خواطر في رثاء الشهداء
ساد الحزن .. ثم ضاقت ارجاء الوطن
و الهم كايد .. و انفتح له كل باب !!
و العبد يبلى بالمصايب و المحن
و مال النفوس الا الصبر والاحتساب !!
هذي الحياه .. و تالي الدنيا كفن
عفوك يا رب و رحمتك يوم الحساب !!
يالله دخيلك .. ما بقى فيها ثمن
الا العمل لرضاك .. هو نعم الزهاب !!
ما ياخذ ابن ادم من الدنيا وزن
لا المال ينفع له .. ولا لاصله يثاب !!
لا الزوج يشفع له .. ولا حتى الابن
كل على نفسه لاجل ينجى العذاب !!
والموت حاصل ما يبي منا اذن
و مال البشر دونه مفر و لا ذهاب !!
رحمتك يا ربي على ابطال الامن
كل فدى بروحه لاجل هذا التراب !!
استشهدوا بالروح , و ساقوها رهن
لاجل الامن يبقى على هام السحاب !!
على الشهاده تشفق الروح و تحن
و على النصر تنصى المهالك و الصعاب !!
ما فيهم اللي عن مواقيفه **ن
ابطالنا اللي لا تذل و لا تهاب !!
نامت عيون .. وهم ما طاب الجفن
بالنوم .. حتى لو دقايق ما استطاب !!
تسهر على راحه شعب / راحه وطن
ضد الوجيه اللي سعت درب الخراب !!
ما خابت الهقوات لو جار الزمن
و اليا دعاهم داعي الواجب يجاب !!
تبت يدين اللي على الجندي عدن
و خابت ظنون اللي توهم بالسراب !!
يا رب ما خيبت من فيك استعن
يالله عسى دعواي عندك تستجاب !!
يالله عسى منزالهم جنات عدن
ابطالنا اللي لا تذل و لا تهاب !!
- خواطر عن الشهداء
- اشعار عن العيون الزرقاء
- صور خواطر مؤثره
