بدفن حبي وراسي عالي
اهم شخصيات القصة…
**عائله ابو عبد العزيز الراشد/
الجد والجدة
عبدالعزيز الولد الاكبر ومتزوج ثلاث ومن ضمن عياله(فرح/البنت الكبرى متزوجه وعندها بنت
دلال/اجمل بنت في عائله الراشد عمرها 22سنه تدرس بالجامعه اول مايلفت النظر فيها ان عيونها
بلون البحر وشعرها اشقر لدرجه رهيبة(كانها امريكية)عندها اسلوب جميل في الكلام طبعا هذولي من ام
…ومن الام الثانيةعادل/الابن الاكبر همه يقهر خواته من ابوه
عبير متزوجه ولدخالها وعندها ولدين
حنان/انور /سارة
الزوجه الثالثه سوريه بعمر فرح وعندها ولد)
**ابو خالد وعنده خالد ومشاعل ومنارخالد/الابن الكبيرمن عمر كمال وسيم جدا اسمراني بحلاوه عنده شركةصغيره
في التجاره ومكتب للعقارات يموت على الاطفال ويحب اخت صاحبه ومتفقين على الزواج
مشاعل/(بالنسبه لي احبها موت)من عمر دلال ومعاها بنفس الجامعه سمره وعيونها عسل وشعرها بني طويل
لاخر ظهرها واهم مايميزها صوتها الملائكي(اللي يبي يسمع موال عراقي يسمعه منها)
**ابو كمال(وعنده شذى وريم ولوجين واحمد وكمال كمال/عمره 28 درس بفرنسا ورجع دكتور عيون اشقر
وابيض وعيونه زرقة(كانه امريكي مو جداوي)يحب مشاعل بنت عمه )
**وعنده ثلاث بنات ام متعبوعيالها متعب وساره وسهىوسناء ومهند//متعب/مهندس متخرج من كندا عذاب في الغرور(يحق
له طبعا)
ام نايف/وعندها ناهد ونايف ونوره (نايف/او بالاصح الدكتورنايف مثل ما يحب يسمعها من حبيبته دلال
)
/////////////////////
ام محمد الجاسر:الاخت الثالثه لعبال الراشد لكنهم افترقوا من عشرين سنه ومايعر فوا عنها اي
شي
راوية/البنت الكبيرةعمرها25 تشبه والدتها الى حد كبير مطلقه وعندها ولد وبنت
شمس/عمرها23 جمالها غريب بشره خمريه وعيون رصاصيه على شعر ناعم اهم ميميزهاحده الطبع والعصبية
ميس ولميس/تؤام في العشرين نفس الطبايع ونفس الجامعه والتخصص ونفس الاصحاب
محمد/***/نور/عمرها 7
وسام وسامر/تؤام عمرهم 13 سنة
توابع عائله الجاسر/رياض:طليق راوية
هالة/(روح شمس)صديقتها موت واخت رياض
//لؤلؤه اخت رياض بعد وصاحبه البنات//////معليش طولت لكم في الشخصيات بس ابيكم تتحملوني شوي ومع
الاحداث بتعتادون وبتحفظونهم ياحلوين…وخلونا ندخل في البداية..
/////////////////البارت الاول////////////////
يوم الخميس في بيت الراشد(كانوا كلهم ساكنين مع بعض ماعدا عبد العزيز وزوجاتاه ام عادل
والسورية)ابو خالد كان يتناقش مع ابو كمال عن الاراضي اللي اشتراهم خالد ومشاعل كانت سرحانه
في صوره كمال اللي معلقه بالصالة(يا الله مرت سنتين على رجعتك ياولد عمي وقلبي ماهو
راضي يسامحك مع انه يموت فيك معقوله انه حبك كان مجرد تسليه ؟كان مجرد كلام؟
لا مستحيل حبك دنيتي كلها ؟ وماحست على دموعها اللي نزلت على خدهالين نادها ابوها
ابو خالد/علامك يابنيتي ليه تبكين؟
مشاعل/لا يبى مافيني شي-
ابو كمال/فيك / ولا ليه بتنزل هاالدموع.
مشاعل/انتوا ماتدرون اني حساسةبزياده عسى ماشوف احد قبالي قعدت ابكي …….
وانتهى النقاش بدخول محمد البيت
محمد/السلام عليكم
وعليكم السلام والرحمة
ابو كمال/انت اليوم مو اجازة
محمد/بلى عمي اجازة
ابو خالد/اجل وينك طالع من الصبح
محمد/والله كنت مع منال بالمستشفى
ابو كمال/عسى ماشر شفيها
محمد/الشر مايجيك ياعمي بس منال حامل
الف الف الف مبروك
ابو خالد/بس عاد يا محمد وانا عمك نبيها هاالمره بنت
محمد وهو يضحك/اهم شي سلامتها ياعمي
مشاعل/وابوي صادق ملينا عاد نبي بنت انت بس خلي منال تقابلني طول ماهي حامل وابشر
بالنتيجه بنت مزيونه على الاخر
ابو كمال/والله ماظني بتجي وحده في زينك بعد
مشاعل/اي والله
وضحكوا القاعدين عليها
(في بيت الجاسر)
شمس كانت مندمجه في رسم لوحه غروب
لميس/شمسوا تتوقعين راويوه ليه تطلقت؟
شمس/وانا شدراني
لميس/حلفي ماقالت لك
شمس/الحرمه وزوجهامايبون احد يعرف يعني لو يبون تكلموا من زمان
لميس/بس رياض يموت على شي اسمه راويه وهي بعد نفس الشي والغريب انه للحين يبي
يردها
شمس/الاغرب انه رضى يطلقها وهي حامل؟؟؟
ورجعت بهم الذكرى الى ذاك اليوم اللي رجعت في راويه البيت ومعاها ديمه وكانت حامل
في الشهر الثامن ومبين عليها التعب وعيونها متورمه من كثر البكي وظلت في غرفتها طول
اليوم وماتكلمت معهم ولاكلمه لحد الليل لما جا رياض
ميس/راويه رياض في المجلس
راوية/طيب باقوم الحين**(بدون نفس) ولبست عبايتها وشيلتها ووقفت عند باب المجلس واول مادخلت وقف رياضواشرت
له بيدها ان يسكت ومايتكلم
راوية/ابيك تطلقني
فتح رياض عيونه على وسعها
رياض/بس ياراويه (قاطعته راوية
راوية/من غير بس احنا مابنقدر نعيش مع بعض اكثر
رياض/راويه خليني اشرح لك
راويه بكل هدوء وانكسار/مافي داعي تشرح لي لانك لو شتقول ما راح اصدقك انا مابي
غير الطلاق
رياض/مستحيل ياراويه انا احبك ومستحيل اطلقك خليني بس اشرح لك
راويه بكل انفعال/اي حب؟اي حب اللي تتكلم عنه يارياض؟؟؟شوف يارياض ياتطلقني بالطيب ياوحياتك باموت نفسي
انا واللي في بطني
****شمس/لميسوا وين رحتي ؟صار لي ساعه اكلمك
لميس/كنت اتذكر ذاك اليوم تصدقين مرت سنةوشهرين من تطلقت راويوه
شمس/زين قومي طلعي بره باكلم هلهول(اسم دلع هالة)
لميس/توني اقول اخلاق اختي اليوم ما تقدرين تصيرين خمس دقايق على بعض خوش بنية
(في بيت الراشد)
خالد/السلام عليكم
وعليكم السلام
ام خالد/احط لك عشى يمه
خالد/تسلمين يالغاليه تعشيت مع الربع
ابو كمال/اجل وينه كمال مارجع معك
خالد/شويات وبيجي
ابوخالد/شويات يعني مطول وراكم دوامات ليه تسهرون انا مستغرب
خالد/نغير جو بدل مانجي من الدوام ونقابل ها لوجيه السمحة
دلال/سمحه وغصبا عنك
خالد قعد جنبها وحب يغايظها/هي سمحه عند نايف بس مو عندي
نزلت دلال راسها في الارض
مشاعل/الحمد لله ماعندي احد تغايظوني فيه
خالد/لاوالله وحبيب قصدي وجع القلب
دلال/لا وانت الصادقهي بالنسبه له وجع ومو بس وجع الا هم وغم
مشاعل/انتي هي شفيك علي شمسويه لك انا علشان تقومين الحرب علي اقول اخوي عندك اياها
علمها منو عيال زايد
خالد/تصدقين دلال على بالي انك خرستي من طرينا ولد العمة
دلال/خلاص نايف عاد ماصارت بتجنني
خالد ومشاعل طالعوا في بعض واضحكوا
دلال/جنوا عيال عمي واقعدوا بالله شيضحكم انت واختك
خالد/ان حبيب القلب علطول في البال انا خالد مو نايف خ؛ا؛ل؛د
