تجربتي مع الاستغفار فوائد الاستغفار
لكلك من تبي الزواج او الذريه او تفريج الهموم او السعاده كبير صغير ما يهم
. .
و زي ما يقول الشاعر:
كان عندك هم لا ترفع تقول
يا اله الكون همي كم كبر
،،
قل يا همي ترا مهما تصول
عندنا رب كبير يا بشر
،،
كل هالدنيا ترا مثل الفصول
ضيقتين وفرحتين وكم كدر. .
في قوله تعالى ({وذا النون اذ ذهب مغاضبا فظن ان لن نقدر عليه فنادى في
الظلمات ان لا اله الا انت سبحانك اني
كنت من الظالمين * فاستجبنا له ونجيناه من الغم وكذلك ننجي المؤمنين}
(( ( فقلت استغفروا ربكم انه كان غفارا يرسل السماء عليكم مدرارا
ويمددكم باموال وبنين ويجعل لكم جنات ويجعل لكم انهارا ) ))
[الاستغفار ياله من نعمه عظيمه اغلبنا يجهلها ويجهل فوائدها]:)
::: كلمات في الاستغفار :::
:فضائله:انه طاعه لله عز وجل.
انه سبب لمغفره الذنوب
:
” فقلت استغفروا ربكم انه كان غفاراا”
نزول الامطار
“يرسل السماء عليكم مدرارا”
4 – الامداد بالاموال والبنين
“ويمددكم باموال وبنين”
دخول الجنات
“ويجعل لكم جنات”
زياده القوه بكل معانيها
“ويزدكم قوه الى قوتكم”
المتاع الحسن
” يمتعكم متاعا حسنا ”
دفع البلاء
” وما كان الله معذبهم وهم يستغفرون”
وهو سبب لايتاء كل ذي فضل فضله
“ويؤت كل ذي فضل فضله”
::صيغ الاستغفار::
1 – سيد الاستغفار وهو افضلها، وهو ان يقول العبد: ( اللهم انت ربي لا
اله الا انت، خلقتني وانا عبدك وانا على عهدك ووعدك ما استطعت، اعوذ بك من
شر ما صنعت، ابوء لك بنعمتك علي وابوء بذنبي، فاغفر لي، فانه لا يغفر الذنوب
الا انت ).
2 – استغفر الله.
3 – رب اغفر لي.
4 – ( اللهم اني ظلمت نفسي فاغفر لي، فانه لا يغفر الذنوب الا انت
).
5 – ( رب اغفر لي وتب علي انك انت التواب الغفور، او التواب الرحيم
).
6 – ( اللهم اني ظلمت نفسي ظلما كثيرا ولا يغفر الذنوب الا الله، فاغفر
لي مغفره من عندك، وارحمني انك انت الغفور الرحيم ).
7 – ( استغفر الله الذي لا اله الا هو الحي القيوم واتوب اليه ).
::اقوال في الاستغفار::
1 – يروى عن لقمان عليه السلام انه قال لابنه
( يا بني، عود لسانك: اللهم اغفر لي، فان لله ساعات لا يرد فيها سائلا
).
2 – قالت عائشه رضي الله عنها
( طوبى لمن وجد في صحيفته استغفارا كثيرا ).
3 – قال قتادة:
( ان هذا القران يدلكم على دائكم ودوائكم، فاما داؤكم فالذنوب، واما دوائكم فالاستغفار ).
4 – قال ابو المنهال: (
ما جاور عبد في قبره من جار احب من الاستغفار ).
5 – قال الحسن:
( اكثروا من الاستغفار في بيوتكم، وعلى موائدكم، وفي طرقاتكم، وفي اسواقكم، وفي مجالسكم، فانكم
لا تدرون متى تنزل المغفره ).
6 – قال اعرابي:
( من اقام في ارضنا فليكثر من الاستغفار، فان مع الاستغفار القطار )، والقطار: السحاب
العظيم القطر.
انا والله لي زماااااان ما كتبت موضوع و انا ابحث في عم قوقل قلت ليش
ما ابحث عن تجارب البنات
مع الاستغفار . . .(خاص اني ناويه على هذي الحااجه ان شاء الله ) فا
بحثه و كل ماقريت موضوع سبحان الله حسيت بشعور ارتياح و شجاعه اني اقدم على
هذي الخطوه او اني اجرب هذا الشي الي هو الاستغفار . . فبحثت فقلت لازم
انقل كل الي قريته لكم . .
و نبد مع اول تجربه . .
