وبركاته
يسعد ايامكم جميعا يااارب..
سر ومكونات غالبيه خلطات التجميل الخاصة
سر ومكونات غالبيه خلطات التجميل المنتشره بالكويت الان
السلام عليكم جايبه لكم هديه حلوه واهي خلطه ممتازه لتبييض الجسم باسبوع وهذي الخلطه امانه
منقوله من منتدى خلطتها وجربتها وصرت فعلا لمبه والق
ها
بس الاحلى من جذي انها صحيه وما فيها كورتيزونات او بلاوي بس راح اكتبها باخر
موضوعي او تقريري .
في البدايه راح اقولكم ليش كتبت هذا التقرير
لان رفيجتي وصديقتي اصيبت بفشل كلوي **احب له البهاق اللي شوه جسمها وتدعي على صاحبه
الخلطة. الخلطه استخدمتها قبل سنه بس ما طلع عليها الا الحين وبعد فحص الدكتور وعمل
الاختبارات اللازمه قالها في نسبه كورتيزون مرتفعه عندج اضرت بجهازج المناعي شنو استخدمتي ؟؟ قالتله
خلطه تبيض قبل سنه
قالها هذي هي السبب وبعضهم ما يطلع عليها الا بعد 5 سنين على حسب مرات
الاستخدام وحسب مناعه الجسم
انا اعرف شنو هي خلطات التبييض تقريبا كلها ( انا قلت تقريبا) عشان ما يزعلون
العضوات التاجرات لاني ما جربت شغلهم ولا اعرف شنو امانه وما ابي اعمم واظلم صاحبات
الضمير منهم.
– خلطات التبييض الدارجه في الكويت عند غالبيه الحريم واللي احذر منها تنقسم الى a
و b و c
نبدا بخلطه a وهي الدارجه والقويه والبياض اقل من خمس ايام ( يعني اول شي
نزل ويسمونها خلطه السبع كريمات وتشترينها من الحواج بسعر رمزي جدا جدا وليست مرخصه وفيها
نسب كورتيزون عاليه) وتحتوي :
1- كريم ( رويكو)
2- ؟
3- كريم فير اند لفلي
4- ؟
5- كريم مينو
6- كريم بين
7 -؟
8- ؟
9- ؟
(( انا مسحت بعض اسماء الكريمات خوفا من عديمات الضمير)))
الخلطه b :
*** فيها كوريتزون قوي وضار بس مو مثل الخلطه السابقه ونتايجها باسبوع تصيرين لمبه
2 فير اند لفلي حجم صغير….2 يعني انبوبين هو يجي على شكل انبوب
2=علبتين كريم روز
1-علبه كريم ديانا
نص علبه كريم كيري
ملعقه جلسرين
كريم الحساسيه راح تلاقيه في الصيدليه
الخلطه c :
وهذي مثل ما يسمونها خلطبيطه وتحتوي على احد او اثنين من هالكريمات او كلها مجتمعه
اذا كانت صاحبه الخلطه مجرمه + الخلطه a :
1- كريم ريكو.
2- كريم منيرفا
3- كريم ريو
((( الان بعد ما ذكرت هالكريمات وجميعها من العطار وغير مرخصه وتحمل نسب عاليةمن الكورتيزون
انصح كل وحده ناويه تاخذ خلطات تبييض انها قبل لا تشتريها , تشتري هالكريمات وتطبق
الخلطه a بروح بعلبه , والخلطه b بروح بعلبة
وتخلي باقي كريمات الخلطه c على جنب بدون خلط والسبب راح اقوله لكم.
انتي اشتري الخلطه وشوفيها اقرب لاي خلطه وشميها وبعدين اذا نفس اي وحده فيهم تكوني
عرفتي مكوناتها وقطيها بال**اله
اما اذا شميتي ريحه غريبه داخل الخلطه وبتعرفين شنو , قومي بطلي الكريمات اللي على
جنب وشمي واحد واحد وزيدي كريم كريم لما توصلين لخلطه التبييض الخلطبيطه المجرمه. ))))
عموما ما كتبت هالتقرير الا لاكون من الناصحين ( وحرام حرام اذا تتاجرون بعافيه ومضره
الناس وهمكم الفلوس والربح صدقيني ربج راح يرسل عليج امراض تصرفين ربحج اللي ربحتيه عليها))
هذا الكلام اكرر واقول مو لكل الحريم ولكل الخلطات بس موجه لعديمي الضمير.
