(الحب المستحيل )
(روايه رومانسيه خياليه )
للكاتبه الريم
:
في البدايه هي روايه قريبه من الواقع لكنها صيغت بالخيال ورسم شخصيات خيالية
فيها رومانسيه من جانب ومن جانب اخر يتخللها الحقد والكراهيه . ويبقى الحب المستحيل .
مستحيل
:
الفصل الاول
في داخل فيلا ابوهشام عائلته جالسه بالصاله ام هشام مع ولدينها هشام و راكان
هشام : يالله يمه متى راح نتفق على موعد الزواج ؟ ترانا مصخناها 3 شهور
وحنا على هالحاله وحتى طلعات محروم منها الصراحه انا طفشت قدموا الزواج احسن
ام هشام : اي والله وانا اقول بعد بس عمك اهو اللي معاند مايبغاك تطلع
معه بنته وماشفتها الا بالملكه وبس ياحسرتي عليك ياوليدي
بو هشام عدل جلسته وحط رجل على رجل : طيب وهذا هو يكلمها ويدق عليها
كل يوم
هشام : لا اله الا الله هذي ومناشبيني عليها بعد
راكان بعد ماوطى صوت التلفزيون : هه الله يعينك ياخوي اقول وشرايك تدق عليها وتحدد
انت معها موعد الزواج .
هشام : والله ماخليت قلت لها بس هي تقول اتفق مع اهلي تقول انا ادرس
والزواج ماتبغاه الا بالعطلة
ام هشام : كيفك انت معها ؟؟ العطله ماباقي لا شي . انا بكلم خالتك
وراح نتفق عالاقل علشان الحجز الفندق و تجهيزاتنا حنا وخواتك .
راكان : عاد رنيم وشوق يبغا لهم سنه كامله يجهزوا نفسهم ماشفت انا ابرد منهم
.
:
اما هالجانب جانب البنات وصداقه حقيقيه بين البنات .
لميس : الو هلا ريناد كيفك ؟
ريناد بصوت مبحوح : هلا بالنور كله انتي كيفك ؟
لميس : والله بخير بس وشفيك اليوم غايبه ؟؟
ريناد: والله تعبانه شويه وحبيت ارتاح بالبيت
لميس : تعب ولا لعب هه
ريناد بجديه : لا تعب من جد
لميس : ايواا اي خلاص السنه ثالث مانبغا نتلعب
ريناد : هه اي والله السنه الماضيه لعبنا ليمن قلنا بس
لميس : المهم سلامات اصلا واضح صوتك راايح والله
ريناد: ايواا ها كيف ابو الهش معك ؟
لميس : اه قلتي لي ابو الهش والله ماعنده الا سالفه الزواج هه
ريناد : هه اي من حقه الولد طفش اطلعي معه لا يشوف غيرك
لميس : والله ماهو كيفي والا انا ودي من زماان ( تنهدت بقووه ) الله
يهدي ابوي بس
ريناد : الله يهنيكم يارب
ام عبدالله تنادي ريناد ريناد ياريناد افتحي .
ريناد : اوكي لموو خالتي تناديني اخليك انا هالحين طيب
لميس : اوكي باي
ريناد : باي
سكرت جوالها وراحت تفتح الباب ,,
ريناد :هلا خالتي حياك .
ام عبدالله : ها بتروحين معنا السوق ولا تعبانه .
ريناد :لا خالتي ماني رايحه ومثل ماقلتي انا تعبانه وودي انام شوي
ام عبدالله : ( احسن ) على راحتك انا رايحه مع اختك ندى
ندى دخلت عليهم . وعاقده حواجبها
ندى : كاني سمعت اسمي خير ؟؟
ريناد : اقول ندو ماني رايحه السوق معكم . بس لاتنسين اللي قلت لك اشتريه
طيب
ام عبدالله : مانتي رايحه وتبغينها تشتري لك لا ليمن تروحين معنا يوم ثاني اشتري
اللي تبغي
ريناد انحرجت مرره ونزلت راسها : طيب
ندى غمزت لريناد : والله ؟؟ منتي رايحه لا ياعيوني ماني جايبه لك شي !!
ريناد رقيقه وحساسه مرره )ردت بهدوء : اوكي خلاص لاتشترين لي شي يمكن اروح بكره
و اش .