هقولكم عن تجربتى مع الاستغفار والله العظيم انا مش بفبرك كلام(بالف كلام يعنى) والله كل
اللى انا حكيته فى الموضوع التانى واللى هقوله الوقتى حصل معايا بالظبط
انا كنت بسمع كتير عن فضل الاستغفار وبقرا مواضيع كتير اوى عنه فى المنتديات الدينيه
بس مكنتش مواظبه اوى عليه يعنى كام مره فى اليوم وخلاص
بس حصل معايا موقفين
الاول
كنت واقفه فى محطه الميكروباص ووقفت كتير اوى ورجليا وجعتنى وكنت مخنوقه اوى
وبعدين افتكرت حديث الرسول عليه الصلاه والسلام ان من لزم الاستغفار جعل الله له من
كل ضيق فرجا ومن كل هم مخرجا ورزقه من حيث لا يحتسب
قلت استغفر ربنا بدل ما انا واقفه كدا ماليش لزمة
والله العظيم استغفرت افتكر انى مكملتش خمس ست مرات
استغفر الله
استغفر الله
استغفر الله العظيم واتوب الية
جت عربيه وركبت علطول وقفت قدامى
وقعدت اقول الحمد لله رب العالمين
يمكن حد يشوف الموقف عادى بس انا مش شايفاه عادى
انا كان عندى ثقه فى كلام حبيبنا المصطفى عليه افضل الصلاه والسلام وحسيت كانى طلبت
طلب من ربنا وربنا اعطاهولى علطول الحمد لله رب العالمين والله احساس حلو اوى بيحسسك
ان ربنا قريب منك اوى ومعاكى دايما فى كل حاجه وحاسس بيك اوى
الموقف التانى بقا
والله العظيم الاستغفار دا كانه شئ سحرى
انا فى يوم بعد ما قرات موضوع عن الاستغفار قررت انى استفغر كتير
وفى اليوم اللى بعده كنت طول الوقت بستغفر فى الاول الموضوع ممكن يكون تقيل شويه
بس بعد كدا هتتعودى وتعودى لسانك علية
والله قعدت اقول استغفر الله استغفر الله العظيم واتوب اليه استغفر الله استفغر الله حتى
كنت بكتب بحث وقعدت اقول وانا بكتب
والله لقيت واحده معرفه بتتصل بيا وكلمتنى شويه وبعدين قالتلى هاتى ماما اكلمها وانا كنت
فاتحه الاسبيكر ولقيتها بتقول لما على عريس جايلى وانا مكنش بيتقدملى حد لان محدش يعرفنى
خالص لان علاقتنا محدوده اوووى
والله العظيم فى نفس اليوم مكنتش مصدقه خالص وقعدت اقول الحمد لله الحمد لله اللهم
لك الحمد كما ينبغى لجلال وجهك الكريم وعظيم سلطانك
والله فرحت اوى ومكنتش مصدقة
اى نعم محصلش نصيب عشان الشخص دا انا ليا تحفظات على شخصيته شويه لانى عايزه
انسان ملتزم اوى وبتمنى يكون ملتحى بس هو انسان محترم برضه ودخله كبييير ما شاء
الله واهله طيبين
المهم محصلش نصيب وخلاص ومن ناحيتنا كمان مش من ناحيته بس انا فرحت اوى ان
فى حد فكر فيا او فكر يرتبط بيا وقعدت ادعى للشخص دا ربنا يكرمه ويرزقه
الزوجه الصالحة
والله العظيم الموضوع دا حقيقى
والله انا بس كتبته عشان افرحكو واديكو امل
بس خلو عندكم دايما ثقه فى ربنا .