سكتت دلال ونزلت راسها بالارض مستحيه لانها عارفه انه بيو صل لنايف وهالمره ضحكوا عليها
بصوت عالي
ابو خالدانتبه لدلال/اشفيها دلوعتي ساكتة
مشاعل/اقول شفيك(بلهجه تهديد)
ابو خالد/يالله عاد كل شي ولادلالي ماحب احد يزعلها
وبعد نص ساعه كان الكل في غرفته ماعدا خالد ومشاعل اللي كانت ماسكه لاب توب
خالدوهي تغني (لاتبكين ياعيني ياعيني ياعيني وتبكيني مثل مافارقوك تفارقيني لو بالبكي يرجعون لاعمي ثنين
العيون )ورفعت راسها بتكلم خالد لقته يناظر وراها دارت ولقت كمال واقف يتاملها بدون ما
تحس انه وصل .. مشاعل كانت حاطه الشيله على كتفها واول ماشافت كمال حطتها على
راسها
كمال/مشاعل شلونك
مشاعل حطت الاب توب على الطاوله ومشت
مشاعل/تصبح على خير ياخالد
كمال/وانا مالي شي ولاتعودتي تنيميني على هم وتصحيني على هم اكبر منه
مشاعل ركبت بدون ماترد عليه التفت لخالد اللي كان يناظرهم بدون مايعلق
كمال/عاجبك اللي قاعده اختك تسوي فيني
خالد/وش تبيني اسوي لها انت تعرفها عنيدة
كمال/صارلي سنتين من رجعت وللحين تتجنبني ياخالد يعني اللي سويته غلط ؟ انا كنت ابي
الزين لها
خالد/بس هي ماهي قاعده تفكر بذي الطريقه هي اللي فهمته انك ماتبيها ياكمال
كمال/زين لمتى عاد بتظل كذا انا تعبت ياخالد حط نفسك بمكاني اختك تعاملني كاني مرتكب
جريمه وهي عارفه اني احبها واموت فيها
شمس دخلت غرفتها وقفلت الباب ووقفت قبال الدولاب وهي متردده تفتحه ولالا وبعد محاولات عديده
في انها ماتفتحه فتحته وطلعت صندوق مخبا بين ثيابها وراحت لعند سريرها وقعدت وطلعت من
الصندوق صوره وحضنتها بقوه وبدت تبكي بهدوء اه يامتعب ياحب مانكتب له يعيش وقعدت تتكلم
مع نفسها(اي حب مانكتب له يعيش ياشمس انت تحبينه وهو مايدري عن هوى دارك؟ لامو
صحيح متعب يحبني ؟بس انا اللي ما عطيته مجال ما كنت ابي علاقتنا تستمر وهو
من عيال الراشد دمه مخلوط بدمهم ماقدر احبه ماقدر ياربي ساعدني كل ما حسيت ان
اللي بيني وبينك يامتعب انتهى يرجع من جديد يبتدي شلون انساك يامتعب وانت صرت قطعه
مني ؟صرت تاخذ كل تفكيري حرام عليك يامتعب حرام ارحمني الله يخليك انا مابي غير
حبك في هاالدنيا قول انك بتبيع كل عيال الراشد وبتشتريني وبتجي نكمل دربنا مع بعض
) وقعدت تبكي وهي ضامه صوره متعب لصدرها ودموعها مغرقتها .
وفي نفس الوقت كان متعب جالس في مكتبه في شركه ….. وهو يبتسم بهدوء لانه
تذكر او ل مكالمه بينه وبين شمس (طبعا عيال الراشد مايدرون ان عندهم خاله او
عمه غير ام متعب وام نايف لان الخلاف اللي بينهم كان من زمان )
شمس/الو.
متعب/نعم (بدون نفس)
شمس/كيف الحال
متعب/بخير (وهو بعده متضايق)
شمس/ممكن اكلم لؤلؤة
متعب/لاوالله ترى ها الحركات قديمة
شمس/بسم الله الرحمان الرحيم انت منو(كانت تبي تبين له انها غلطانة)
متعب/انا متعب يمشي ولا يحتاج بعض التغيرات
شمس باستغراب/اي متعب من وين طلعت انت.
متعب/اللحين انت اللي داقه وتسالين منو.
شمس/عفوا اخوي الظاهر اني غلطانة
متعب بعد ما انشد لصوت شمس وحس انها صدق بتسكر الخط في وجهه /اقول مو
اللحين عفوا وبعد خمس دقايق تعودين تتصلين ترى خابرها ها الحركات انازين.
شمس بعصبية/لاوالله قلنا لك اسفين يبى ماصارت ما حد يغلط يعني.
متعب اللي حسها فعلا غلطانه /اقول ماعليش اختي بس ترى بناتنا كذا حركاتهم.
شمس/…….(ساكتة)
متعب /خلاص اسفين مو قصدنا .
شمس/لاعادي ماصار شي باي .
متعب/لحظه زين متى بتغلطين مره ثانية؟
شمس والبسمه مبينه على وجها بس ماحبت تبينها بصوتها/انت صدق واحد سخيف وماتنعطى وجه…وسكرت السماعة…ومتعب
قعد يلوم بنفسه) انا شسويت معقول اللحين الا طول عمرك ثقيل وماترد السلام على بنات
عمك اللي ساكنين معك في نفس البيت الا باالموت تقوم تاخذ وتعطي مع وحده قاعده
تغازل بالتلفون ؟؟لالالا حرام البنت كانت غلطانه ؟؟وبعد قاعد تدافع عنها حضرتك.
ورجع متعب لارض الواقع على صوت التلفون اللي كان مقطع نفسه ومتعب قاعد يتنهد من
قلب ورجع يسال نفسه الاسئله اللي كل يوم تدور في باله(وينها؟شصاير فيها ش
تقصد بكلامها ان احنا مستحيل نكون لبعض في يوم من الايام؟ليش رحتي من تسعه شهور
وماتركتيلي حتى اسمك اذكرك فيه***********************
في بيت الراجحي
ام رياض/انا باروح احط العشى مو اللحين واحد فوق وواحد تحت
لؤلؤة/وين هالوه ماشفتها اليوم.
فرات/الخاينه الليله نومتها في بيت الجاسر .
(رياض من جابوا طاري بيت الجاسر طار عقله)
لؤلؤه بصوت عالي/لا مالي شغل قوموا ودوني الحين لاوالله اطلع امشي بها الليل.
فرات(بنحاسة)/هم مايبونك يعني لو كانوا يبونك دقوا عليك.
رياض مسك يد لؤلؤه وجلسها جنبه
رياض بانكسار/احنا مايبونا عيال الجاسر.
لؤلؤه حست ان اخوها متضايق فحبت تفرفش الجو شوي/اقول رياض انا مفلسة.
تنهد رياض/شلونها.
لؤلؤة/منهي.
رياض/منو غيرها ام دانيال.
لؤلؤة/بخير.
رياض/متى اخر مره شفتيها.
لؤلؤة/الاسبوع اللي فات.
رياض/انا صار لي شهرين ماشفتها حتى لما اروح للعيال ماتطلع لي.
لؤلؤة/خلاص ياخوي انتوا صار لكم سنه وشهرين من تباعدتوا(قالتها متعمده لان رياض مايحب احد يقول
تطلقتوا)ولاانت راضي تتكلم شلي صار ولاهي راضيه ترد لك فالاحسن ياخوي انك تنساها.
رياض/انساها هذا المستحيل يالؤلؤه هاذي زوجتي وحبيبتي وام عيالي شلون انساها شلون.
وقطع كلامهم صوت ام رياض تناديهم للعشى.
*********************************************
وبعيد عن هالاجواء كانوا هاله وسوزان عند شمس لان النومه عندها سوزان مسكت جوالها/خلاص انقلعوا
انتي معها راحت حزتكم.(سوزان الصديقه الصدوق الثانيه لشمس بعد هالة)
هالة/وجت حزه الحبيب.
شمس/انتي ماتملين منه الصبح تكلمينه الظهر تكلمينه الليل تكلمينه.
سوزان/مابرد عليك لانك غيرانه مني(بمرح)
هالة/هي شمس قصدها تقول ان ولد الناس مل منك وكلمها وقال لها عقلوا البنت تراها
مجننتني.
سوزان/مالت عليك اصلا حبيبي مايستغني عني وقبل لاادق عليه هو يتصل فيني يموت علي مايقدر
مايسمع صوتي.
ودق جوال سوزان كتاكيد على كلامها على نغمه اندماج الارواح ورفعت سوزان الجوال.
سوزان/الو (بدلع)
طلال/هلا باحلى الو تسمعها اذني وينك اليوم.
سوزان/موجودة.
طلال/ادري موجوده متغليه ولا زعلانة.
سوزان/لاهاذي ولا هاذي بس اليوم النومه عند شمس وراحت علينا سوالف وماصار في وقت ادق.
طلال/ اشوف القعده ويه شمس وهاله صارت تنسيك شي اسمه طلال.