ندى قاطعتها وقربت منها فديت الدلوعه انا (حطت ايدها على ظهرها )ولا يهمك انتي امري
تدللي كم رنوود عندي ؟ !!
ام عبدالله : ياندى خلاص قالت لك بكره بتروح (وقفت واتوجهت للباب ) يالله بسرعه
لا نتاخر روحي اجهزي
ندى : (بصوت عالي ) لسا عبدالله اخوي ماجا ؟
ام عبدالله : هو قال راح يدق ليمن يجي ونطلع .
ندى : اوكي جايه . (وقفت وقبل لاتطلع ) : رنوود بيبي (هذا لقب ريناد
هه هي مثل البيبي براءه ووجها طفولي ) ارتاحي وان ماتحسنتي راح اوديك المستشفى طيب
. وطلعت . من الغرفة
ريناد بعد ماطلعوا راحت انسدحت عالسرير وتنهدت (ااه ياماما وينك تركتيني وانا بامس الحاجه لك
)
:
ندى تكلم امهاا : ماما وش ذا الكلام اللي قلتيه لريناد ؟
ام عبدالله : اي كلام ؟ وانا وشقلت ؟؟
ندى : ماما انتي ماتعرفين ان ريناد حساسه من اول مادخلت هالبيت بعد وفاه امها
الله يرحمها وانتي تعاملينها كذا بقساوه . (مسكت ايد امها ) حني عليها شويه عوضيها
عن حنان امها
ام عبدالله : افف عليك ياندى ماسويت لها شي ؟ كلمه كلمتين قلتي حني عليها
!! انا ماادري وش حصل ابوك من امها جابت له هالبنت ( تهز راسها )
وراحت !!
ندى : (بصوت عالي ) ماما قولي الله يرحمها مهما يكون هذي زوجه بابا وثانيا
انا وريناد اكثر من خوات . و .
ام عبدالله : اسكتي هذا اخوك دق يالله نطلع وبس بلا هذره زايده
:
رنيم وهي رافعه بايدهاا مجله ازياء : شوق وشرايك بهالموديل ؟؟
شوق : لزواج هشاام ؟؟
رنيم : وش رايك يعني لزواجك هه
شوق : (عقدت مابين حواجبها) امم مو حلوو
: بالعكس يجنن الصراحه ماعندكم ذووق اباافصل مثله
شوق : دامه عاجبك ليه توريني اياه وتاخذي رايي ؟
رنيم : . ( تتصفح بين هالمجلات المكدسه عالطاوله ومو معطتها وجه )
شوق : انا رايحه لاخوي راكان اقوله يطلعني قبل المغرب . وشرايك تطلعي معي ؟
رنيم : على وين انشالله ؟
شوق : امم والله بشوف اول خليه بس يوافق يطلعنا
رنيم : ماني طالعه عارفه راكان ماراح يطلعنا
شوق :ايا الدبه انشالله بس يوافق واطلع معه واحرك هه يالدبه
رنيم : الا محترره من جسمي انتي !( رنيم جسمها حلوو كثير وانحف من شوق
واجمل منها )
شوق : انا بشترك في نادي وبسوي سبورت وبطلع انحف منك واحلى بعد
رنيم : هه انحف ممكن بس احلى ماتوقع هه
شوق : اقول بلا غروور يا رنووم
رنيم تتنهد : يحق لي
:
وبغرفه راكان . الولد الحبوب في العائله او الدلوع مثل ماهم يسمونه .
راكان (باستهزاء ): ايش ايش ؟؟ وينت تبغين تروحين ؟ ماسمعت !!!
شوق ) تتمسكن ) : تكفى عااد ودني السوق طفشانه مرره
راكان : والسواق وينه فيه ؟
شوق : لا مااحب اطلع مع السواق وثانيا السواق راح يوصل ماما بيت عمي
راكان : شوفي انا اكره ماعندي السوق وخرابيطكم يالبنات
شوق : والله بس نتمشى اباغير جوو نشرب كافي شي .
راكان : واللي بيغير جو يروح السووق
شوق : بلاك مادريت هالايام اصلا التمشيات بس في المجمعات ومن مطعم لمطعم
راكان : هه من جدك انتي والله ناس فااضيه . المهم بلا هذره انا بيمرني
واحد من الشباب
شوق : لاتقول عميد كل شوي وراز وجهه عندنا
راكان : مالك دخل وثانيا اسمه عمااد روحي لغرفتك وانتي ساكته وسكري الباب وراك .