التجربه الثانيه :
السلام عليكم انا تزوجت سنه 1999 شهر 12 طبعا خذيت ولد عمي الي اهو روحي
ونور حياتي نطرت جم سنه ماحملت رحت كل مكان اعالج ماصار حمل وحمدت ربي على
كل حال حتى لجات للطب العربي هم ربي ماكتب وكان زوجي معاي في كل شي
عمره ماحسسني بالنقص وانه يبي اظفال مع انه اخوانه اللي تزوجو بعده عندهم اعيال كنت
كل ما اشوفه يلاعبهم كان قلبي يتقطع عليه لان يبي بس مايبي يجرحني كنت اشكي
له واني ابي اطفال وكان يصبرني ودايما يحثني على الدعاء والتزام بالصلاه كنت ابكي ليل
نهار محد حس فيني يشوفوني اضحك ولا يدرون عن النار اللي بقلبي كنت اسمع كلام
ليش ماحملتي وليش وليش كنت اسكت اقول الله كريم ماطول عليكم رحنا دكتور خاص بديت
برحله العلاج كان كورس ابر شوصف لكم الالم تحملت وصبرت هم ربي ماكتب الحمدالله ورحت
كذا دكتور حتى الحكومي رحتله وكلهم نفس الشي الابر اقوى نوع وتميت عشر سنين بين
الاطباء وكنت اشكي لرفيقتي وكانت تحثني على الصبر وقراءه سوره البقره ويس ومريم وقيام الليل
والاستغفار واليقين بالله دايما كانت تقولي احسني الضن بالله سبحانه وتعالى بعدين رديت لدكتوري القديم
اللي اهو دكتور منصور العرف عندنا وبديت رحله الالم بس هالمره غير كنت انا اللي
اعطي حق نفسي الابر تخيلو الم الابره بس كان عندي هالمره يقين ان ربي ماراح
يخليني وحمدت ربي وتميت على الابر وغابتني الدوره وكنت اقول نفس المره اللي فاتت بس
كان عندي يقين واحساس اني حامل تخيلو رحت احلل وكنت انتضر النتيجه واستغفر ربي وكانت
اطول ساعه ولما اطلعت نتيجه التحليل وبشرني زوجي من الفرحه ماصدقت اقوله اخاف في خطا
اخاف موانا وقمت ابجي من الفرحه وتم حملي الحمدالله ربي ورزقني احلى مولود على وجه
الارض ربي يخليه لي عشان جذي اقولكم لاتتركون الاستغفار ليل نهار مع سوره البقره وقيام
الليل بس اهم شي نحسن الضن بالله لااطباء ولا غيره الله القادر على كل شي
كنت اردد ربي لاتذرني فردا انت خير الوارثين ورزقني بعبودي حبيبي الحين قاعده اكتب وهو
بحضني الله يرزق كل محرومه اااااااامين .
التجربه الثالثه :
وبركاته
مو عارفه من وين ابتدي الكلام معاكم لكن يعلم الله اني ماازل عليكم باي كلمه
وان الغرض من الموضوع هو اني اعرض تجربتي الشخصيه مع الاستغفار عشان كلكم تبدوون تستغفرون
انا يابنات بكل بساطه مريت بظرف قاسي جدا جدا واحتفظ بالموضوع لنفسي لايعلم فيه الا
الله وقفلت الابواب بوجهي وبوجه اهلي اللي ماخلوا طريقه الا وسووها عشان يحلون موضوعوي اللي
يحدد مستقبلي كنت معرضه للفشل تماما
كنت مكتئبه بسبب هالموضوع بشكل فضيع
بالبدايه قريت كثير عن فضل الاستغفار وكنت والحمدلله استغفر باليوم الف مره اذا ماهو اكثر
وبالفتره اللي مريت فيها بهالازمه اكثرت من الاستغفار ومن قول (لا اله الا انت سبحانك
اني كنت من الظالمين ) قلتها كل يوم الف مره وتقريبا لاربع او ثلاث ايام
والله الذي لا اله الا هو ان الموضوع بدا ينحل بطريقه عجيبه بعد ماكان مستحيل
له حل وبدت الامور تتضح لنا وفرجها ربي سبحانه لا اله الا هو واخذت عهد
على نفسي امام الله اني من ينحل موضوعي بالكامل اني اعرض لكم تجربتي الشخصيه مع
الاستغفار وقول (لا اله الا انت سبحانك اني كنت من الظالمين ) علاج عجيب سبحان
الله لك ضائقة
ويوم الاربعاء الحمدلله نجح موضوعي بالكامل
نصيحه يابنات اي وحده عندها هم لاتترك الاستغفار والله ان فيه علاج لامراض عجز ت
عنها احدث التقنيات الطبيه
وبالاخير اتمنى تاخذون تجربتي قدوه لكم وتكثرون من الاستغفار وقول (لا اله الا انت سبحانك
اني كنت من الظالمين ) وباذن الله راح تشوفون الفرج مثل ماشفته
دعواتكم يابنات بان الله يحقق اماالي .