سوزان/والله ياعمري مافي شي يقدر ينسيني طلال بس جد راحت علي سوالف.
طلال/زين لان لو هم السبب ماراح تصاحبيهم على طول.
سوزان/لاعاد الا شمس وهاله مستحيل اني اتركهم في يوم من الايام.
شمس تكلم هالة/والله يسويها طلال افندي ويخليك تنسينا وضحكت سوزان.
طلال/عسى ماشر.
سوزان/لابس شمسوا قاعده تحش فيك.
طلال/بعد مو ناقص ا لا ها المعقده تتكلم فيني.
سوزان/لاعاد انا مارضى تقول عنها معقدة.شهقت شمس وضحكت هاله واخذت شمس التلفون من سوزان.
طلال/وانا الصادق معقده ونص هاذي ماتواطن اي رجال في العالم.
تكلمت شمس بهدوء/والله لو الرجال يتواطنون كان ماعندي مشكله بس المشتكى لله منكم.
طلال/اهلين شمس كيف الحال.
شمس/والله صدق قوي عين.
طلال/اللحين يوم اناقوي عين ليه تكلميني قلبي وجهك وعطيني حبيبتي
شمس/اكيد بعطيك اياها دكتور طلال لاني مايوجع راسي مع واحد مثلك.
وعطت شمس السماعه لسوزان اللي اخذتها وهي تضحك/ها من غلب فيكم؟
طلال/انتي عندك شك فيني.**************
في ساعه متاخره من الليل وعلى هدوء البحر جلسوا شلةالشباب (نايف؛خالد؛متعب؛كمال؛ فارس؛طلال)كل واحد قاعد على
صخرةوهو يتنهد.
طلال/متعب شفيك؟
متعب/مافيني شي.
فارس/شلون مافيك شي وشكلك تعبان حيل ومو نايم.
متعب/افكر فيها.
نايف/انت من صدقك تفكر فيها وحده ماتعرف حتى اسمها؛وداقه مره بالغلط واستمريتوا تكلمون بعض ثمانيه
شهور على التلفون وماشفتها غير خمس لو ست مرات ماتقولي شلي معلقك فيها؟
متعب/انا احبها ليه ما نت راضي تفهمني يا نايف.
فارس/هذا مو حب انت انشديت للبنت يامتعب يمكن لانها اول بنت دخلت حياتك.
متعب/انتوا موعارفين شي ولا فاهمين شي انا من يوم ماتركتني هاالبنت واناحاس اني ضايع؛حاير؛في بالي
الف سؤال هي ليه علقتني فيها؛ليه تركتني بعد ماعرفت عني كل شي.
خالد/بس انت ماتقدر تحكم انها تركتك انت ماتعرف ظروفها يامتعب يمكن اهلها عرفوا انها تكلمك
او يمكن زوجوها غصب ويمكن ويمكن ويمكن لاتلوم في البنت وانت ماتدري شلي صار لها
.
فارس طالع بالجهه اللي كان قاعد فيها كمال وهو سرحان.
فارس/والحبيب يفكر بشنو.
كمال ماتكلم بس تنهد.
طلال/اكيد في المجنونة.
كمال ناظر طلال بنظره غضب /يالله عاد ترى مارضى عليها.
متعب/الا شخبارها صحيح.
كمال/بعدها معنده ومو راضيه تلين.
نايف/هاذي صحيح مشكلتها مشكله الله يعينك عليها.
وقطع عليهم الكلام صوت جوال خالد وكانت الامبراطوره هي المتصلة.(كان مسجل حبيبته باسم الامبراطورة)
خالد/سم طال عمرك.
ضحكت جيهان/سم الله عدوك مشغول ولامعاك احد .
خالد/لاكذا ولاكذا.
جيهان/خالد ابي ….
خالد/تدللي ياروح وتفكير خالد.
طلال/هذا والله اللي ماعنده هموم.
فارس/عينك عليه باردة.
نايف/ها علشان اختك.
متعب/اصلا هذا اكثر واحد مبتلش اخته الكبيره مشاعل حشى ماهي صاحيه مجنونه وقاطعه كمال بس
متعب ماهتم وكمل كلامه وباقي اخوانه الحمد لله والشكر بلوه من بلاوي السماء ناهيك عن
جنونه الاكبر(جيهان)وادمانها لشي اسمه بيبسي هذا غير الشركه والعمال والمكتب شيبي بعد اكثر ضحكوا الشله
عليه الااثنين كمال اللي بعده حاط على خاطره لانهم قالو عن مشاعل مجنونه وخالد اللي
ماكان معهم من الاساس.
الساعه سبع الصباح فتحت دلال عيونها بثقل على نغمه مسج الجوال اللي خلى مشاعل تتافف(لانهم
مع بعض في نفس الغرفة).
مشاعل/يالله صباح خيرمنو هالمزعج.
دلال/وانا شدراني وبعدين انا ماقلت لاحد يرسل علشان تصارخين .
مشاعل/ماقلنا شي بس الواحد ماياخذ راحته في النوم الايوم الخميس فيكون افضل لو تخليه صامت.
سكتت دلال عنها وفتحت جوالهاتشوف الرساله وابتسمت لانها كانت من(انت الروح والقلب)(حلو انك تسمع كلمه
اعزك والاحلى تسمع مستحيل انساك يوم ضاق صدري تنفست بذكرى غلاك حضنت الملامح في خيالي
وتمنيت اجلس معاك سالت البريد الوارد ماجاني اليوم مرسال رد بصوت بارد يمكن ماني على
البال) احتاست دلال تدور رسالةحلوه للحبيب من صبح الله ومالقت قامت واتصلت فيه.
دلال/الو.
نايف/انااحب الو الناس النعسانة.
دلال بثقل/بس انا للحين مواصله مانمت.
نايف/على منو يابابا ها الصوت الدايخ كله ومواصله مانمتي.
دلال/نايف انت في السياره .
نايف/اخاف اقولك اني في السياره وتسكرين.
دلال/في الحالاتين انابسكر منو قال لك اني بظل على الخط.
وتاففت مشاعل بصوت مسموع.
دلال/خلاص يالله
نايف/زين قبل لاتسكرين عطيني شويه طاقه (يعني كلام حلو).
دلال/باي.
نايف بزعل/اول مره ا سمع ان باي تعطي طاقة.
دلال/لاتحاول مافي غيرها وبعدين انا وحده نعسانه وانت توه النهار توه.**************
(في بيت الجاسر)
سوزان/شمسوا انتي لما تلتقين بمتعب في عرسي شبتقولين له.
شمس/ان شاء الله يطلع طلال ولد حلال وما يتزوجك علشان افتك.
هاله اضحكت من قلب على شكل سوزان اللي كانت معصبه ورمت المجله اللي في يدها
على شمس اللي ابتسمت .
سوزان/اللحين يالبايخه تفاولين علي علشان ماتشوفين ولد خالتك.
هالة/قلنا لك ياشمسوا منتي قد هااللعبه بس انتي اصريتي انك تكملي.
شمس/اه لاياهاله اناقدها بس لو زماني نصفني وماخلاني احب متعب حلفت اجننه في البدايه حسيت
بالياس لانه ماكان يعطيني وجه بس بعدين تنازل شوي عن ثقله وصار يميل لي انا
اللي تورطت لاني تعلقت فيه وما عرفت شاسوي اللحين ابي اورطه واخليه يحبني اقوم انا
احبه صدق جنون فقلت علشان لايتازم الموقف اكثر لازم اتركه وامشي وخذي النتيجه موقادره ابعده
عن تفكيري لحظه وحدة.
وانتهى كلامهم عن متعب بدخول راويه تحمل دانيال وديمه تمشي وراها.
فزت هاله من شافت دانيال لانه كان يشبه رياض لدرجه كبيرة.
هالة/هلاهلا بروحي وعمري وبعد طوايف بيت الراجحي كلهم واخذت دانيال في حضنها مما اثار زعل
ديمة.
ديمة/اصلا انا ماحبكم احب خالاتي بس.
راوية/عيب هالكلام .
راحت ديمه عند سوزان وجلست بحضنها
ديمة/سوزان تحبني اكثر.
سوزان تبوسها على خدها/اكيد اصلا البنات احلى
راوية/شعلومكم بعد.
هالة/والله كلنا بخير ماعدا ناس في بيتنا تعبانين(تقصدرياض)
تلاحقت سوزان على الموضوع تغيره/الاراويه اختك الشمس المشرقه لمنو طالعةبخيلة.
شمس/عليك.
راوية/لاعاد كلش الاشميسه مارضى عليها.
شمس/راويوا وطقه ماحب احد يقولي شميسة.
راوية/خلاص يالله تسنعي وصيري خوش مره وروحي طبخي الغذاء.
شمس/ان شاء الله عمتي في اي اوامربعد.
راوية/خذي وياك هالشقره علميها(تقصد سوزان)
هالة/الحمد لله ان الدور ماوصلني.
