خلك سما واترك القاع للقاع , شعر يفهمه العقلاء فقط
اصعد سما واترك هل القاع للقاع
وارفع حجاجك للنجوم المطله
وخلك مثل ماقيل للعزم بتاع
مافيه صعب الا وربك يحله
واصبر ولا تبدي همومك والاوجاع
يشمت بك الحاسد وعرضك يفله
وخلك سوات طويق ثابت ماينزاع
ومهما حصل لايتضح فيك خله
والرجل مايلطم عيونه بالاصباع
والحكي مايرفع عفون المذله
ومن خل في دينه تردى ولا طاع
ابعد عن الفاسد وجنب محله
ترى الرجال اشكال واجناس وانواع
مثل المعادن والمعادن مقله
فيهم مروين الهنادى بالاوقاع
وفيهم كريم كل ربعه تجله
وفيهم سديد الراي ويدل الاسناع
حكمه وحلم والقداء منهج له
وفيهم هل الطاعه وفيين الاطباع
بيض الوجيه الدين فيهم جبله
وفيهم لبيب لوالدينه ومطواع
بياض وجهه ناصع في سجله
وفيهم شريف صان عرضه عن الناع
ماوطي باقدامه ولا درب زله
ولا انسى رجال العلم في كل الاوضاع
عماد الامه والوفاء هم هل له
والباقي احياء شبه الاموات رتاع
نقص على الحيين في كل مله
ياهيه ياللي تطلب العز جزاع
سلايل الامجاد سيف وسله
العلم من يتبع مباديه ماضاع
والدين نور من تقداه دله
والصدق فان الصدق كالبدر لماع
وحفظ اللسان من الهروج المزله
وترى المعالي دونها يقصر ابواع
ويطولها من صامل القوم قله
وحفظ الشرف والنفس عن كل الاطماع
يسعد بها الانسان في العمر كله
هذا وانا من كثر ماشفت مرتاع
من وقتنا اللي كل كفو يذله
وصلوا على اللي بالهدى نوره انشاع
شفيع الامه والبشر منصت له
- خلك سما واترك القاع للقاع مزخرفه
- خلك سما
- صور خلك سما واترك القاع للقاع
- صور خلك سما وترك القاع للقاع
- اشعار خلك مع اللي
- جرحن تداويه الليالي والايام وجرحن مع الايام يزداد عله
- خلك سما واترك
- خلك سما واترك القاع
- خلك سما واترك القاع للقاع
- خلك سماء وترك القاع للقاع