التجربه الرابعه :
حبيباتي البنوتات
وبركاته
جذبني اليوم وانا اقرا في احد المنتديات موضوع وحده كاتبه باركولي انخطبت وهذي تجربتي مع
الاستغفار
وفتحت الموضوع وقراته كامل مع الرابط المضاف والله يابنات لولا حيائي ممن حولي لبكيت لان
في كل كلمه اجد ان الله هو الرحيم ولم اكن لاشك في ذلك يوما ولكن
الاطلاع على احوال الناس وتتجاربهم مع الدعا والاستغفار.. لها وقع شديد في النفس فلا تحرمي
نفسك حبيبتي من جني فوائد من هذه القصه فاقرئيها وسيري على نهج من سبقك بها
ولا تحرمي نفسك
ا وبركاته
بنات انا للحين في حاله ذهول من اللي قاعد يصير لي اللهم لك الحمد
انا كل صديقاتي اللي مخطوبه واللي محجوزه وكثير مبسوطين وانا فرحانه لهم كثير وكنت حابه
اصير مثلهم
صرت استغفر كثير وادعي ربي بالثلث الاخير ان الله ييسر اموري واتزوج مثلهم والحمد لله
الله رزقني بزوج فيه تقريبا كل المواصفات اللي ابيها بنات نصيحه لاتغفلون عن الاستغفار والدعاء
خلوا لسانكم على طول يستغفر وراح تشوفون العجايب وهذي تجربه بنت نفعتني كثير وخلت عندي
حسن ظن بالله وان الله راح يرزقني ولازم ندعى ونلح على الحى القيوم ونتذلل له
عزوجل حتى يقبل دعاءنا وتكون عندنا ثقه برحمه الله والايمان بالقدر خيره وشره وتحري الخير
في كل الامور والتقرب من الله هو مفتاح الخير والفرج باذن الله
وهذي قصتها
السلام عليكم ورحمه الله وبركااته
عزيزااتي / اعزاائي
ساخط لكم قصتي التي اعتبرها اعجااز من عند الله , والى هذه اللحظه لست مصدقه
ماحصل لي,
انا فتاه عاديه جدا, تقدم لي العرسان الكثيرون ولله الحمد , لكن كل مره يتقدم
فيها احد يكون لديه سبب
يمنع والدي ووالدتي “حفظهم الله” من قبوله
وانا كنت مقدره هذا الامر ولكن كاي فتاه تتمنى الزواج ولبس الفستان الابيض ورؤيه فارس
احلامها على ذلك الحصان الابيض
مرت الايام وانا اصبحت متبلده لفكره الزواج مع انني في بدايه عمري لكن كلام الناس
يكثر
تصورو انهم قالو سوف تظلين عانس بلا زواج لان امك المصون وابيك يرفضون كل من
تقدم!!
والله العظيم يا اخواتي ان ابي وامي ارحم بي من نفسي ولكن ااه من الناس
واحاديثهم!!
مرت الاياام وجاءت اختي تحدثني عن شاب خلوووووق جدا ووسيم وفيه كل الصفات التي تحلم
بها كل فتاه
قالت لي ..[اتمنى يكون من نصيبك]…
اقفلنا الحديث وانا في طريق العوده الى المنزل لن انسى هذه اللحظه ماحييت :
كنت انظر الى السماء وفي مخيلتي يدور حديث اختي العزيزة..
قلت في قلبي..[ يااااااارب اجعله من نصيبي ياااارب]…. من قلب والله لم ارفع يدي للدعاء
ولكن قلتها باحساااس وان هناك من يسمع مايدور في خلجات نفسي , وانه قريب مني
اكثر من نفسي , لطالما احسنت الظن بالله ولم يخيبني…
مرت الاياام ونسيت تلك الحادثه كليا ولم افتكرها واتى ذلك الخبر الذي اعتبره صاااعقه بالنسبه
لي
جاءت الي والدتي العزيزه وقالت لي لقد تقدم لك فلان ابن فلان
يالها من مفااااااجئه واي مفاااااااااجئة
هوا نفسه ذلك الشاب!!
يالله ياحبيبي استجبت لي دعوتي تلك؟!
لم تخيبني
ناديتك فاجبتني
طلبتك فاعطيتني
سبحااانك ياربي…سبحانك ياربي
والله العظيم لم اصدق ماسمعته اذنااي ابدا .. بصراحه للان لا اصدق ماحصل
وللعلم انا الان متزوجه منه عسى ربي يحفظه لي لكن بقي لدينا الفرح , تم
عقد قراننا ولله الحمد
وتحقق ماكنت احلم به
التجربه الخامسه :
الحمدلله رب العالمين من فتره وانا استغفر الله في اي وقت ولاطول مده استطيعها ..
واسبح الله عز وجل ..
تدرون يا بنات شو صار ؟؟؟
والله الشاهد على كلامي .. ماطاف يوم واحد اللا و ياني زوجي يبشرني بزياده غير
متوقعه ابد وله هو بروحه دون عن الي عنده في الدوام مكافاه .. تخيلوا هذا
الشي .. وكنا في امس الحاجه لهذا الخير ؟؟
تخيلوا فرحتي شكرت وحمدت الله كثيرا على النعمه .. وما انتهى المطاف ..