شمس/انامستعده اقابل المطبخ من كناس وطباخ وغسال بس مايقعدوني مع بزر.
هاله تضم دانيال الى صدرها/حرام عليك شوفي شحليله.
وبعد ماطلعوا من الغرفه راويه خلت ديمه تجيب لها عصير (قصدها تطلعها علشان تتكلم براحة)
راوية/هالة.
هالة/نعم.
راوية/……
هاله حست ان الموضوع في رياض.
راوية/رياض مايبي يتزوج.
هالة/لا
راوية/ليش متاكدة.
هالة/بتزعلين اذاقلت لك.
راوية/لاامانه ماراح ازعل.
هالة/صارلنا فتره في البيت نحاول نقنعه انه يتزوج بس ماهو راضي.
راوية/وليش كنتي خايفه ازعل.
هالة/خفت تفكرين انا احنا نسينا عشرتك معنا وماهمنا موضوع طلاقكم.
راوية/هاله ابيك توصلين رساله لرياض.
هالة/ها رجعنا لايام قبل(قبل لايخطب ريلض راويه كانت هاله مرسال بين الاثنين)
راوية/قولي له ان مافي اي امل ان احنا نرد لبعض واذا مايبي يتزوج علشان العيال
لايشيل همهم ترى انامو تاركتهم.
هالة/الله يهداك غير الله
يهداك ماعندي.
)راوية/خلاص هاله غيري الموضوع بسالك شخبار بيت خالتك(راويه يهمها الموضوع لان جزء من طلاقها)
هالة/تصدقين رياض من تطلقتوا للحين مامر عليهم مره واذا كانوا في البيت يطلع خالتي قبل
اسبوعين سوت مشكله مالها اول ولاتالي تقول احنا شمسوين لك يارياض احنا اللي خليناك تطلق
مرتك ماتواطنا بعيشه الله.
راويه لما سمعت هذا الكلام تنهدت مما اكد لهاله ان لبيت خالتها يد في طلاق
رياض وراويه اكيد لهم يد خالتي كانت تتمنى رياض يتزوج بنتها وصال ويوم خطب راويه
قاطعونا ويوم ردوا لنا رياض طلق راويه شنو معنى هاالكلام ؟؟؟؟؟؟؟؟؟؟؟
البارت الثاني…
*************************
يوم الجمعه كان تجمع كل عائله في بيت جدها.
*في بيت ال خليفة(بيت جد مشاعل)
ابو حمد/والله مابغينا نشوفك يامشاعل.
مشاعل/اسكت ياخالي مابغى يجي يوم الجمعه الامن عمري(مشاعل متعلقه في بيت جدها وخصوصا خالها عبدالله
تموت فيه)
سا رة/اللحين انتي اشتقتي لنا كلنا ولاناس محددين
مشاعل/شفت ياخالي بدوا بحروبهم علي
ابو حمد/اذا تنتظرين اني ادافع عنك ماانا مدافع اللحين يجي صاحبك وخليه يدافع عنك
/هاهاهاهاها/
رانيا/تعجبني يابوحمد…استمر في قول الحكم(رانيا تصير بنت خالها)
مشاعل/بتشوفين انتي بعد.
بدر/وهو الصادق مهما قلنا ومهما سوينا وعطينا بنظل مانساوي ربع عبدالله عندك.
شاهة/لاتتكلمون عن اخوي وهو غايب.
مشاعل/فكرتك بتدافعين عني ياخالتي لكن ماعليه اوريك اوريك بعيالك.
ام خالد/الاصدق هو وينه.
ام حمد/اللحين جاي دازته ياخذ لي كم غرض من الصيدلية.
مشاعل/اللحين عيالك قاعدين ما تامرين عليهم وخالي الله له المسكين رايح جاي على طلباتك.
ام خالد/عن اللغوه الزايده وقوموا جهزوا في العشاء.
رانيا/ايه احنا نجهز في لعشاء وانتي وخواتك على السوالف .
مشاعل/هاالمره انتي اللي عجبتيني في ام خلوود هذي انا ماقدر عليها.
سارة/اسم الله عليك انتي تقدرين على بلد بحاله ماتقدرين على اختي المسكينة.
ويدخل عبدالله الصالة/السلام عليكم.
/وعليكم السلام والرحمة/
واتجهت الانظار الى مشاعل اللي من شافت عبدالله قامت تركض له تحضنه وتبوسه.
مشاعل/هلاياقلبي شخبارك.
عبدالله/والله مادريت انك وصلتي يام عبدالله كان رجعت بدون الاغراض.
ام خالد/بس ام عبد الله تستاهل ترجع علشانها وامها مالها شي.
مشاعل/يا الله على غيرتك ياام خالد تشوفيني مع جدي تتكلمين تشوفيني مع زايد تتكلمين تشوفيني
مع عبودي تتكلمين انتي شفيك ليش غيرانه مني؟
محمود/انا اقولك ليش غيرانه لانك اصغر منها واحلى منها وصوتك يجنن اما هي حيا الله
امنا.
هاهاهاهاهاها
عبدالله/موكانك ضعفانة.
مشاعل/امي ما تاكلني
عبدالله/ليش عاد ياختي كذا هاذي امانه عندك.
مشاعل/تقول لاتاكلين علشلن تمرضين ونفتك من حنتك ولغوتك.
عبدالله/سمعي اول ماتخلص الدراسه الاقيك هني في البيت وماتردين الامع فتحت المدارس من جديد.
محمود/وانا
مشاعل/يعيش خالي عبود.
سارة/لابالله الاعشنا في الاجازة.؟
في بيت الشامسي
ابو زياد/شدعوه ياكمال صار لنا فوق الشهر ماشفناك؟
كمال/ماعليش ياخالي بس صار عندنا شويه ضغط بالمستشفى.
ابو زياد/الله يوفقكم ياولدي بس احنا عاد نبيكم دايم حوالينا مانبيكم تغيبون عنا.
ام كمال/وينه طلال ماشفته
ليالي/راح يجيب مرام
ريم/انا قلت لها بمرك قالت اذا خلصت بتخلي طلال يمرها.
ام كمال/وانتي شخبارك في شغلك ياريم.
ريم/الحمدلله خالتي ماشي الحال(ريم دكتورة)
شذى/ماتفكرين تروحين مستشفى خاص.
ريم/لامستحيل
ليالي/ليش عاد
ام طلال/اقول كمال انت ماودك نفرح فيك.
كمال/مو لسه بدري ياخالتي
ام كمال/لاوالله وان شاءالله لمتى بتقولي بدري
عهودتاشر على ليالي تروح لها المطبخ وتقوم ليالي وتلحقها شاذن ورولا
عهود/بسم الله اناقلت ليالي ماقلت ام خماس وام سعيد
رولا/هاهاها عجبتني قولي بسرعه شتبين من لياليوا
عهود/شفته.
ليالي/حلفي؟متى.
عهود/امس العصر كنت رايحه مع هنادي المستشفى ولقيته هناك.
ليالي/طيب شكان لابس؟شن…
.عهود/هو من شافنا دخلنا استاذن وطلع من الغرفة
رولا/لاوالله فهمنا منو هذا
عهود/واحد الاخت حاطه عينها عليه
شاذن/منو؟
ليالي/لقافه صحيح ماراح اتكلم
رولا/تكلمي بسرعه قبل لاانفجر
ليالي/ انا معجبه في واحد بس عمري ماكلمته ولاهو يدري عني
شاذن/اي حب هذا اي خرابيط
رولا/ليه عاد؟
ليالي/مابي يعرف مادري
رولا/طيب منو هذاعهود/بدر الخليفة
شاذن/هذا خال مشاعلوا بنت عمي
ليالي/وصلتي خال مشاعل..
شاذن/طيب شرايك اسال هي علاقتها بخوالها مره حلوه مشاعلوا ويقولون لها كل شي واخليها تجس
نبضه
ليالي/ياي بس ها لاتقول له منو انا
بيت الشهري
ام اياد/ماكان عندهم عمه هالعيال يسالون عنها خلاص من الجمعه للجمعة.
الجد/قولي ماعندهم جد يسالون عنه..
متعب/شدعوه ياجدي مع بعض في بيت واحد وكل يوم نشوف بعض.
الجد/انت اشوفك بس غيرك ماشوفه
هيام/شنسوي ياجدي الشغل ماخذ كل وقتنا.
الجد/لاياهيام اذاتزوجتي مافي شغل ولا عندك راي ثاني يامتعب.
متعب بجفاء/والله اذا اتفقت مع زوجها فذاك الموضوع يخصهم بروحهم.
هيام ماعجبها راي متعب بالمره كانت تتمنى لو مره يكلمها او حتى يطالع فيها بس
لا متعب دايم مطوفنها.
متعب ماكان يحب قعده بيت الشهري كثر بيت الراشد بيت الشهري يعتبر كل الشباب اقل
من مستواه وهو ارفع منهم صحيح انه يحب عماته بس في بيت الراشد هناك كمال
وخالدونايف.