شوق : توجهت للباب : افف ياربي طفشاانة
راكان : شوااقه اوعدك لفضيت اطلعك طيب
شوق : يابعدي والله هذا راكان اللي اعرفه
راكان : ( بابتسامه ) : اووكي سكري الباب
:
ريناد متكيه عالسرير ومقهووره من داخل وماسكه صوره امها ( اه ياماما وينك عني تدرين
ان بابا بعد مارحتي ماهوداري عني ابد وخالتي ام عبدالله كل شويه وتجرح فيني والله
طفشت من كل حاجه . ماما ليه تركتيني لوحدي . خذيني معك بلييز ) نزلت
دموعها على خودها الناعمه وغمضت عيونها العسليه وناامت ,,
(( ريناد كانت امها كل شي بحياتها وكل حاجه كانت تقول لها وتستشيرها فيه واي
حاجه تطلبها ماتردها كانت دلووعه من امهاا ولان جمالها طفولي يخلي امها تدللها وتعاملها كانها
طفله بريئه وتعوضها عن غياب ابوها اللي كان وقته مقضيه اكثر عند زوجته الاولى ام
عبدالله . ))
:
ام هشام مع ام عصام :
ام هشام ها ياام عصام خلينا نتفق على موعد الزواج ؟؟ ولدي مستعجل يبغى يتزوج
ويسافر تعرفين هو عنده بعثه لامريكا .
ام عصام : لا تذكريني . هذي اخر العنقوود . والله ابكي هالحين ماودي افارقها
ام هشام : اذكري ربك يعني انا اللي ودي افارق هشام هم اهو ولدي الكبير
والسند لي ولاخوانه الله يحفظهم انشالله
ام عصام : ان شالله . والزواج مافيه الا بالاجازه تعرفين بنتي اخر سنه لها
بالثانويه ومانبغى نخرب عليها ابد
ام هشام : وحنا نقول بعد ببدايه الاجازه يكون الزواج يعني على شهر جمادى ثاني
وراح نشوف اليوم المناسب
:
دخلت عليهم لميس وبدلع : اووه خالتو هناا : هلا والله كيفك وكيف عمي .
ام هشام : بخير ربي يسلمك . كيفك انتي بالدراسة
لميس : الحمد لله( تتلفت يمين ويسار ) وين شواقه ورنووما ؟؟ ماجاو معك ؟؟
ام هشام : لا انا جايه بلحالي البنات خليهم يذاكروون احسن لهم هه
لميس ضحكت: هه اجل وانا رايحه اذاكر بعد
ام عصام : لميس زواجكم شهر جمادى خلاص
لميس احمر وجههاا: ها طيب انا مايمديني اجهز يبغالي عالاقل شهر اجهز قبل الموعد وانا
هالحين مااقدر اخر سنه هذي مو لعبة
ام عصام : بشويش عليينا ترى في مجال انشالله زواجك جمادى ثاني مو اول
لميس ( قمه الاحراج ) : اهاا
ام عصام وام هشام هه
ام هشام : اقول لموو دقي على هشام يمرني الحين و السواق راح شكله
لميس : طيب خالتوو وطلعت برى بالحديقه تكلمه
:
لميس بصوت ناعم هلا هشووم
هشام بلهفه ياهلا والله هلا بقلبي والله
لميس كيفك ؟
هشام بخير بس مشتااق لك مرره
لميس : ( وانا اكثرر والله ) : تشتاق لك العافيه
هشام (بخبث ) : بس العافيه اللي تشتاق لي ؟؟
لميس (وجهها قلب احممر وبصوت واطي ) امم وانا بعد اشتقت لك
هشام : امووت بالحياويه انا والله ماادري متى نتزوج واشوفك
لميس : هانت كلها كم شهر بس واكون جنبك
هشام : خلاص قررتوا جمادى ثاني
لميس : ايواا خلاص اتفقوا
هشام : اهم شي عمي ؟
لميس : هه ايوه هو قال لماما جمادى ثاني الزواج احسن ببدايه الاجازة
هشام : اي مو يعاند مثل كل مرره حنا بالموت ملكنا بعد
لميس : هه اي والله بابا يعااند مرره زين مخليني اكلمك
هشام : اي والله اصلا تدرين لو رافض اكلمك كان ادور لي وحده ثانيه احسن
لي
لميس : اييش ؟ وش قلت ؟؟ ( ماادري اجي لك اذبحك هالحين )
هشام : هه امزح معك والله لو يجبون لي هيفاء وهبي ماابغاك الا انتي
لميس : وع مابغيت الا هيفاا مااحبهاا
هشام : هه
لميس : ( فديت هالضحكه )
ام عصام تطل من الباب الرئيسي ها لمووسا وش سويتي بيجي الحين هشام خالتك مستعجله
تقول !!