الشهر الي بعده على التوالي .. الحمدلله رب العالمين زياده ثانيه …
والاكبر من هذا … احساسي لما اعرف انه رب العالمين يستجيب لي دعائي لو كان
كبير او صغير .. والله يا بنات ما يطوف من الوقت الكثير اللا وطلبي مستجاب
..
وهذا كله بسبب الاستغفار واني على يقين انه رب العالمين هو الرازق وهو المجيب ..
ولم ينته المطاف ..
مع الاستغفار والدعاء بعد صلاه الفجر .. لان يرزق الله بناتنا الزوج الصالح.. وكنت اخص
بنت خالتي و صديقتي بالاسم ..
في اقل من اسبوع .. تزف لي صديقتي الخبر بموعد عقد قرانها … وما انتهت
الفرحه .. اللا وخالتي تتصل فيني لتخبرني بموعد عقد قران بنتها في الاسبوع القادم ..
تخيلوا فرحتي ؟؟ الحمدلله رب العالمين على النعم .. وان شالله تستمر هذه الفرحه ..
احلى طعم للفرح جربته في حياتي هو لما العبد يحس انه رب العالمين يستجيب لدعائه
.. وعسى ربي ما يحرمني هالفرحه ..
يالله يا بنات ترى الاستغفار ما يحتاج لوقت محدد او سبب معين ..توكلي على الله
واطلبي غفران الذنوب .. وان شالله ستجدي الاجابه من رب العالمين في وقت انتي بحاجه
اليه .
التجربه السادسه:
هذا ياطويلات العمر كنت احب ولد خالي من سنييين وطبعا حب عفيف وبسكااات حتى اخواتي
مايدرون..
الموهيم كان فيه مشروع زواج بيني وبينه بس كان ينتظرني اخلص ثانوي وفجاه…..
تفاجات انه خطب وملك على وحده من جماعه امه …ولاقال لاحد من اهله كلهم انصدموا
منه كيف يملك بون مايقول لاحد…انا عاد عشت فتره سنه بصدمه.يمكن تقولون ايش علاقه الاستغفار
ويمكن تشكون اني استغفر وادعي انه يطلقها لكن وربي ماتمنيت لحظه ان حياته تخرب..وصار مايمر
اهله ماغير يجي يزور امه ويرجع شغله في مدينه بعييييييده وصار قاااطعنا يمكن حول ثمان
سنواااات مانشوف شكله وهو يتيم اساسا من صغره وامه متزوجه واحد ثاني بعد وفاه خالي
فناخذ اخباره من امه بس…وجانا خبر انه راح لشيخ وقال له انه مسحور سحر قوي
وسحر تفريق عن اهله..وانه راح لشيخ واحد اللي هو قال له انه مسحور واختفى حتى
عن امه تقريبا شهرين..طبعا انا ايش سويت تمنيت طبعا من قلبي ان ربي يشفيه ويرجع
لاهله اللي انحرم منهم..فجلست حول شهر استغفر في اليوم اكثر من الف مره وكل ماجا
على بالي وصراحه هو مايروح من بالي اساسا.واقوم الليل اصلي ركعتين وادعي له وابكي على
حاله وادعي ربي يجمعنا بالحلال وماتتخيلون كيف كنت احس بلذه ماكنت اعرفها كنت اسمع باللي
يلاقون لذه بالسجود ومااحس فيها بصلاتي بس والله يابنات صرت لو مااقوم ليله اصلي اتنكد
طول يومي وانا اللي كنت استغرب من قدره اللي يقومون الليل ويصلون…؟؟؟
وفجاه مادريت في عصريه الا وهو يدق على امي تخيلوا صار له منها ثمان سنين
ويقول (ان شاء الله اموري انحلت والضيقه اللي كنت احس فيها لما تجون في بالي
ماعادت تجيني وانا ان شاء الله بمركم قريب..)
طبعا انا الدنيا ماوسعتني من الفرحه..وتخيلوا بعد امه تقول اللي سحره طلع جده وراح يفك
سحره بعد ماشاف امه تبكي كل يوم على حاله تخيلوا يابنات الساحر هو اللي فك
السحر وتقول امه لامي وخالاتي( والله انه ابوي اللي سحره وتقول ان ابوها يوم جاها
وقال لاتبكين يابنتي والله ان يرجع ولدش احسن من قبل نامي وارتاحي وتقول ماوصلت بيتها
الا وولدها داق عليها ويقول يمه احس اني طيب وبخير وفرحان واحس الدنيا بتضحك لي
اخيرا)لانه كان فيه مشاكل مع اهل امي وكان جده يكرههم فحب يحرق قلوبهم ويحرمهم من
ولدهم اللي كان اعز من عيالهم عندهم..وجانا في البيت الاسبوع اللي راح وكلم اخته تكلمني
وتاخذ رايي..ولو تمت الامور الزواج في الصيفيه ان شاء الله..
