومانسي
سنورد لكم في هذا المقال بعض الابيات الشعريه باللهجه العراقيه التي تتحدث عن الغزل.
هو: اشلونچ يا اعز
الناس عندي
هو: الكلب چم احبيبه عنده
هي: هزني الشوك
عالموعد اتانيك
واعد بيدي الدقايق
وحده وحدة
وحده اثنين
هاي الثالثه تروح
اتاني وصار هالموعد اشبعده
نمت حسبالي
اشوفك بالحلم جاي
وكلت دمعاتي احطهن وسط خده
هو: نمتيه نيالچ غفيتي
وانه ليلي يمر على
عيوني صبح
الينيم ورده ويمسد عليها
مو مثل ليلولي وينيم جرح!!
والغفه بكلمه محنة
مو مثل اللي ينام وبعينه ملح!!
هي: لا حبيبي
انه هذا الليل من يمرني دمعة
وحزن واشواك وحنين
انه عيني عليك ما بطل دمعها
تبچي ما تسكت العين
هو: لا لا تبچين
امسحي دمعتچ
وارجوچ لا تبچين
يل دمعچ جمر
وخدودچ احلى ورود
خايف على اخدودچ من دموع العين
لا تبچين
ورده وتحترك ما تحمل النيران
يذبل كل وركها وتستحي من الطين
هي: وانت تكلي لا تبچين ؟
مو عمري انتهى وايامي كلها تروح
لو راح العمر متكلي اجيبه منين؟
هو: لا تبچين
المن بعد المن تسوه دمعه تطيح
هو ايش باقي بينا
ونحترك كل حين
تعبنا القهر ممشى جزيره وخوف
صار الماضي غلطه وچنه غلطانين !!
لا تبچين لو يسوه العمر يمكن بچينا اسنين
هي: اشلون اتكلي لا تبچين
هو: لا تبچين !!
هي: تدري انت اللي يحب
ما يكدر اعله النار
ويا نار اللي بيه اتفزز الميتين
احتاج الدمع من ما اشوفك يوم
لان يصبح علي اليوم خمس سنين !!
حبيبي لخاطري
لا تبتعد ارجوك
ما احمل فراكك
تدري كلش زين
هو: بس ارجوچ لا تبچين
خوفي انه عليچ من الدمع والله
مرات الدمع
ياخذ حلاه العين
ويل كلچ ترافه ارجوچ لا تبچين
ما احبك جذب صدكني ذايب بيك
واذا ادور عليه بيك تلكاني
واذا هذا الاكوله تظن ابالغ بيه
تكدر تنسحب بس تكدر تنساني
وما اكلك جذب كبلك ما حبيت
بس يوم اللي عرفتك انولدت من ثاني
وهسه اني طفل ما يعرف يضم اسرار
وتلكه البلكلب بسرعه على لساني
احبك كلمه ما تستحقه والله
لان كلمه احبك ما تروي وجداني
وما تهمني حروف الكلمه من تنكال
بس همني الفعل وشتحمل معاني
لان انا من احب اختلف عن الناس
وما اكلك طبع ولا سر رباني
ولا اكلك ملاك اني يفلان
بس تلكه الصدك من تدك بيباني
احبك كالوهه كبلي هواي
وبيه ما اهم واتركه تعاني
عندي لهفه الك شايله من سنين
واظن كلمه احبك ما تطفي نيراني
ما معقول اعوفك وانا لسه اهواك
ماهو انصاف هذا وانا ما قبل
خلص كل شبابي ويا غيرك راح
جاوينك ولك ما جيتني منول
ولو انا اعتقد هذا الجمال البيك
من ربك هبه وما صانعك معمل
خليلك ثقه وخلي اكلب بيك
وتركني بمزاجي كون ما تزعل
اوصفنك وصف ما يخطر على البال
بس كون بشرط كلشي احجي تتقبل
شعرك من تحله ايتيه الخيال
والوادم غفت جن ليلهم جلجل
وخدودك اشاره وكف بيها السير
ورموشك سنابل عوزهن منجل
حزوره الشفايف وانحجت للناس
وما واحد كدر الهسه يلكى الحل
بياضك مو طبيعي ما حواه مخلوق
تعكس بيه الصوره اطلعك اجمل
احط عيني اعله صدرك ونضر المكفاك
حتى الدم اشوفه شلون يتحول
كصت شعرها الخلك بس مو مثل كصتك
وما شفت بين الخلك طولك ولا كصتك
جن انتا ولا انس كلي شني قصتك
عجبني طيفك معاي يبات عجبني
وكلما اروح بدرب الكاك عاجبني
تدري انت شنهو الفتني وبيك عاجبني
عاجبني كلك حلو من جدمكلكصتك