لميس (التفتت لامها ) : وبصوت عالي اي لحظه ماما جاية
لميس : هشام حياتي نسيت اقولك خالتي تبغاك تمرها هالحين
هشام : لعيوونك اترك اللي في ايدي واجي واالله
لميس : تسلم لي عيوونك والله
الفصل الثااني
راكان مع صاحبه عماد بمجس الرجال
وقالبينهاا ضحك وسواليف واستهزااء
راكان وعماد : هه
عماد : والله قهرتني خليتها تولي ومشيت
راكان : انت ماتترك سوالفك وخرابيطك هذي ؟
عماد : لا خلنا ننبسط بهالدنيا وش وراانا
راكان : هه انت ماوراك شي بس انا وراي الباب
عماد : انت وراك الباب وانا وراي النافذه هه (( بدوا يستهبلوون ))
راكان : هه شفت الدكتور اليوم يوم طااح خخ
عماد : احسن والله يستاهل والله كل شوي ( يقلد صوته الخشن ) اسكت انت
معه
راكان : هه بصراحه انت مصختها معه
عماد : يولي ماعلي منه خليه يسوي اللي يبغا
راكان : الله انت مو هامك شي ابدد . الا هالماصخ فصول ماجا ؟؟
عماد : ماادري عنه قوم بس نطلع احسن تاخرناا
راكان : اووكي بس وين بنروح هالمره
عماد : ماعليك اظبطك مكان كله دلع هه بنات × بناات
راكان : هذا اللي مقطع قلبك
عماد : هه اسمع من يتكلم ماكانك مطيح بالنت وهالماسنجر
راكان : احلف عااد . انا مااعندي خرابيط مثلك
عماد : اي هين
:
بالمجمع
ام عبدالله : اووه ياندوو تعبت بروح انا اجلس بهالكراسي وانتي كملي
ندى : يالله هذا للي ماابغاه لو جايه مع رنووداا احسن لي
ام عبدالله : امشي بس اجلسي معي ودقي على عبدالله
ندى : انا لا ويه وين اجلس . شايفتني عجووز قدامك . بروح اكمل شوبينغ
وبعدين بدق عليه
ام عبدالله : احترمي نفسك اا معي الروماتيزيوم مو كبرت وعجزت
ندى : ( تهز راسه بالنفي ) امزح معك يالغاليه ماكنت اقصد المهم انا رايحه
اكمل قبل لا يسكرون للصلاه وراجعه على طول
ام عبدالله : انتبهي لنفسك ولا تتاخرين بسرعة
ندى : طيب ماما
اتجهت للمصعد تبغا روح للدور الثاني شافت 2 من الشباب طالعين من المصعد ( الاصنصير
) راكان . وعماد
طلعوا ودخلت . وضغطت 2 وتسكر الباب
عماد شهق ياحلااتها تذبح
راكان وانت شايفهاا علشان تحكم كلها اسود باسود
عماد يلاحقها بعيونه تكفي بس عيوونها وجسمها
راكان ( باستغراب ) امداك هالحين شفت عيونهاا
عماد هه خبره افا عليك
راكان هه
عماد وشرايك نروح فوق نشوفها وين
راكان انا بس بشوف اخرتها معك
ودخلوا المصعد ثانيه
ندى طلعت من محل ورايحه لمحل ثاني ,, وهي تتمشى وبايدها كيس انتبهت ان في
حد يلاحقهاا بس طنشت وكملت . ودخلت محل (نكست) .