متعب/انا بروح داري شوي.
شادية/ليه عاداقعد سولف معانا.
متعب /عندي اوراق لبكره باجهزها وبعدين بنزل.
هيام/لاتطول عاد ترى جدي هالاسبوع جايب العشى من المطعم علشان تتعشى معنا مو مثل كل
اسبوع.
وانتظر الكل تعليق متعب اللي ماعطى الموضوع اي اهميه وركب لغرفته وسكر الباب ووقف وراه
وهو يتنهد كان يبي يبعد عن الجو باي طريقه كان يبي يرجع لغرفته يبي يكلم
حبيبته يبي يسمع صوتها او بالاحرى هو للحين عنده امل انها بتدق في اي لحظه
وغمض عيونه بعد ماقعد على مكتبه وهو يتذكر المره الثانيه اللي كلمت فيها شمس واللي
كان يستنى انها تكلم
شمس/الو
متعب/هلا
شمس/….
متعب/هالمره غلطانه بعد
شمس/……….
متعب/مين تبين لؤلؤه ولامتعب
شمس/انت مانسيت صوتي
متعب/لاطبعا
شمس/ليش يشبه صوت حبيبتك
متعب/هاهاها حبيبتي عاد؟
شمس/ليش ماعندك حبيبة
متعب/والله سخافه اي حبيبه اي خرابيط
شمس/تبي تقنعني ان ماعندك حبيبه تكلمها
متعب/ياسلام ومن انتي اصلا ومن تكونين علشان احاول اقنعك
شمس/………
متعب/وين رحتي؟
شمس/موجوده مارحت مكان
متعب/انتي ليش متصلة
شمس/انا اسفه اني ازعجتك اواخذت من وقتك
توتوتوتوتوتوتوتوتوتوتوتوتوتو
وندم متعب لانه حس انه تسرع في كلامه معاهاوتمنى ترجع تتصل مره ثانيه وفعلا اتصلت
بعد اسبوعين
شمس/الو
متعب/هاهاها
شمس/هاالمره مو غلطانه لاتخاف
متعب/اجل تغازلين علني
شمس/لا
متعب/ها…شنو
شمس/جاني احساس انك تبي تسمع صوتي
متعب/ومن وين جالك هاالاحساس
شمس/من كثر مافكرت فيك يا…..
متعب/يا …شنو
شمس/يامتعب
متعب/…………
شمس/…………..
متعب/شسمك؟
شمس/ماظن انه مهم
متعب/كم عمرك…..او مابتجاوبيني
شمس/وليه يعني؟
متعب/علشان البنات مايحبون يقولون عمرهم لاحد.
شمس/بس انا ماتفرق عندي اذا قلت عمري اولا
متعب/طيب كم عمرك.
شمس/22سنة
متعب/…حلو العمر كله ان شاءالله
شمس/ياي هاذي اول كلمه حلوه اسمعها منك
متعب/وليش تبيني اسمعك كلام حلو بالله؟
شمس/وش يضرك مو الكلام الحلو صدقة….
متعب/حلوه بس لاتعيديها.
شمس/هي حلوه بس مو كثر حلاتك.
متعب/بالله.
شمس/اكيد
متعب اللي عجبه الجو مع شمس فاجاه سوالها
شمس/متعب تبيني اسكر / ودق قلبه خاف انها تسكر ويظل يفكر فيها
متعب/لا
شمس بدلع/ان شاء الله حبيبي
متعب صدمته الكلمه صدق انها قاعده تسخر بس ماتوقع الكلمه ابدا وظلت ترن في اذنه
متعب/حبيي عاد مره وحدة
شمس/انت تشتغل
متعب/يهمك تعرفي
شمس/موكثير
متعب/انتي ماتهميني فماراح اقولك
شمس تضايقت منه ومن رده السخيف/تصبح على خير توت توتو توت توت
****************************وورجع متعب يتندم من جديد لانه ضايقها …كان يتمنى انها تظل تكلمه على طول لكن
غروره وتبجحه في كل مره يتدخلون بينه وبينها غصبا عنه …..وشمس ماتنازلت عنه رجعت كلمته
بعد اسبوع ……
شمس/الو
متعب اول ماسمع ها ا لالو دق قلبه من الفرح وابتسم وقال هالمره خلي كل
شي يامتعب ولاتفكر الا بالوقت الحلو اللي بتعيشك فيه مع صوتها….
متعب بفرح/هلا والله
شمس/اوه اوه هلا والله بعد تطورات صارت في ها الاسبوع مادرينا عنها …..شنو بعد غير
هلا والله
متعب/من قال لك غيبي اسبوع كامل لاتتصلين ولاتسالين راحت عليك تطوراتي.
شمس/والله عاد انت ماتبيني اسمع صوتك وارتاح.
متعب وهو يحاول يكتم فرحته/ترتاحين لما تسمعين صوتي.
شمس/ولو انك بعد ها الكلام اللي بتسمعني كلام مثل السم بس مضطره اعترف لك باني
حيل ارتاح لما اسمع صوتك ….
متعب/ شسمك…
شمس/مو مهم الاسم.
متعب/بس انتي تعرفين اسمي.
شمس/انت قلته ماحد جبرك على يدك وبعدين يمكن مايطلع اسمك صدق بس كذا لتمويه.
متعب/شوفي يابنت الناس انا مااكذب ولاتعودت اني اتعامل مع احد يكذب فلا تزعليني منك من
بدايتها .
شمس برجاء/لاتزعل الله يخليك.
متعب/خايفه من زعلي.
شمس/اكيد
متعب/ليه؟
شمس/لانك لو زعلت بنحرم من صوتك الدافي اسبوع كامل؟
متعب/انتي غريبة
شمس/ليش يعني؟
متعب/لانك توك تكلميني مداك تعلقتي بصوتي؟
شمس/اقولك وتصدقني يامتعب.
متعب/طبعا راح اصدقك./
شمس/انا اول مره كلمتك فيها كنت غلطانه بجد بس اسلوبك ونبره صوتك ظلوا في بالي
وتمنيت اسمع صوتك مره ثانيه كنت ناويه ماتكلم بس ماعرف شللي صار وخلاني اكلمك وكل
ماكلمتك وزعلتني اسكر واقول التوبه بس في شي داخلي رافض اني ما ارجع اتصل فيك
متعب/هذا اعتراف.
شمس/اللي يكون…المهم انه شعوري….
متعب/شسمك
شمس/قلت لك ماهو مهم
متعب/طيب كيف اناديك
شمس/عادي اي اسم يخطر في بالك……متعب فيني اطلب منك طلب
متعب/خير
شمس/ممكن اكلمك بكرة
متعب/بس بكره تبين تكلمين
********************************************
البارت الثالث…
متعب/طيب كيف اناديك
شمس/عادي اي اسم يخطر في بالك……متعب فيني اطلب منك طلب
متعب/خير
شمس/ممكن اكلمك بكرة
متعب/بس بكره تبين تكلمين
شمس/خليني اضمن بكره وبعدها يصير خير
متعب/طيب بعدين باقولك
شمس/انا الحين بسكر ابي اعرف اللحين
متعب/وليه مستعجله ماقلناشي
شمس/اكلمك بكرة
متعب/كلميني في مثل ها الوقت لاني ماراح اكون موجود قبل
شمس/طيب احلام سعيدة
وسكرت شمس السماعه ومتعب بعده ماسك السماعه يناظرها (شسوت فيني ها البنت انا مايهزوني البنات
ولا حراكاتهم بس هاذي عجيبه ماهي راضيه تتنازل الااكلمها وانا ماصدقت على الله ابي اعرف
حتى اسمها لا مايصير كذا لازم اثقل نفسي شوي عليها بس صوتها يشدني ماقدر احس
اني اذا ثقلت عليها ماراح اسمع صوتها وانا مادري شفيني موقادر اصبر عن صوتها الله
يعين لين مايجي بكره ) وفي اليوم الثاني مر بطي على متعب اللي كان طول
الوقت معصب لين ما ظلمت الدنيا ركب داره ينطرها قبل الموعد بثلاث ساعات ويوم ربعه
دقوا عليه بيطلعون قال لهم مشغول مع الاهل ماكان يبي يطلع من داره في ذيك
الليله ومشى الوقت بسرعه ومر الوقت اللي المفروض تكلم فيه بدون ماتتصل ومرت ساعه وساعتين
وماتصلت ومتعب اوصلت معاه على الاخر(ان شاء الله مفكرتني صبي عندها وبموت اذا ماتصلت بالناقص
ان شاء الله عمرها كله ولااتصلت هي اللي تبي تسمع صوتي مو انا؟)ومامرت عشر دقايق
الا والتلفون يرن ومتعب ماخلاه يكمل حتى نص رنه علطول شاله.