هذي تجربتي مع الاستغفار والله يابنات ربي مايخيب احد يدعيه ولايرجع يدين عبده خايبه انتو
بس خلو ثقتكم بالله عااااااليه ولاتدعون بس لحاجتكم واذا انقضت ماعاد دعيتوا..والله اني اضحك لما
اشوف وحده تقول قولوا لي تجاربكم مع الاستغفار..والله لو تدرون بفوايده لتستغفرون طول يومكم …دعواتكم
بتسهيل اموري فديتكم.
التجربه السابعه :
ا اول نصيحه خلي لسانك دائما رطبا بذكرالله حتى يصبح صوتك معروف عند الملا الاعلى
وتستجاب دعوتك فورا باذن الله
ما اطيل عليكم
اولا قبل سنه تقريبا نزلت موضوع بعنوان “”شوفوا تجاربي مع الاستغفار (عجييييييبه)””
واتفاجات من بعض الاخوات انها لا تعرف انو الاستغفار سبب من اسباب الرزق والانجاب وانزال
المطر والقوه الجسميه وكثييييييييييير بل الاغلبيه تقول انو لمحو السيئات فقط ..
اقول لهن نعم اذا محيت السيئات خفت عن العبد الذنوب التي تكون حجابا بينها وبين
الاستجابه للدعاء فكل ما استغفرت كل ما سقطت ذنوبك وخف ميزان سيئاتك وبذلك
تتقرب من ربها ويستجاب دعاءها وما تنوي به
لذا اقول للاخوات الاتي يقولون ما يجوز الاستغفار بغرض دنيوي اسمعوا قول الحق جلا وعلا
“”فقلت استغفروا ربكم انه كان غفارا *يرسل السماء عليكم مدرارا *ويمددكم باموال وبنين ويجعل لكم
جنات ويجعل لكم انهارا”” طيب هذه الاشياء المذكوره بالايه الكريمه اليست اغراض دنيويه ؟؟
اللي اهي الاموال والاولاد والامطار والحدائق والخيرات ؟؟
اللي ابي اوصله وطبعا وانا ماشيه عليه وحقق لي بعد الله امال كثيييييييييييره هو انني
استغفر بنيه محو الذنوب والهدف او الشئ اللي ببالي ..
ادري فيكم تبون التجارب اللي مريت فيها طبعا هذه الاشياء استجدت معي بعد موضوعي اللي
نزلته السنه الماضيه وما راح اذكر الاشياء القديمه بل راح اذكر لكم الي صار معي
الايام هذه
اولا – اذا تتذكرون بموضوعي الاول كنت اقول بنهايته اني الان قاعده استغفر بنيه الوظيفه
وفعلا انا كنت مداومه على الاستغفار بنيه الوظيفه وكان ايضا نفسي اكمل دراستي الجامعيه الحاصل
انو انا داومت على الاستغفار مع الدعاء وطبعا طريقتي بالسبحه كل يوم مع انو الاصابع
افضل لكن انا استمريت على السبحه عشان اضبط العدد وفعلا استغفر الين اوصل الميه وارجع
اعيد الكره الين توصل الالف واكثر وعلى ذي الحال كل يوم واحيانا وانا اشتغل بالمطبخ
استغفر بدون عدد
الان والله الذي لا اله الا هو انني الان اني توظفت قبل 6 اشهر بوظيفه
رسميه وحلوه ومديرتي بالعمل عسسسسسسسل ومع هذا كله قولوا ما شاء الله
مرتاحه ومستانسه يارب لا تغير علي
ثانيا- انا كانت نفسيتي تعبانه ومجموعي ما يدخلني الكليه ولا الجامعات وقالوا لازم كليه متوسطه
او معهد علمي وطبعا المعهد والكليه المتوسطه لا يعترف فيها في الوقت الحالي وكلم اخوي
واحد يعرفه بجامعه الامام وسجلني رغما عن مجموعي الضئيل والله مو من الواسطه لانو قد