اختارت لها كم بلوزه وبناطيل وراحت تحاسب
المحاسب حسابك 959 ريال
طلعت من محفظتها بطاقه الصراف عطت المحاسب واكتبت الباسورد وبعد لحظه اخذت الفاتوره والكيس وطلعت
. وعماد وراكان يتمشون ورااها
راكان اقول شييل عنها الاكياس وش كثررهم
عماد هه ياعيني بديت تفهم
راكان احلف عااد . شوف شكلها بتطيح مسخرره هه
عماد انقلع بس
فجاه وتلتفت عليهم ندى وبعدين معكم ؟؟ من جيت وانتم وراي ؟؟ وش تبوون ؟؟
راكان ارتبك وانحررج
عماد ياحلاتك وانتي معصبه !! (رفع صوته شوي ) والله بس كذا حنا نتمشى
ندى ابعدوا عني لاجيب لكم الهيئه هالحين
راكان يمسك عماد من يده ,, امش وبلا مشاكل
عماد يالجبان انتظر اوريك وش بسوي ؟!!
ندى عصبت ,, اخذت الجوال من شنطتها تبغا تدق على عبدالله : الحين اخليه يجيكم
من تحت
عماد لا بلاش اتصالات ياقمر . بس الصراحه جوالك رهييب يناسبك مرره
جوالها موتوريلا الفووشي
ناظرت فيه ( عماد اسمراني ومملوح وطويل وشعره كثيف وناعم لابس ثوب ابيض ) وطالعته
من تحت لفوق ليمن وصلت لعيونه .
ندى تهز راسها وبصوت وااطي : وبعدين معك ؟؟
عماد : ارتبك كثيير بعد ماناظرته . شوي الا هو مبتعد عنها بعد ماحركت مشاعر
دفينه بقلبه ( ايا بنت اللذين طيرتي عقلي )
راكان شبلاك انت ؟ (مسك يده بقووه ومشى ) وشفيك مفهي ؟؟
عماد ااه ياراكان احس اني حبيتها
راكان هه ( التفت عليه ) من جدك انت ؟؟
عماد ماشفتها اول ماناظرتي حسيت باحساس غيير
راكان بلا حكي فاضي . انت اصلا كل يوم مع وحده
عماد ( انفعل من كلامه وعصب رمى الجوال (الدمعه ) اللي كان بيده عالارض بقووه
ليمن انكسر )
راكان اعصابك وشفيك ؟؟
عماد بعد ماهدا هذي غير هذي غير كل البنات اللي اعرفهم ياراكان هذي اللي كت
ادور عليها من زمان . (التفتت ورا ) ابروح اتكلم معها .
راكان وين تعاال بتلم عليك الهيئه هالحين
تراجع عماد : طيب انا بنتظرها برى ليمن تطلع
راكان اشك انك عااقل الحين
عماد انت وش عرفك ؟؟ عن اللي حاس فيه ( امووت واعرف انتي من بنته
؟؟ )
:
ندى وهي نازله من المصعد )ياربي يجنن وش حلاه عيونه . بس قليل ادب هه
) : اووه نسيت مامي الحين بتعصب علي . خلني ادق على عبدالله من هالحين
.
( عبدالله متزوج وعنده ولد (ريان 6 سنوات ) وبنت (روان 4 سنوات )
وهو بالبيت :
ريان بابا شوف روان اخذت (القيم بوي ) حقي قول لها تعطيني ايااه
روان بس شويه وارجعه
عبدالله خلاص ريان خلها تلعب شوي وترجعه لك اووكي حبيبي
روان مدت لسانها على اخوهاا : هه
عبدالله عيب رواان . ريان وين ماما ؟؟
ريان ماادري بس يمكن بفرفتكم
عبدالله راح للغرفه ولماا دخل الغرفة
وينك انتي مخليتني مع هالبزارين ؟؟
خلود بعد ما سكرت الاستشوار هه هذولا عيالك حياتي
عبدالله لا تقولي بتطلعين هالحين ؟
خلود ليه يعني مااستشور الا اذا بطلع ؟؟
عبدالله بس غريبه ماقلتي بتطلعين حتى السوق مارحتي مع ندى وامي ؟؟
خلود لا مالي خلق توني مخلصه تحضير ( خلود مدرسه في رياض اطفال ) ومرره
تعبانة
قرب منهاا ومن ظهرهاا وش اللي متعبك يابعد قلبي ؟
خلود ابعد ,, رايحه البس . ( لابسه بالطوا الحمام )
عبدالله قرب منها اكثر وهمس في اذنها احبك
انفتح باب الغرفه وابتعد عن خلوود .