متعب/الو (يحاول يخلي صوته طبيعي وكانه مومشتاق)
شمس/هلا….. نايم
متعب/لا مانمت
شمس/ليه مانمت؟
متعب بينه وبين نفسه(تحلمين اقولك انطرك)/والله عند اوراق للعمل قاعد اشتغل عليهم (يا كذاب يابعد
عمري اسمحوا لي بس اموت فيه )
شمس/……….
متعب/ليه تاخرتي(الظاهر مايقدر يداري اكثر)
شمس/فكرتك ماراح تسالني وتضايقت
متعب/……….
شمس/كانوا عندنا ضيوف وماطلعو الاقبل شوي.
متعب/ش هالناس الذويقه احد يقعد لوقت متاخر في وسط الاسبوع (مادري ليش متضايق)
شمس/ماعلينا…..متعب….
متعب/نعم.
شمس/………اشتقت لصوتك موت كنت معاهم بالجسد بس التفكير كان عندك.
متعب/…….كلميني عن حياتك
شمس/عادي حياتي مافيها شي مميز يعني حياه بسيطه وعايشه في بيت كله استقرار وامان.
متعب/……….انتي باي قسم في الجامعة
شمس/وليه؟
متعب/يمكن قسمك يحددشخصيتك؟
شمس/كيف؟
متعب/لانك ماتبين تتكلمين عن نفسك.
شمس/مو بالضبط.
متعب/ ماعلينا قولي لي انتي في اي قسم بالجامعة.
شمس/شوف متعب انا مابي اكذب عليك بس دخيلك لو يكون مايكون لاتقطع عني صوتك….انا مو
بالجامعة.
سكت متعب لان اجابتها ماعجبته
شمس/متعب وين رحت
متعب/يعني عندك ثانويه بس؟
شمس/اي.
متعب/ليه ماتعرفين ان الشهاده سلاح في هذا الزمن.
شمس/………
متعب/طيب ممكن اعرف ليه مادخلتي الجامعة؟
شمس/دخلت سنه وحده وطلعت.
متعب/ليه عاد؟لاتقولين مالي خلق ازعل منك بعدين.
شمس/لا….بس ظروفنا في البيت ماكانت حلوة.
متعب/كنتي في اي جامعة.
شمس/……….
متعب/وظروفك في البيت مانتهت ولاخلاص عجبتك قعدت البيت.
شمس/ليه في احد تعجبه الجلسه في البيت.
متعب/طيب ……
شمس/………
متعب/يضايقك موضوع الجامعة
شمس/نوعا ما ….
متعب/خلاص بنسكر موضوع الجامعه بس المهم ما تظلين ساكتة.
شمس/انت تشتغل ولا تدرس.
متعب/انتي شرايك.
شمس/……تشتغل….
متعب/شاطرة
شمس/وين.
متعب/يالله توقعي.
شمس/شا يفني عرافه كل شي اتوقعه بيطلع صحيح.
متعب/جربي مانتي خسرانة.
شمس/طيب انت جامعي.
متعب بانفعال/الا جامعي ونص.
شمس وهي تضحك/طيب وانت ليش زعلان اناماقلت شي.
متعب/لاني جامعي ومتخرج من كندا يا انسه ……..شسمك
شمس/اللحين مو تطلع من السالفه الاساسيه وتقعدتسال شسمك….
متعب/ماطلعت ولادخلت ……..انا مهندس…
شمس/حركات بعد …ماقدر على المهندسين انا …. وين تشتغل…
متعب/في شركه ………
شمس/طيب يامهندس متعب انا باقولك تصبح على خير
متعب/ليه.
شمس تضحك /وليه الناس يقولون تصبح على خير يعني علشان ينامون طبعا.
متعب/لا
شمس/وشو اللي لا
متعب/مابي اسكرومابيك تسكرين.
شمس/اي…بس انت وراك دوام وانا بعد وراي دوام بكرة
متعب بدهشة/ليش انتي تشتغلين
شمس/ليش مفكرني عطالي بطالي حبيبي انا عندي دوام تصبح على خير.
متعب/طيب بتكلمين بكرة؟
شمس/انت تبي تسمع صوتي.
متعب/مايبيلها تفكير.
شمس/طيب تصبح على خير
يالله يا روح متعب بس لو تعرفين صوتك الدافي كان يريحني ويروقني ؛انا تعبان من
دونك؛بس لوتعرفين تفكيري فيك كيف ذابحني؛ لو…..متعب …متعب…متعب شفيك؟
رفع متعب راسه ولقى هيام واقفه جنبه بخوف؟
هيام/متعب شفيك؟
متعب بعصبية/انتي كيف تسمحين لنفسك تدخلين غرفتي؟
هيام/جيت اتطمن عليك قلت بتركب شوي وبتنزل صار لك ساعتين وانت هنا.؟
متعب/طيب طلعي وانا بجي وراك.
هيام/بس لاتتاخر.
متعب/انا ماحد يملي علي اوامره سمعتي ولااعيد كلامي ؟
وطلعت هيام وهي متضايقه من اسلوب متعب اما متعب فعيونه كانت على التلفون اللي صار
شكله كئيب من بعدها….
في بيت العتيبي……
اصايل/صحيح البارح اتصلت فيني شيماء تعزمكم على زواج اخوها وقالت لي كم بطاقه تبون.
ام راشد/اخوها محمد اللي بياخذ جواهر الناصر…
اصايل/اي هذا هو…
ام نايف/ماشاء الله كبروا العيال….هذا بصغره كان ويانا على طول.
اماني/فهمنا يعني غصب طيب تعالوا روحوا العرس.
ام محمد/طبعا لازم تروحون كلكم ذولا بحسبه اهل لنا مايصير مانوجبهم.
نورة/يصير خير ياعمتي…
ناهد/انا عن نفسي مادري وين احط نوافي…
نايف اللي كان توه داخل مجلس الحريم…
نايف/نوافي الصغير عند خاله نايف بعد وين بيكون…السلام عليكم…
/وعليكم السلام والرحمة/
ام محمد/هلا والله بشيخ الرجال كلهم.
نايف/عاد عمتي اذا انا شيخ الرجال محمد وابوه شيطلعون.
اصايل// وهي الصادقةشيخ الرجال ونورهم وضواهم وكل شي في ها الدنيا كيفك اخ نايف..
نايف/الا اليوم طايحه فيني غزل.؟؟عسى ماشر…
ام راشد/عاد نايف اصايل من تشوفك تطيح فيك غزل يتراولي ماتغازل زوجها كثر ماتغازلك.
نايف سوا حركه في وجهه لاصايل كانه يقول لها ماني مصدق وضحكوا عليه الباقي…
ناهد/صدق بتاخذه ليله العرس.
نايف/متى العرس.
ناهد/اسبوع الجاي ليله الاربعاء.
نايف/خلاص مو مشكلة.
ام نايف/احط لك عشى يمه.
نايف/لابروح مجلس الرجال بقعد معهم شوي وبتعشى هناك من زمان ماقعدت معهم.
اماني تقلد صوت ام نايف/روح يمه الله يحفظك .
ضحك عليها نايف/مجنونه ماعليك عتب.
وطلع من باب الصاله بيروح مجلس الرجال وفي الحديقه شاف نهى وساره ومن شافوا وقفوا.
نايف/داخل انتي معها ما ترون ان المجلس كله رجال .
نهى/طيب انت سلم اول.
نايف مشى وما كانه سمعها اللي خلا ساره تنقهر وتلف صوب نايف اللي وصل له
مسج قبل لايدخل ووقف يقراه وهو يبتسم كان من***انتي في بالي ****(دلال)
(اراهن بمليون ريال انك قاعد تفكر فيني اللحين)
وقعد نايف على عتبه المجلس واتصل فيها.
الو..هلا والله بالغلا كله ….مليون بس ؟هذا قدري عندك…انا قلت اللحين الكون كله… هاهاها طبعا
انتي عندك شك ….ليش بس ومنو اللي قال اني بقدر اصبر لليله الثلاثاء …انا بكره
بمر خالد علشان اشوفك …مارحتي بيت خالتك..اجيك؟..حاضرين والله لاغلى الناس ..ok اليله ادق عليك باي
حبي ….
نهى بغضب/الله يهنيك وياها.
نايف رفع راسه/انتوا للحين مادخلتوا الظاهر انكم ماتسمعون الكلام…ودخل عنهم المجلس وساره كانت تغلي من
القهر لانها كانت عارفه انه قاعد يكلم دلال وانه يموت فيها
سارة/الله لايعطيها عافية؟
نهى/ماعليك منها خليها تولي زين…
سارة/انتي ماسمعتي كيف يكلمها شوي ويموت عليها ماني طايقتها
نهى /لاتخافين بيتركها يعني بيتركها ….اليوم …بكرة..لازم يتركها….وانا بنت امي وابوي….
سارة/راويني شطارتك ياحلوة
نهى/بتشوفين شطارتي وبتدعيلي…
في بيت الراجحي كانو اشمس وسوزان بينامون عند هالة.
