شعر حزين عن الفقر , طفله يظهر عليها الألم
الشاعر طلال العولقي
الفقر لادك الرجال اشد من حكم القصاص
كم من يمينن طايله قل الدراهم قصها
يثني عزوم اهل الوفاء ويصير للعزم امتصاص
اللي لهم بالمرجله قسمن ومرجع واختصاص عزيمت الوافي كذا من غي رحق امتصها
الفقر من بين العرب من دون عطف اختصها
يوم الردي عن دربهم عاجز ويبحث عن مناص
لاهل السخاواهل الكرم ينظر بنظرات انتقاص وحمر الدراهم بالبنوك اليا جمعها رصها
بعيد عنهم بعد شاطي حقل عن ظلع النماص ماله جدا ياغير عينه بالكرام يبصها
هذا يسامر ضحكته مابين صن وبين هاص مسافتن يبطي عظم مارح يقطع نصها
وهذا يسامر عبرته والهم وابل من رصاص ومابين ديمن ونتبه قدام تلعب قصها
مكتوب له قصه شقى عن دربها ماله خلاص واللقمه اللي في فمه من جور وقته
غصها
الموت في صفحاتها والفقر يقراء نصها
كرامته ماداسها لو يشتغل من فوق باص
نفسها كريمه مادنت عن مد غيره شصها
ماهوسوات اللي دنى ويقول ابي رنجن وشاص
صابرعلى فقره لون الفقر اشد من القصاص واريد ساعه من طويل العمر يلمع فصها
مايطلب العالم لون الفقر يده يقصها
الشاعر بكر السناني
الفقر مشكله العصر يشبه لفلونزا الطيور
وياهل عملنا له حساب في السنين المقبلات
ولانفكر بالمواتر والتطاول في القصور
والكوره اللي للعرب صارت هي ام المشكلات
لستك ومنفوخ هواء يطرد على الملعب يدور
احد يشوته بالقدم واحد رفع له لافتات
لكن هوامير البلد ماعالجت وضع المهور
ومن بينهم ماله مجال ولاله اي مناقشات
واللي يفكر بالزواج يشوف من دنياه جور
ساكن ايجار وساكت وفوقه ديون جايرات
وتشوف هامور البلد دايم يقدم له بخور
وبين الدواير مااشتكى تعطيل اي امعاملات
وماعاملات اهل الفقر تاخذ لها عده شهور
ومعاملات الاغنياء تنجز وفيها توصيات
واللي بليا واسطه يمسك على الشباك دور
يمسك سراء بالدور والابواب عنه امقفلات
ومن كان عالي منصبه تفرش له انواع الزهور
والارصفه له نوروها والدروب المظلمات
ونعمل حساب مناقصه في زخرفه بعض الجسور
ونرضي هوامير البلد في كل شي مناقصات
وفي كل شي مناقصه حتى الحواجز للعبور
والله يوفقنا القناعه والرضاء قبل الممات
واللي ضعيف ومستحق وتعسره بعض الامور
محد نشد عن حالته في فقر ولا في غنات
وان جاك زاير للبلد مايندعي ضمن الحضور
تلقى العزايم كلها لااهل الفلل والماركات
وان حاخ شرهه طيبه تخاشرت فيها النسور
قدام تقضبها يده تجرى عليها الجمركات
تغير اطبوع الملاء واستمهنو دهن السيور
تبغى اتمشي حاجتك خل الدراهم طارفات
وحنا ولاه امورنا تدخل على الشعب السرور
مير البلاء من دونهم فيه اوكلاء مامن ثقات
اهل النذا له والحسد سوات شرطي المرور
اما يوديك السجن ولا عطاك امخالفات
وانته تداري خاطره خايف يوردك الشرور
واليا هرج فيك الحكي عنك العلوم امصدقات
ويا طلبناك العفو وانت القوي انت الغفور
ويا عفوك في نهار الحشر واطلب الثبات
