تجربتي مع انقاص الوزن , خسسي جسمك في اقل من شهر

تجربتي مع انقاص الوزن , خسسي جسمك في أقل من شهر

بقول لكم تجربتي مع انقاص وزني :30:
.
.
كان بمثابه حلم اني انقص وزني لاني كنت مدمنه طعام لدرجه اني كنت ارجع من
المدرسه وتكون الوالده ماليه الثلاجه كلها حلويات وعصائر وغازات *)
.
.
عند الوالده نظريه بانها دامها وفرت اللي احتاجه يعني ان الحلويات تمد الطالب بالطاقه وهذا
الشي بيساعده انه يبذل جهد اكبر
.

.
حليلها ما كانت تدري ان هالشي بيدمر صحتي وبيخلي وزني يزيد وبيعودني على الشراهه{”

.
.
وانا كنت مجرد اني اتعقد من حل مساله او من مذاكره ماده حطيت حرتي في
الثلاجه لدرجه انها ما كانت تكمل اسبوع اللا وهي فاضيه *)
.
.
كان وزني في ثاني ثانوي 70 وفي بدايه ثانويه عامه صار وزني 75 ونهايه ثانويه
عامه

الطاااااامه الكبرى
103

كان هالوزن بالنسبه لي عادي لاني ما كنت حاسه باني دبه لهالدرجه كنت اقول جسمي
وايد عادي واحتمال زياده الوزن من عظامي مثل ما اقنعتني وحده من صديقاتي

المهم

دخلت الجامعه كنت في السكن الداخلي للطاليات وساكنه في غرفه بروحي
.
.

كانت شراهتي غير طبيعيه لدرجه اني اتريق غازات واتغدى مرتين وبين الوجبات اشتري من الجمعيه
كيس كله شوكلاته
وارجع السكن اتابع رسوم كرتون واخلص الكيس كامل بدون ما احس
.
.
وفي نهايه السنه وصل وزني 106
وكان في زياده

وكان احتمال كبير يوصل 200 وانا مب حاسه بس الله انقذني
.
.
كيف؟؟؟؟؟*)

انا بقولكم كيف

تصادف اني تعرفت على وحده وهذي البنت دبدوبه مثلي بس شوي اضعف مني

الله يسلمكم قالت لي انا ابغي اسكن معاج في الغرفه
في البدايه كنت مستصعبه الفكره لاني تعودت على الوحده حتى في بيتنا

.
.
بس بعدها رضيت :30:
كسرت خاطري لانها ما تعرف حد في السكن *)
.
.
المهم

البنت كانت وايد تشتكي من سمنتها وانا ولا على بالي

اخرتها قررت انها تسوي ريجيم كيميائي لان كانت عندهم مناسبه ولازم تخس من وزنها
.

اشترت اغراض الريجيم وانا ولا على بالي لاني عمري ما سويت ريجيم

فكانت الاكل اللي تاكله اكله معاها مو بقصد الريجيم بس بقصد مشاركتها حياتها
.
.
صديقتي امتنعت عن الشوكلاته بس انا لا لاني كنت مدمنه حلويات 2
.
.
كانت تشرب شاي اخضر وانا عمري ما شربته بس تعودت عليه بعدين
.
.
المهم بعد شهر من الريجيم والمشي في السكن مؤازره لصديقتي لاحظت ان ملابسي صارت وسيعه
واااااايد.
.
وانا طول هالمده ما شفت اهلي لانها كانت فتره امتحانات وكنت وايد مشغوله لدرجه اني
ماانتبهت لنفسي اني اسير اوزن واشوف وزني كم وصل
.
.
بعد هالشهر وبعد ماخلصت امتحاناتي شفت اهلي اول ما شافوني انصدموا
.
.
الكل يقولي يا بنت وين نصج الثاني II:
.
.

واخواني الشباب يضحكووووون علي من القلب
.
.
كلهم منصدمين مني كيف صرت
.
.
اخواني يابوا صورتي قبل لا اضعف وخلوني اشوفها وصوروني على شكلي الحالي
انا انصدمت من نفسي :تجربتي مع انقاص الوزن biggrin.gif

قلت في خاطري كيف كنت متحمله هالجسم اللي علي
تعرفون كم وصل وزني
وصل 86
وحاليا وزني 83 :82:

صار شكلي وااااايد دلع اقدر البس اللي ابيه واتدلع في المشيه بعد ما كنت كبت
متحرك

تعرفون من كم سنه ؟؟؟؟
كملت الحين5 سنوات ووزني كل ما ياه ينقص لاني مجرد احس اني زدت كيلو احاول
اني انزله

ما اريد ارجع للكتله اللي كنت عليها

حبيت افيدكم من تجربتي في انقاص الوزن

واقولكم ان اللي بتنقص وزنها مب شرط تتبع ريجيم معين وتطبق اللي مكتوب واول ماتخلص
من الريجيم ترجع تاكل بشراهه غير طبيعيه وترجع كل الوزن اللي خسرته نفس ما صار
مع صديقتي
.
.
صديقتي خسرت اكثر عني تقريبا خسرت 30 كيلو من وزنها بس رجعت بعد شعرين بالضبط
زادت 40 كيلو

.
.
تعرفون الفرق بيني وبينها
.
.

اني انا ماكان في بالي ان هالشي اللي اسويه ريجيم ولا كان في بالي اني
انا يالسه احرم نفسي من الاكل
انا كنت افطر واتغدا واتعشا من عشاها واذا حسيت بجوع اروح اكل شوكليت او اشرب
شاي حليب على حسب ما اشتهي بس المهم اني كنت اسد جوعي وبس {”
بس هي لا

كانت اذا جاعت تشرب ماي وبس

.
.

هاالشي خلى جسمها يصير له رد فعل عكسي وبالتالي اول ما انتهى الريجيم وانتهت المناسبه
اللي نقصت وزنها علشانها زاد وزنها

.
.
انا حاليا وزني ثابت
.
.
وفي صدد الوصول لوزن 65 وان شاءالله بوصل تجربتي مع انقاص الوزن