وفي غرفه هالة(شمس سوزان هاله لؤلؤه فرات)
لؤلؤة/حرام عليك شمسواكان جبتي معك ميمو ولولو
سوزان/حشى قطاوا ذولا مو بنات
/هاهاهاها/
شمس/شوفي عاداخت لؤلؤه انا اطلع من البيت قصدي ارتاح من وجيهم بعد اروح اجيبهم معي
.
فرات/لاتتكلمين عن صديقاتي كذا.
هالة/اقول اخوات مؤمنات ترى احنا بنات وعندنا اسرار بنتكلم فيها اذاممكن.(تقصد فرات ولؤلؤة)
فرات/تكلمي منو ماسكك.
سوزان/هاهاها اقول طلعوا من غير مطرود.
لؤلؤة/لاتستحون عادي مابينا اسرار.
شمس/تصدقون ضحكتوني.
هالة/اوووف اناماشوف اذا جاكم احد الزق فيكم كذا.
فرات/احم..احم…يالله وبدون حيا مني فيكم اللي تحب…
هالة/قومي قلبي وجهك احسن لك.
لؤلؤة/طبعا الاخت شمس بينها وبين الشباب عداوه فما اتوقع والاخت اوبسميها الاخ هاله ماينفع فما
ظلت اى التفاحه سوزي.
شمس/قوموا طلعوا احسن لكم.
فرات/اووف يالله قومي لؤلؤ.
وبعد ماطلعوا
هالة/عله الله ياخذهم.
شمس/عندنا وعندك خير مافي غير الاخت مفتكة(سوزان ماعندها غير اخت اكبر منها متزوجه واربعه اخوة)
سوزان/عينكم بارده بس صدقوني يونسون.
هالة/صح يؤنسون بس مو في كل الاوقات تجيهم لحظات اعوذ بالله.
شمس اللي كانت نايمه على سرير هاله فزت يوم دق جوالها شافت الرقم وابتسمت/الو..اهلين..كيفك شخبارك
يامغبره ..تصدقين حتى الغبار طلع من جوالي ……غريبه طاريه على بالك اليوم..ادري والله ادري….تعرفين ظروفي
ماصايره تسمح ….
هاله تدز سوزان/من تتوقعين؟
سوزان/مادري اذا سكرت بتقول لنا.
شمس/شخبار امك واخوانك……. حركات الاخ بعدوالله طلع ماهو سهل….زين ماعرفتيها…..ليش…اممممم…زتعرفين شمس مايخفى عليها خافي اكيد
بعرفها…..ان شاء الله قريب…لالالا في بيتنا احسن علشان تشوفين هاله وسوزان…اكيد يالله مع السلامة.
هالة/مني هاذي؟
شمس ابتسمت لسوزان/حماه المستقبل…
هاله وسوزان/سارة؟؟؟؟
شمس باستغراب/اي سارة؟
هالة/تقولين حماه المستقبل.
شمس/اي حماه المستقبل بس…
سوزان/بس شنو…
شمس/حماتك انتي.
سوزان شهقت بقوه ونطت عند شمس/ريم؟؟؟حلفي؟؟شتبي منك؟قالت شي عن طلال؟تكلمي بسرعة؟
هالة/وحدةوحده عاد ماصارت تبينها تجاوبك على كل شي؟
(ريم اخت طلال الكبيره بنت مغروره حيل وماتكلم اي احدومايعجبها اي احد وهذا اللي كان
مخوف سوزان منها لاسيما ان لها تاثير كبير على امها وعلى طلال نفسه تعرف شمس
من الدراسه لما كانت شمس بكليه الطب كانت ريم بالسنه الاخيره وشمس توها في اول
سنه وتوثقت علاقتها بشمس مره حتى بعد ماطلعت من ا لكلية)
شمس/اجاوبك كذا لا ..لازم مقابل؟
هالة/تعجبيني يالله.
سوزان/الا تبيه خذيه بس تكلمي..
شمس/هالوا شاهده الاابيه اخذه.
هالة/طبعا شاهدة.
سوزان/يالله عاد؟
شمس/والله ياست سوزان سمعي تقول ان كلهم بخير ماغير الاخ طلال قال لها قبل فتره
انه يكلم بنت في التلفون ويحبها موت رغم انه ماشافها غير مره وحده على الطاير
وهذا اللي معلقه فيها ويبي ريم تتعرف عليها؟
سوزان/…….
هالة/مااشوف فرحتي يعني…
سوزان/وليش افرح وانا وطلال متهاوشين….
شمس/من صدقك انتي عاد اول ماقال لك بعرفك على اختي تقومين وتزعلين منه؟
سوزان/لانه مصر اني اتعرف عليها ؟
هالة/وهاذي شفيها بالله؟
سوزان/ فيها اني مابي اتعرف عليها.
شمس/ترى ريم على الغرور اللي فيها لكن تنحب بسرعه ياسوزان يعني ماهي شينة.
سوزان/مع ذلك ماهي حلوه تتعرف علي بصفتي اني حبيبه اخوها؟شمس/عادي.
سوزان/والله؟
هالة/طبعا عادي طلال قصده الزواج.
سوزان/حتى لو ..ماحسهاحلوة.
شمس/شوفي ماراح نضغط عليك وقريب هي بتزورني في بيتنا وبتجين وبتقعدين معها وبتتعرفين عليها وعطينا
بعدين النتيجة؟
سوزان/مستحيل يوم اللي بتجي بيتكم انا ما بطب انتي ناسيه ان طلال يعرف انك شمس
صديقه ريم وصديقتي.. يعني يوم اللي بتجي عندك بيسالها.
شمس/والله حاله ..انتي ليش مسكرتها بوجه نفسك..
هالة/اناعندي فكرة؟
سوزان/تكلمي يام الافكار الخطيرة…
هالة/انتي اللحين تتصالحين مع طلال زين وتقولين له ان انتي قلتي لشمس تكلم ريم وتعزمها
في بيتهم وانتي بتروحين علشان تشوفينها هناك يعني مكان محايد بدون ماتدري انتي منو وبكذا
تكونين ضربتي عصفورين بحجر واحد ..راضيتي طلال وبينتي له انك ماتقدرين تزعلينه وبتدورين رضاه وين
ماكان وبتتعرفين على ريم بدون ماتدري انتي منو….
سوزان/والله طلعتي خطيره صحيح ياهلهول؟
شمس/والله طلعتي صحيح خطيره ياهلهول….قومي اتصلي فيه شتنطرين ياحظي…
سوزان/طيب ..واذا اخته قالت ان هي الااتصلت مو شمس.
هالة/والله صحيح بقرة؟اللحين هو بيترك الموضوع كله وبيسال اخته مين اللي اتصلت في الثانية.
شمس/وبعدين هو مايبيها تعرف انك تعرفيني لو كان يبيها تعرف كان قال لها من زمان….زهو
حتى اسمك مارضى يقول لها.
في بيت الجاسر.
ام محمد/البيت مظلم من دون شمس….
نور/اكيد بيظلم لانها هي الشمس اللي تعطينا النور والضياء والاشراق…
وسكتتبعد مارمى يامر عليها المخدة…
سامر/اللحين احنا مفتكين التلفزيون مطفى تقومين توجعين راسنا بهذره فاضية…
لميس/ام محمد ترى انا زعلانه منك….
ام محمد/وخير ان شاء الله؟
لميس/ليش ناس دون ناس ينامون في بيت الراجحي؟
وسام/اولا انتوا بكره عندكم جامعه فكيف تنامون هناك وثانيا شمس محتاجه شويه راحه بعيا عن
وجوهكم الطيبه ….احم احم شرايك فيني يام محمد.
ام محمد/قمت بالواجب وماقصرت…
راوية/انتوا ماتعشيتوا …قوموا ناموا بكره الصبح هواش على القومة.
محمد/انا بسهر.
ميس/وليش بالله ….الاخ عاشق واحنا ماندري؟
محمد/انتي سكري حلقك قبل لايجيك كف.
ميس/مو على كيفك ترى امي قاعدة…
محمد/بتسكتين ولا…
ام محمد/انتوا خلاص محيتوا الاحترام من قاموسكم…
ميس/هذا ولدك…حبيبك اللي ماترضين عليه…
راوية/خلاص كفي الشر انتي بعد…
ديمة/ماما ابي اكلم بابا…
راويه بعصبية/وليش بعد؟
ديمة/ابي اقول له تصبح على خير…
راوية/وشدعوه ماهو نايم غير لما تقولين له تصبح على خير….
ام محمد/راويه علامك خلي البنت تكلم ابوها…
راوية/اوووف خلي لميس تدق لك من تلفونها…
ام محمد/وليش بالله….
راوية/مزاج……
وقامت من الصاله وراحت غرفتها
ديمة/خالتي ابي اكلم ابوي….
لميس/امري لله قومي….