روان بابا خذ جوالك تبغاك عمتي ندوو
عبدالله كم مره قايل لك اضربي الباب قبل لاتدخلين ؟؟ عييب يابابا
اخذ الجوال ايوا هلا اجيكم ؟؟
ماادري متى يجي السواق وافتك من هالمشاوير اوكي 10 دقايق وانا عندكم باي
روان بابا ابغا اروح معك علشان تشتري لي قيم بوي
عبدالله لا حياتي روونه انا مستعجل الحين بعدين اشتري لك طيب
خلود بعد ماطلعت من غربه التبديل :
روان ماماا . قولي له
خلود نزلت لعند روان ومسكت خدودها بيدهاا بحناان خلاص حياتي انتي بكره اخلي البابا يجيب
لك طيب
صح عبوودي بتجيب لها بكره؟
عبدالله (بصوت واطي ) عييب البنت هنا وانتي عبوودي !!
خلود هه والله مو جاي عليك بو ريان يكبرك مرره خخ
عبدالله الا قولي يكبرك انتي انا عاادي بالعكس حلوو بو ريان
خلود ( بدلع ) لا والله انا بظل صغيرره هه
عبدالله راايقه ام ريان وش الطاري عليك ؟؟
خلود ( تتمسخر ) سلامتك بوريان هه اقول منت رايح تجيبهم ؟؟
عبدالله ( شهق لما ناظر ساعته ) حسبي الله على ابليسكم نسيتووني ( طلع من
الغرفه وبسررعه )
خلود هه (ياقلبي انت )
:
هشام وام هشام وهما داخلين البيت .
هشام يمه ابوي دق وقال انه معزووم اليوم بالشاليهات مع ربعه ش رايكم اطلعكم المطعم
ام هشام غريبه ماقالي .
هشام وهذا انا قلت لك ها بتروحون ولا اطلع مع الشباب ؟
ام هشام اكيد . شواقه ورنييم طفشاانين مرره
هشام خلاص عا9 قولي لهم
ام هشام فيك الخير والله ( رفعت كفوفهاا تدعي ) الله لايحرمنا منك وانشالله تتهنا
بحياتك يارب
هشام اووه كل هالدعوات لي لو ادري قايل لك نطلعكم من زمان.
ام هشام هه مدام فيها طلعات ابشر كل يوم راح ادعي لك باللي يسرك
هشام تكفين يمه لاتنسين لموو
ام هشام هه ماشفتها اليوم والله طالعه قمرر ماشالله طول شعرهاا وحليانه مرره ( تبغا
تقهرره شوي )
هشام اه يايمه لاتقهريني بس لا الحين اروح واشوفها غصب على عمي هذاا
ام هشام هه
رنيم وشوق نزلوا من فووق . ضحكونا معكم
هشام ( التفت بسررعه ) يمه بسم الله من وين جيتوا انتوا
شوق من بطن ماما هه
هشام احلفي عااد
رنيم ماما ليه ماخليتينا نروح بيت عمي طفشنا من البيت وماقبالي الا شوويقه
شوق احمدي ربك معطتك وجه وجالسه عندك بالغرفه
ام هشام اسكتي انتي معهاا . اقولكم اليوم بيطلعكم ابو الهش وش تبون بعد !!؟؟
رنيم وشوق ويين ؟؟
هشام اولا ذاكرتواا منيح هه لهجه سوريه يتميلح
رنيم ا افا عليك حفظت الكتب كلهاا
شوق الملزمه مافارقت ايدي جلست جنب اخوهاا ها وين بتطلعنا هشووم ؟؟
ام هشام بنروح المطعم نتعشاا
شوق صحيح زين مااكلت شي من بعد الغدا
رنيم ماعندكم سالفه فكرتكم بتطلعونا الشاليه او رحله للبحر عالاقل .
ام هشام ابوك بالشاليهات
شوق حاصلتك طلعه وترفضين مع وجهك ؟
هشام لا وهشاام بكبره بيوديكم !!
رنيم ( قامت من مكانهاا ) لا ماني رايحه اجلس اذاكر احسن وخلوا العشا لكم
ام هشام على كيفك خلي (مريان ) طباخه لبنانيه ) تصلح لك عشاا
شوق خليها توولي اهي الخسررانه
رنيم ضفي وجهك عني ولا تدخلين فيني
هشام بس انتي معها مااكانكم خوات كل وحده لسانها اطول من الثاني
:
ندى بعد ماطلعت فوق وهي بالصاله جالسه ومعها امها ويشوفون الي اشترواا
ندى وشرايك ماما يجنن هالعطر شميه
ام عبدالله قربت انفها من العطر ورشرشت بثيابهاا كثيير امم حلوو
ندى بس بس كاافي مو هالكثر هذا مركز الحين بتعطسين لنا
عبدالله هه
ندى اخذت كيس عن اذنكم رايحه لرنوود بيبي .
