بيت شعر عن الجرح
وش عليك ان همت في وادي مرادي
وش على فراج لا هوجس فرج
لا تشك اني الى ما صحت هادي
اخاف ابين لك من انت وتنحرج
النصيحه خلها لك وانت عادي
منت باللي راح للقدس وعرج
العواذل عشره واصبحت حادي
عشره راحوا مراويح الدرج
غادي وانا لو اسمع منك غادي
واشهد انك اللي ما صاب الى هرج
كيف باطرح من على شفي شدادي
واقتدي باعمى وتايه واعرج
وكيف بنساها وانا لا جيت انادي
اتمسك باسمها خوف يخرج
فكره النسيان منزال بوادي
وطيفها سيل مسيره يندرج
وقدرها في العين وان حول فؤادي
والغلا يطلع على مثل الدرج
حسنها واسلوبها سر انقيادي
والوفى والصدق حدث لا حرج
وصلها كايد وهي تسكن بلادي
انشد اللي بالمرابع قد درج
روحت باسلوب مقبول وحيادي
وخلدت في القلب عكس احرف(حرج)
عقبها الابيض غدا مثل الرمادي
وفي عيوني ضاقت افجوج زرج
وانتهى ضحكي وحاربني رقادي
وانقطع حبل الرجا واقفت مرج
وفر اهروجك وانا هاذا مرادي
لين ربي يزيد حياتي بالفرج