جبنا واسطات وكل شئ وما نفع الا بعد ما كنسلت الموضوع من البشر كلهم وبديت
بعلاقتي مع الله ثم الاستغفار والله والله يا اخوات اني ادعي ربي ليل نهار واستغفر
بنيه اني اكمل دراستي ومع ذلك عندي امل بالله
اقسم بالله العلي العظيم اني الان ادرس مع الوظيفه انتساب يعني ربي رزقني بوظيفه مع
اكمال الدراسه لا وبعد مديرتي سخرها ربي لي تقول اذا رحتي اختبار ماراح يحسب عليكي
وابدت استعدادها لمساعدتي
ثالثا- كان نفسي من زمان احقق امنيه هي شوي شخصيه بس كنت ابي اموت لو
ما حققتها والان تحديدا بشهر صفر حققتها بالمداومه على الاستغفار كان نفسي اذكرها لكم لو
ما كانت علامه مميزه لي هههههه يعني لو قلتها راح تكشف عن شخصيتي بس والله
العظيم رب العرش العظيم اني كنت بموت عليها وما اقدر ابدا تحقيقها لكن قلت انا
كل شئ كنت ابيه استغفر بنيه صادقه ويتحقق لي والهدف او الامنيه هذه راح احقق
باذن الله عزوجل والحمد لله يمكن بس اشهر قليله وعملتها بكل سهوله وبسريه تامه ولا
احد درى عنها حتى اهل البيت معي ما يدرون
رابعا- مع مداومتي على الاستغفار والصدقه وقيام الليل بنيه التحسينات في عملي وحصلت بعد الزيادات
اللي امر بها خادم الحرمين الشريفين حفظه الله ولا شملت اللي معي ومستغربين لانهم اقدم
مني بس الله سبحانه رزاق كريم وما ينسى عبده ورزقي وكنت انوي جمله اهداف منها
الشخصيه ومنها الاجتماعيه بمعنى اصلاح ما بيننا وبين بعض اقاربنا والله انو ربي يسر لي
وزالت كل الخلافات وسوء الفهم اللي حاصل وبالعكس احس انو العلاقات الوديه زادت اكثر من
قبل .. يارب لك الحمد والفضل والمنه
نصيييييييييييحه يابنات ويا زوجات ويا من حرمت من الاولاد اكثرو من الاستغفار والله والله مفعوله
سحر
وفوائده دنيويه واخرويه
واللي تسال عن طريقتي
اولا استشعر معناه : واقول استغفر الله وانا انوي مغفره ذنبي اولا وتحقيق هدفي ثانيا
واحسن الظن بالله يعني اتفاءل خير دائما ولو تاخر تحقيقه ما امل ابدا بل ازيد
واكثر من لا حول ولا قوه الا بالله والاذكار بشكل عام
نقطه هام ه جدا وبموضوعي
والله والله العظيم يا اخوات انو كل ما تحقق لي شئ من امالي انو ما
انسى ربي بالعكس اتذكر فضله ومنته علي
واول شئ اسويه اسجد سجود شكر واكثر من شكره وحمده وثناؤه سبحانه وتعالى
واحاول انو دائما اتذكر يوم كنت ادعو ربي واستغفره بنيه هذا الشئ اللي تحقق وكيف
تحقق بفضل ربي من غير حول من ولا قوه “”ولان شكرتم لازينكم “”
نقطه ثانيه بعد
والله يا بنات دائما بيني وبين نفسي اقعد اقارن قبل وبعد مثلا اتذكر دائما اطلب
من اهلي فلوس واستحي احيانا
والان لا اسحب من الصراف اللي ابي من غير ما احد يسالني وش صرفتي ووين
صرفتيه واقعد احمد ربي كثييييييييير واشكر
وكل ما تحقق شئ اقعد اقارن قبل وبعد عشان اعرف فضل ربي علي واشكر ه
سبحانه وتعالى .