ام عبدالله روحي لها وقولي لها تنزل اليوم تتعشا لا ينشبنا ابوك
ندى طييب (ومشت . )
عبدالله وشفيها ماراحت المدرسه اليوم ريناد ؟
ام عبدالله دلع بناات وماخذين الدراسه لعب
عبدالله بالعكس ريناد مافي حد مثلها ممتازه ماشالله
يمه حنني هالقلب عليهاا ريناد مالها الا حنا وحنا اهلها غصب على الكل
ام عبدالله ( تركت الجلابيه اللي بيدها ) يالله وانتم كلكم ضدي ؟؟
عبدالله يمه خلاص اللي راح راح وابوي ماتزوج الا لظروف مايعلم فيها الا الله
ام عبدالله اووف انا رايحه غرفتي احسن
:
ندى دخلت غرفه ريناد ,, ( غرفتها نعوومه مثلها كل حاجه وردي × ابيض سااتان
نااعم ووااسعه وفيها دببه كثيير كانها غرفه طفله هالغرفه كانت ريناد تحلم فيها وهي ببيت
امها . كانت غرفتها في بيت امها بسيطه كثيير )
قربت من السرير وشافتها نايمه وبحظنها صوره امها شالتها بشويش وحطتها داخل الدرج . وسكرته
قربت من اذن ريناد وبصوت وااطي ,, (ريناد. ريناد ) ومسحت على شعرهاا رنود قومي
بسك نووم
ريناد انتبهت ان في حد جنبها فتحت عيونها بثقل . وبصوت وااطي ومبحوح : ندى
ندى اي ندى يالبايخه وشذالنوم مع وجهك ؟؟ شوفي الساعه كم 7 .
ريناد اووه يالله قايمه اروح اصلي المغرب نزلت من السرير
ندى تعالي شوفي وش جايبه لك ؟؟
ريناد ( بهدوء ) : شنوو
ندى لا اول حاجه عدلي مزاجك هالكئييب وابتسمي
ريناد ابتسمت ابتسامه بريئه مثل الاطفاال
ندى ايواا كذا يااعسل
( ريناد انبسطت من معامله ندى لها كانت تعاملها بكل حب وحنان من اول مادخلت
ريناد هالبيت ولان ندى شخصيتها مررحه وعفوويه وتحب اللي حواليها بسهوله )
ندى طلعت لها بلوزه وبنطلون برمودا من الكيس وافرشتهم عالسرير وبجنبهم اكسسوارات ها وشرايك
ريناد جناان ذوقك خطيير
ندى البلوزه من اللون اللي يحبه قلبك البينك( اما البنطلون كان لونه بيج )
ريناد ( قربت منها وضمتهاا ) الله لايحرمني منك ياندى
ندى شنو شنو ندى ؟؟ دلعيني ويا وجهك قولي ندووش
ريناد ابتسمت وبعدت منهاا شووي ياحياتي ياندووش
ندى البسيه الليله طيب
ريناد ليه ؟
ندى لا بس بيجون صاحباتي وبتجي احم احم ريهام تبغا تسلم عليك غايبه عنها اليوم
ريناد ياقلبي على ريهام وحشتني لو اغيب بعد بكرا بتستخف مع رنييم هه
ندى هه اي اليوم متشتته هي بالمرسة
ريناد هه
ندى ماقلت لك اليوم بالمجمع وشصار معي ؟؟
ريناد (بحماس ) وش صاار
قالت لها السالفه كلها
ريناد هه خاف منك اجل ؟
ندى ايووه بس والله لما ناظرته بجراه ارتبك وراح مع خويه هه والله لو شايفته
متي ضحك عليه
ريناد هه اكيد انهبل مع عيونك الذبلاانه هه
ندى عماا بس والله يا رنووداا يجنن يهببل
ريناد لا يحلووه كان لحقتيه وبادلتي بالادوار اقوول اركدي بس
ندى هه وانا وش قلت ؟؟؟ المهم اجهزي عا8 راح يجوواا لموو وريهام طيب
ريناد اووكي اصلي واجهز
:
الفصل الثاالث قريبا