والمشكله المره لاتصلتي عليها تقولج اشكره هي كريمات طبيه مخلوطه ( ليش الاخت دكتوره والا
فاتحه معمل) هذي اللي عندها ضمير بس بعضهم تقولج لا ما فيها كريمات طبيه هي
خلطه وبس لا تسالين عن التركيبه ,, وتصرح من عندها عادي استخدميها للاطفال والكبار والحوامل
وكل من هب ودب.
انا بعد ما عرفت هالتركيبه دقدقت على اكثر من 20 مره تبيع خلطات وبالاخر اطلعت
اهي ورديتها مع المندوب ( لا وبعد السعر غالي والكميه شويه ) وانتي بهالسعر تترسين
قدر,, بس اعوذ بالله استخدمها شنو انتحارية. الجسم امانه تدرون ان الجلد مع الكورتزون يترقرق
ويصير فيه بهق وبرص على اقل شي واللي اردى يكون اجسام مضاده تهاجم الجسم وتنقص
المناعه وفوق هذا سبب للاصابه بالسرطانات اللي منتشره بكثره. الله يكافينا شرها ..
انا اخذت هالخلطات للمختبر والنتيجه تقرير كالتالي وراح اصدمكم:
الخلطه تحتوي على التالي :
1- لا تستخدم لجميع الاعمار وللحامل
2- مخلوطه بكريمات مجهوله يسبب اختلاطها بالكورتيزون اضرار مستقبلية.
3- تحتوي على كورتيزون مركز بنسب عاليه جدا لا تصلح للاستخدام الادمي والنسب المسموح فيها
عالميا هي من 1 – 3 فقط كورتيزون
4- مسببه لامراض الجلد وتتسببب بانتشارها نتيجه التوقف عن استخدامها نتيجه ضمور الجلد واعتماد الجسم
على الكورتيزون الخارجي.
والان بعد هالتقرير هل لا زالت لديكم روح المغامره ( اللهم هل بلغت اللهم فاشهد)
وانتي اذا كنتي تسوين هالخلطات وتبيعينها خافي الله وربحج حرام راح يدمر بيتج وصحتج واذا
كنتي ما تدرين عن اضرارها الحين دريتي فسارعي بالتوبه.
============================== =======
اما الان فاترككم مع الخلطه الصحيه الامنه للبياض في اسبوع وهي امانه منقوووووله:
وهي لوحده سوت لاختها الخلطه وصارت بيضاء باسبوع وحطت صوره ليد اختها قبل الاستخدام وبعد
الاستخدام
قمت جربتها حيييل ممتازه وسريعه المفعول وتصيرين لمبه بدون كورتيزون واستانست توحد لوني ولما تركتها
ما رجعت سمراء مثل باقي الخلطات اللي فيها كورتيزون ترجعين اسمر من قبل وكل بشرتج
مسامات وحبوب غير الامراض الجلدية.
ومكونات الخلطه هي :
1- كريم جليسوليد الاحمر ( 125 ml )
2- ليمون ( عصير 4 حبات )
3- زيت اللوز المر ( فنيان واااحد )
4-فيتامين سي الفوار ( 2 قرص )
الطريقه :
تخلطين الجليسوليد مع زيت اللوز المر عدل
تذوبين قرصين الفيتامين بعصير الليمون
تخلطين العصير مع الجليسوليد والزيت عدل مدل
تحطينهم بعلبه وتسكرينها وتخضين العلبه عددددل اوكي .
مهم : لازم تحطين العلبه بالثلاجه ووتخلصينها باسبوع وكل
اسبوع تسوين يديده لان يمكن تخترب
الكميه اللي انا حاطتها تكفي اسبوع وشوي تقريبا
الاستعمال :
تحطين منها بالليل وتنامين او جم ساعه قبل السبوح
ترا اهيا ما تدبق ولا شي وتمتصها البشره جنها كريم عاد..
