تحيه لكل بنت ملتزمة
تحيه لكل بنت مش بتبني هرم تحت طرحتها
حيث تجدين بعض البنات المسلمات بيلفوا النت علي طرق جديده للف الطرح
وتجدي بعضهم لابسه 80 طرحه فووووووق بعض والوان رايحه والوان جايييييييييييه
ومطلعه قصه وقفاها باين
لا حول ولا قوه الا بالله
هل المقصود من الحجاب هي وضع قماش علي الراس
ام الغرض طاعه الله
هل تعتقدين بها الكرنفال انك لفتي نظر الجميع
لا اعتقد انك اعجبتي احد الا ……………..
اسمعتم مريم وهي تلوم والدتها بعد ما حدث لها ما حدث حفظكم الله ماذا قالت
مريم:بقولك الحقيقه يا ماما …انتى معلمتنيش ازاى احافظ على نفسى فكان من السهل اى حد
ينهشنى … من صغرى وانتى بتجبيلى لبس مكشوف لما خلتينى فقدت حيائى وبقى كشف جسمى
شىء عادى وكشف الجسم انواع يا اما عريان يا اما ضيق وانتى علمتينى الاتنين
كنت بالبس قدامك عريان وضيق
وكنتى بتسبينى اخرج كده من البيت مكنتيش بتخافى على لحمى للناس تنهشه بعنيها كل ما
كان ايهاب يضايق ويتكلم تقوليلوا دى لسه صغيره خليها تتمتع بسنها خليها تلبس وتخرج خليتنى
معرفش افرق بين الحرام والعيب..
طول ما لبسى فى بنات تانيه بتلبسه يبقى عادى حتى لو كان مخالف للشرع وكل
ما ايمان تقولك اللبس ده حرام تقوليلها ما اصحابها بيلبسوا كده ولا عاوزاها تبقى نشاز
وسط اصحابها…
كنت باحكيلك على صحابى الولاد فى المدرسه وكنتى بتضحكى وتتبسطى ان بنتك كبرت وبقى ليها
اصحاب ولاد وكنتى بتكبريها فى دماغى وتقوليلى وماله بس حافظى على نفسك ..
هو فى حد عاقل يقول نحط ورده فى وسط كوم زباله وتفضل الورده محتفظه بريحتها
الجميله طب ازاى … طب احافظ على نفسى ازاى وسط كل ده احافظ على نفسى
بانهى مقياس بمقياس العيب اللى خلانى اقلد اصحابى واقول لو كان عيب مكنش كل البنات
دى عملته
ولا بمقياس الحرام اللى لو كنت مشيت وراه زى ايمان كان زمانى محترمه …
انهارت احلام على المقعد وهى تقول:انا كنت بحبك وعاوزاكى تبقى مبسوطه وزيك زى اصحابك
قالت مريم بانفاس متلاحقه من كثره بكائها:لو كنتى بتحبينى كنتى سترتى جسمى ولو غصب عنى
كنتى خفتى عليا اموت وانا كده وادخل قبرى اتحاسب
كنتى منعتينى اكلم ولاد وعلمتينى ان ده حرام وان دينا مافيهوش حاجه اسمها بنت تصاحب
ولد …
وان الحجاب معناه ان جسمى يبقى متغطى ومستور مش مجرد طرحه على الشعر وجسمى كله
واضح وباين لاى واحد عايز ينهشه بعنيه
كنتى علمتينى ازاى انقى اصحابى وعرفتينى ان مفيش حاجه اسمها ابقى كويسه وصاحبتى وحشه وماليش
دعوه …وادى النتيجه سمعتى اتشوهت ولحمى اتنهش
امسكت احلام ذراعها بقوه واوقفتها امامها وهى تحاول خفض صوتها:قوليلى مين اللى عمل فيكى………