سامر/تصدقين يمه ….امس لما رياض جاب عياله قال لراويه انه الاسبوع الجاي بياخذ عياله معاه
دبي وهي عصبت عليه وقامت تصارخ وقالت له ذولا عيالي وبيظلون عندي وانت مالك شغل
فيهم يارياض…..
ام محمد/الله يهديك ياراويه بس الله يهديك…..
محمد/يمه ليش راويه تطلقت؟؟؟؟؟
ام محمد/الله اعلم ياولدي….والله اني مو قادره اشوفها بهذا الوضع بس شسوي…. لاهي تبي تتكلم
…ولا هو راضي يقول شي….
سامر/تبين اسالها يمه…..
وسام ومحمد وميس/هاهاهاهاها
سامر/ليش تضحكون….
ميس/اللحين هي ماقالت لامي بتقولك….
سامر/عادي يمكن تستحي من امي بس انا شقيقها اتوقع تصارحني…..
محمد/حلوه هاذي ليش ان شاء الله احنا اولاد الجيران وحنا ماندري….
ميس/عجزنا انا وشمسوا ولميسوا وحتى بيت الراجحي عجزوا مع رياض بس الطرفين متحفظين على اسباب
طلاقهم ومايبون يتكلمون…
سامر/يمكن بيت الراجحي يكذبون يعرفون بس مايبون يتكلمون…
ام محمد/عيب ها الكلام ولاتعيده مره ثانيه لاذبحك سمعت ….
سامر/ان شا ء الله يمه…
ام محمد/يالله قوموا خمدوا ناموا….
******************************في بيت الراجحي(في الصالة)
(رياض وامه وجواهر)
رياض يكلم في الجوال/ان شاء الله حبيبتي بكره العصر نطلع انا وانتي السوق نشتريها بعدين
نروح ناخذ ايسكريم وبعدين ارجعك البيت للماما طيب……يالله عمري تصبحين على خير…
وسكر الجوال وهو يبتسم….
ام رياض/هاذي ديموه…..
رياض/اي….
ام رياض/حليلها بنيتنا كبرت امس تقول لجدتها ام محمد مابي عشاكم مو مشتهيه سوي لي
شوربة
رياض/متعلمه هذا ابيه وهذا مايعجبني….
جواهر/شخبار امها……
رياض تنهد تنهيده طويلة/مادري…
جواهر/ليش لما تروح لعيالك ماتشوفها…..
رياض/لا
جواهر/انت ليش ماتقول لها انك بتتزوج….
رياض/وليش اقول لها؟
جواهر/علشان اذا في راسها شي يطيح…
رياض/لا مايحتاج…
جواهر/وبعدين من قال ان انت ماراح تتزوج احنا قاعدين ندور لك على وحده ثانية….
رياض/جواهر هالموضوع خلصنا منه زواج مارح اتزوج وغير راويه مابي فهمتي ولا اعيد….
ام رياض/الله يهديك بس ياولدي ليش معصب اختك بس خايفه عليك وتدور مصلحتك..
رياض/تدور مصلحتي تقولي تزوج شبلاها بنتك ماتعرف غلاه بنت الجاسر عندي؟…
ام رياض/ولايهمك اذا على راويه انا مستعده اترجى فيها ليل نهار علشان ترجع لك ولايصير
خاطرك الا طيب ….الا على فكره يمه خالتك تسلم عليك تقول من زمان ماشافتك…..
رياض من جابت امه طاري خالته انقلب حاله على الاخر وقام بيطلع….
رياض/اذا فضيت بمرها …تصبحون على خير…وطلع…
ام رياض/الله يهديك ياراويه شوفي حالته شلون صايرة.
جواهر/لا ويقولي ماتعرفين غلاه بنت الجاسر عندي مايدري انها مو حاسبه له حساب ولا طاقه
له خبر اصلا؟؟؟؟
وفي غرفه هالة(سوزان تكلم طلال وهاله على الاب توب وشمس تقراروايه الرسائل السوداء لاجاثا كرستي)
هالة/شمسوا…
شمس بدون ماترفع عينها من على الرواية/ها
هالة/ماوحشك؟
دق قلب شمس لانها عارفه انها تقصد متعب…
شمس ببرود/منو…
هالة/ليش في غيره واحنا ماندري؟؟؟
شمس/تقصدين متعب…
هالة/لا اقصد المهندس متعب…
شمس/لا ماوحشني وبعدين انانسيته وماعدت افكر فيه.
هالة/صدقتك.
شمس/يوم الاربعاء بيجون عندي عروس واربع مرافقات امكيجهم.
هالة/نعرفهم..
شمس/انا مااعرفها…اختها مع لميس بالجامعه وشافت مكياجي وعجبها وبتجي مع اختها وعمتهم وصديقتهم.
هالة/بنت منو..
شمس/اللي مع لميسوا اسمها روان الهاجري .
هالة/انا اعرف بيت الهاجري بس روان ماظن اعرفها.
شمس/اذاجيتي يوم الاربعاء بتشوفينهاواللحين قلبي وجهك وطفي النور لان اذا على الاخت سوزان مابتسكر اللحين
صار لها ثلاثه ايام ماتكلمه يمكن ماتسكر الابكره الصبح…
هالة/وانتي الصادقه يمديها الشمس تطلع وهي خبر خير وطفت النور تصبحين على خير
شمس مابغى النور ينطفي بالنسبه لها… من انذكر متعب وهي في وادي ثاني…الله لايع…..لا مابي
ادعي عليك يامتعب …انا محتاجه اشوفك محتاجه اشوفه مثل ماشفته اول مرة….اي اول مره شفته
فيها كان يعذب………..
(متعب/صار لنا شهرين نكلم بعض…
شمس/ان شاء الله العمر كله ليه مضيق خلقك.
متعب/بصراحه انا ماحب اكلم احد ماعرف شلون شكله….
شمس/والمطلوب…..
متعب/ابي اشوفك؟؟؟؟
شمس/………………متى…
متعب/غريبه تصدقين توقعتك تقولين لي ماقدر؟
شمس/وليش غريبه وانا ميته ابي اشوفك…
متعب/صحيح….
شمس/ابي اشوف يسوى غرورك اللي متعبني ولا لا…
متعب/طيب متى باشوفك؟
شمس/الاثنين يناسبك…
متعب/طبعا يناسبني انتي بس تامرين واحنا علينا التنفيذ…
شمس/لا انا كذا ماقدر وين التواضع يامهندس…
متعب/شسوي مجبور اسايرك علشان اشوفك….
شمس/طيب متعب ابي اسالك اذا طلعت مو حلوه بتكمل معي ولا بتوقف تكلمني……….
متعب/والله مافكرت فيها كل اللي اعرفه اني متعلق حيل في صوتك ومااقدر تمر ليله من
غير ماسمعه وفي نفس الوقت ابي اعرف صاحبه هالصوت اللي قدرت ….
شمس/كمل ليش سكت..
متعب/خليها لوقت ثاني ..المهم وين بشوفك…
شمس/وين ماتبي…
متعب/لا وين مابتقدرين انتي تكونين موجودة….
شمس/على البحر ينفع..
متعب/اكيد ينفع ….تصدقين اني بقعد اعد الساعات علشان يجي يوم الاثنين .
……………………………………….
ويوم الاثنين
جت شمس مع هاله وسوزان مع سايق بيت سوزان واتفقوا انهم يخلوا السايق يوقف بعيد
علشان مايشوفها متعب وهي نازله ولاراكبه وتقدمت شمس جنب الكاديلاك الكحلي اللي قال لها متعب
ان بيوقف جنبها واذاوصلتتدق عليه لو ماشافتها .
تقربت منه وهي خايفه حيل من المواجهه صحيح انها جميله وان الكل يمدح جمالها بس
متعب غير يعني كانت تبي تعجبه باي طريقه ولما تقربت من السياره وقفت تناظر متعب
باعجاب ….صحيح كانت تشوف صورته اللي جابتها لها …….كل ليله بس في الواقع كان خيالي
ماهو طبيعي كان متسند علىباب السياره وذاك القميص الكحلي والبنطلون الابيض مكشخينه على الاخروالجزمه الرسميه
عطته هيبه اكثر…..كانت عيونه على البحر لين وقفت شمس جنب الباب …..قريبه منه..
شمس وعيونها على الارض/كيف الحال؟؟؟؟
متعب اللي من سمع هالصوت جنبه وقف على طوله مره وحده وشال النظاره عن وجهه/اهلين
والله………..
شمس/…………….
متعب/…………………
شمس/……………………..
متعب/رفعي راسك ماشوفك عدل؟؟؟
**************************************
- اذ كنت مضيق اش تعمل عشان تفرفش
- اغلي شمياء شاله
- رنتك بسم حدرتك ودحمد
- رواية بدفن حبي وراسي عالي الارشيف
- صور مكتوب عليها كﻻم تفاول وثقه في الله بمناسبة عام 2018
- ليش تعاملني بجفاء