التجربه الثااامنه :
كنت في حاجه ماسه وماسه جدا للفلوس وكنت مستحيه اطلب من اهلي لاني طلبت من
كل واحد قبل فتره
واستنفذتهم كلهم
المهم كنت ابيها في يومين بالكثييير المهم وارجع قلت اتسلف وبعد فتره اطلب اهلي واسدد
والا ابيع حاجه عندي وعزيزه علي بس اخيرا قلت ادعي ربي يرزقني واستغفر وفعلا هذا
اللي صار الكلام هذا الضحي
واستغفر واستغفر مدري كم بالظبط بس طولت وعلى ايدي وبالسبحه طبعا سبحتي ام ميه حبه
واعيدها كذا مره
والله ثم والله يبنات الكلام هذا الضحى مثل ما قلت لكم والان العصر واخوي طالع
الصلاه ثم
يروح لاختي ويقول تبون شئ ناقصكم شئ ما هي عوايده ولا طلبنا ولا لمحنا بشئ
قالت اختي انا مابي شئ قال واخواتك قالت مدري عنهم وطلع محفظته واعطاها المبلغ اللي
انا كنت ابيه ومستحيه اقسم بالله يا بنات اندهشت دهشه؟؟؟؟
التجربه التاسعه :
مره كان عندي جهاز جوالي قديم وكانت فاتوره جوالي صادره بمبلغ 300 ريال والجهاز مثل
ما قلت لكم كحيال مقربع يجيب الهم واسمع من البنات انه نازل جهاز جديد (جوال)
اسمه الحريري طبعا اول مانزل قبل 3 سنوات وبالفعل استغفرت لاحظو النيه بنيه انه الله
يرزقني بجهاز الحريري واسدد فاتورتي طبعا انا لا موظفه ولا دخل ولا شئ بس اخذ
مصروفي من اهلي اذا عطوني واستحي مره مره اطلب اذا تاخر
المهم اكثرت من الاستغفار وكنت استحضر النيه وواثقه بربي ولله الحمد هذي خصله حميده فيني
لاني شديده الثقه بالله
اقسم بالله الذي لا اله الا هو وبالله وتالله يا خواتي انه اعطاني اخوي الصرافه
وقال اشتري لك جوال لانه شافني اشيله قدامه وجوالي يفشل ههههههههه المهم اخذت ا وكنت
اخذه شويه فلوس عشان اسدد فاتورتي
والعصر رحنا للسوق عشان الجوال بعدين استحيت اسحب لانه ما حدد لي مبلغ معين فاتصلت
به وقلت كم اسحب قال اشتري الجهاز وسددي فاتورتك قلت لا انا عندي شوي مبلغ
الفاتوره وحلف علي اترك فلوسي واسدد واشتري الجهاز من المبلغ اللي راح اسحبه واتفجات وحمدت
ربي وشكرته والى الان ما تركت الاستغفار واوصي كل احد به .
التجربه العاشره :
رت علي سنوات ولا احد تقدم لي وانقهرت من همز ولمز حرمه اخوي كل يوم
تلمح انه البنات راحو وانه
البنت اذا وصلت سن معين ما احد يبيها واحيانا تقول فلانه كبرك سبحان الله عيالها
كذا وكذا وكنت انقهر جواي
واسكت ومره من المرات كنت جالسه انا وهي وحرمه اخوي الثانيه وابوي واخواني وتعرفون انا
شديده الحيا
استحي من ظلي ولا احب اجرح احد ونفس الوقت انا الحمد لله الوازع الديني عندي
كويس واول حاجه اذكرها اذا تضايقت او حد ظلمني ربي والجاله في كل حين وفي
كل صغيره وكبيره
المهم بعد ما كنا جالسين قعدو يتكلون عن البنات واعمارهم وبنات عمومتنا وحسبو عمر وحده
عمرها نفس عمري وعندها 3 عيال وكاني لاحظت الانظار تتجه لي او اني انا توهمت
كذا ما ادري بس الاكييد اني انجرحت وانكسرت نفسي واروح لغرفتي وادعي ربي ويوم جاء
الثلث الاخير من الليل واقعد اصلي وادعي ربي يرزقني بس خاطب لو ما صار شئ
بس عشان ما يقولو ما احد فكر فيها واستغفر واستغفر وادعي ربي
وكل يوم الثلث الاخير اجزؤه صلاه واستغفار الين الفجر
والله والله واقسم بالله يمكن بس اسبوع وتدق علي وحده من قريباتي وتقول انها كلمت
زوجها عني ومدحتني عنده وكان يدور لاخوه على زوجه والان يبيني وقالها تسالني وقلت مادري
من الدهشه واعجوبه الاستغفار
وغلطت غلطه كبيييييييييييره وهي اني توقفت عن الاستغفار بمجرد سمعت هالكلام ولا تقدمو رسمي بس
الكل سمع عن هالخطبه ورغبتهم فيني ومن اللي سمعو مره اخوي اللي تعايرني
بس ندمت على توقفي عنه
فعلا كل مره استغفر يصيبني دهشه مع اني واثقه بقدره ربي وكرمه بس اللي يدهشني
انه نفس الشئ اللي انا ناويته في نفسي وبنفس الطريقه اللي ابيها لاني كنت اتمنى
مره اخوي بس تدري اني مو معيوفه ؟؟
